1 Agbayenbama, nne nyor mboye bob ngor ashashab abaga, wun mba wun kpelor inonob ufu, yekga wun fenghe ngor ufu mbi tere. Fun wun ntobor gara ujibene , iyor wun fufor wun tiba lime ibebe. 2 Tap wun alam atem ,ngor lime wun mbene christy. 3 Nne nyor ye tobor mbe weh kpe- ifan nji akakpkelor ifan , annime ujibeh. 4 Nne ndege ndege tobor ifangha teh , nne nna amme gereh iba nnene nenting, ngor idi nne wegor shang. 5 Ntem ntem bah taba ishoul teh . 6 Nne nyor mbor kpeleh alom ilaga nogor abag anonop abodo wah nne nenyor jor kpele. 7 Mor tiah nimeh . Ishor mbom yoleh , ijom njindege dege nji nne ye tah, nji ji aba kpaga. 8 Nne nyor ye tah amogote ka ngobji yeh , ngor ngobji abah kpaga nrenghe.Nne nyor talor amogite ngor ufu , ngor ufu aba kpaga ikpen igen-gen . 9 Uleminonob iti wurr jek , ngor igara nti ilagor wurr ubah kpaga , ikajegor wurr. 10 Ngha nna wurr ukpelor iyaga, nogor ulem anonob kah anne wah, tenghe kpok mba irerorr gor ntama. 11 Yen wun ayonor nya mme nyonor tuge wun nne abor yama . 12 Ane mba iyagor lem anonop nne ngobji ikpi shebe nogor mbor nurah ayangha. mbor leme ngha nogor mbor tibor kak akanyah icross christy. 13 Jol anne mba iyangho ikpen bor ibomum, ibenneh ,mbor kpi shebe nogor wun yangha inyor mbor bah yib akpukpok gara nne ngobji . 14 Mme nti yib akpukpok shenghim ngor icross Ntol wurreh Jesu Christy, shenghe ngho idi jeh mbo-bu kom nfam laga mme, mme gor nfam 15 .Mbor titap nyangha nna inobor affi anne mba ikabor ti-yangha , ijom nji mbor be lime nfemfeh . 16 Tuge anne mba ijenor kpekpe wah, tere nne unor ijol lnebor ,jol Israel annep Ishor. 17 Ngha ntiga fenghe ngor mbok nneneh ti-meh kpe kar ilam ,mme nkpeh irenghe Jesu ngha ngobji yama . 18 Igracia Ntol wurreh Jesu christy ijol nne ufu benneh ,agbanyenbama. Nogor ijol nor.