1 Utege ba kaga ukono nterr dol ka nti ube yok, nyor utiba robor shaga. 2 Jolor itom nti atoro sheng ngor ngobji ba rogitom beh uyelor wurr are ilelak, fenghe jol mbe ugbogor ibene ne utun-shi ne utun-shi ikpe-ikpe akanya nlama, 3 Nanor ngha ntega umal ba wele jolor ntenor igboro nogor nyor" Ngha nogor nyi jolor mgbogormbarr nyi Ntol fenghe lem itembaga ka wurr ngor idi anemba iyogor. 4 Ngho igara ntor ntereng Ishor ba tep ngor ayonor, ataniikor, ne atun-gbork abaga, fenghe ba bak inonob ufu gara ne ntobor ye. 5 Tep ne ba rogitom Ishor shang iwedor Ishor lemor ndege ba ngha mfam, nji umeshap ubang. 6 Ukorkorbulob mbor, nendege be-fenghe idindege toror mbe, "Ba ijom ireror ne nji ame lobor gumeh? Afi mon nne, nyor ayor bree? 7 Aleme nne fenghe ndege teke shenghe ba rogitom. Wor akone ikpo ntege ne nkagar. 8 Akak ijom njendendege ngor arab-kpada ye. Wer yor Ishor fenghe ne abodo waa kae. Atomum ijomjom shaga nji ikareror ka-eh, ngha uka-yen ijomjom nji ireror ka-eh. 9 Ubeh fenghe yene ne nyor mbor rede shenghe ba rogitom Ishor ngor mon Igara, Jesu be ikpo-utol nji ikpelor ntege ne nkaga tep ne akanya ye ne iku, inyor ngor ikor Ishor aba yongho iku ka anne waa. 10 Tep ikukon ka Ishor, tep nenan ijom njendedege ibala ka-e fenghe yurr ngor idi je, nogor ikor tek aborn aneblom feb. Ifenghe korn nogor alem ntob-ishe nogor bor ikorn ngor mbarr akanya. 11 Tep ne nnenyor yor beh ro-afu ne anemba mbobe bor ro-afu iyurr ijom njereng. Fefene ndon weh kpem nogor wer kok bor ne ba ngbayen. Aba bong, 12 "meh mba yebe mbeng ya yurror ka ba ngbayen jama, mba tomo abem guma ngo igom anne." 13 Kpe bod, "Mba fonor ntama ka-e" Kpe bodo, bree, mme ngha ne abon mba Ishor bemeka. 14 Na aborn beh iyor bak ngobji ne along, abaga shumor ngho abodo nya-ngho ngho mbarr nyor, inyor ngho mbarr iku amalba bama nem nyi kpelor ikor gara ne iku ngho nnim-yi. 15 Nta ijolor nor iyorji aba yaga ane waa mba ifono ubol iku fenghe nene ikpen bor waa na ajo. 16 Ngor itembaga ba rogor-itom-Ishor shang akagor bor ubor, nneb Abraham ba. 17 Iba laga nogor ajol na ba ngbayen ngor abarr waa, inyor nji aba jolor igboro Ntol nyi kpelor uyenimog ne ntama ka abodo nya ireror gara Ishor, iyor nji iba kogor mbaga ba ka aneb-abebaga. 18 Tep ne Jesu fonor yene akanya mbor fenghe yonghe, njiji ayomali fonor ukagubor ka ane mba mbor beh bor yongho.