1 Ngho igara njem Ishor kolo ba toro itom be bong ne anepkol mba imene mkpel ibeg ibeg ngho abarr feb. 2 Yor ngha atuu nyangha njem, abalo ba bong nenire sheng ngho ngobji mon, nyor ayege mbe ali ibon abodo nya waa. Sheng ngho ngobji ye yor Ishor lemo nfam. 3 We yor rero irana ka nkaga Ishor, nyor tabor abaga ye waa ngha ikpen te. Afenghe fele ijom nji ndege bodo idi njereng ngo alom ikor te. Igara nti abe lem urogo abebag, aba beme ngho uboblom nne nyor fulor sheng waa ngho iborr. 4 Aba fon ukol shenge ba rogor itom Ishor tep ne mbeng nyi abe fon fulor sheng mbeng bor. 5 Tep ne nan nrogo itom Ishor yor Ishor togor bong mbe, "Wor monama nyor, ilela mbu jol nshua"? Afi ba rogor itom Ishor nyor Ishor tegor bong mbe, "mme mba jolor nshua, afi wor aba jolor monama"? 6 Kpe bodo nghor, nji Ishor kolor mgbogor mbarr mon ba ngha nfam, aba bong, "Ba rogor itom Ishor waa iyebe tege." 7 Gara ne ba rogor itom Ishor aba bong mbe, "We yor lemor ba rogor itom be fu, fenghe lem ba tama itom be ilolo gnon." 8 Ka mon ne abong mbe, "abe komo utol, Ishor re ikpen igengen." Iti te-kor mfam ya, itite kor itembaga. 9 Abu fon ikorr ka itembaga ne ti bom ibene ifenghe shaba, "Ngha ntiga Ishor, Ishor ja ba rorr ne akor inyarr shenghe atem ba." 10 "Ngho iyegetullor, ntol, wor yor abomor uyibi tulor nfam. Ukun iborr ubob ifangha babi. 11 Mbor ba kpogor, wor aferr mbog mbog. Nya waa iba jaga na ijar mbomor. 12 Ababor fedeh na iwuru ngha, mbor ba fenghe yoryangha bor na ijar mbormor ngha. Wor anem tege yangha, nda ya iyom tege yangha." 13 Nrogor itom yonyor Ishor yor bong igara nti ndege ndege, "Bume ngor uboblom bama nogor ntogor lem anep ujeng mba ibume ngor arab kpada ya." 14 Ba rogor item Ishor afu shenghe nya iyor lem ifangha, fenghe jol anemba mbor tomo bor mbor bre anemba iba fono nnobor?