Ikpak 5

1 Ngor ujogo shaga ngbagobor Christy yaga wurr aba. yeme kpekpe mbor ti wun kpe kag ngbagobo ujoh. 2 Bure, me Paul, bong nena mbe wor aye yaga ujiba mbor yangha, wor animba fonor nshele ngor idi Chrsity. 3 Me nkpe kpi bongho ka ane wa-a mba ibe fon nyangha mbe ilaga nogor abom ibene wa-a. 4 Mbor bu wun kem shaga Christy, wor nji mbene iyaba nobor. Wor anim kpe yen igrasa. 5 Asheng ngor ufu, ngor ntama, wurr ukpi shege ukono nterr dol ngor uyemedede. 6 Ngor idi Jesu Christy nyangha afi tifon nyangha ikpe unoh, ntama nenting yi me lime ifangha sheng ngor ikorr. 7 A jol jor tobo kpekpe. Yonor lemor mbe wun ti fon itembaga? 8 Ndebe nyi ngha yurum ngor idi nneyor kogo wun! 9 Mon nsheshe iyeast yor lem idough toerr. 10 Me nkpe ukono nterr idi ada nyor nji atiba tobor ijom nji iyanghor. Nne nyor maka ilam ba yene akanya nlama, nne nji ndegendege nyor areror. 11 Agbayen bama, jolor me mkpi toror gum nyangha, nnanor mbor mbe me nkpi nyene akanya? Ngho ntor, ilam ntigor icross ikpem re. 12 Ken mbe mba ima ka ilam iba fara afin mbor aye. 13 Mbor koga nghor nshoror, agbayen bama, tep ne nshoror yine, kawun kor nshoror ya lemiyaga ka ngopji, ikorkorbulor mbor ngor ikorr, kag wun atem ubor. 14 Ibene wa a, ibu lemngor ilom ntereng: "Atigi ba fon ikorr ka nkultek wa na wor fonor." 15 Wun ye reb fenghe runghor atem, bure wun kpekpe nyor wun tigi ba runghor atem. 16 Mbor bong, jen ngor ufu nyor wun tigi ba leme abaga ngobji. 17 Abaga ngobji ijom jol kpekpe ne abaga ufu, abaga ufu fufor ijom jol kpekpe ne abaga ngobji. 18 Alam nyangha ya mbor kpelor ne atem, nyor nji wun tiba leme nti ikoror wun. Jolor ufu ikpila tebe mbarr, wor arem ngor ibene. 19 Nghantega ifangha ngobji ire gbol. Nya ya ireror unongho ne anepkal, ulem abebe, ufon ikor anepkal ngor ishashap, 20 ujom abonlokte, ujam aberr, utubor abebe, utobor ishashab, ukonor ijom ane, uyamtem, ugara atem, urede iji, ufug iji, 21 ulige ala, uwogo amim sheng, unogo abirr ngor amirr amim, ne abga nyagor nya ifongho nya. Mme mbu wun nyam, na me mbe yor togor nyam, ane mba iye lem abaga nyangha, inomba fonor ukun iborr Ishor. 22 Nna mogo ite ufu ireror ikorr, iyebe, terem, ukono nterr, ubaga abodo ya, inonob, ntama, 23 unob ibene, ne ufele iji. Ibene irem ka nyangha. 24 Ane mba ireror ne Jesu Christy ibu kom agobji ne abodo nya ijor korr bor. 25 Wurr uye nene gara ufu, ubangha jen gara ufu. 26 Wurr uti tab ngobji jor lem abaga nya ibayama atem item, ulige atem ala.