Ikpak 2

1 Mme nkpi shebe akun igboro nogor nyi mme mbe fon-kah, anne bah irerow gor Laodicae, na anne-feb mbah ikabotiyen ushimen bama ngo ngobji. 2 Mme mbu-leme ifengha inyor ntembor iba fonor atunor nogor ujol idi-jerang ngor ikorr nne afang ngor ukunor abaga utenikor ishor, Jesu yo-ngho. 3 Ngho idi-jeh ukunabaga irrem ghol. 4 Mme mbong nna iyo nedege timal yaba nume nne ayebe allome. 5 Jol-na mey nka rerow nenna ngor ngobji, mme nrenena uffu, itemimeyebe nna won rerrow kpe-kpe nne ikoh ntama-ya nne Jessu. 6 Na wo abe-fon Ntol Jessu, Jen nnene. 7 Tab illa kae, jol kae, jol nnene ngor ntama nna mbo kpelah, igafor Jah ijor-fu. 8 Nnene titab ntoboya nne nnume nyi ka rerrow ijom=jom, gara nne-nna anne ime lem, jor ama abon-abaga affu nfam, ti-jor tama abaga Jessu. 9 Ngho idi-je abaga ishor wa innen-ngho nfongho ngobji. 10 Won be rorr ngho ngonji, weh wo rerrorr nenkol kah ntol nyin-dege-ndege wa nne ikorr. 11 Ngho idi-je wo fufor afonor nyaha, nne nyangha nne ka rerro gara ukine ngobji nne, irerr gara nyangh Christi. 12 Mbor kpala kag nne neh ngor uwurr alip, ngho idi-je fufor wo ayimme jok ngo ntama ikoh ishor, mji yimme ngo iku. 13 Igara nti wo akpolor ngor abebag nne nji akaboti yangha ngor ngobji, alima ajol ikpen nne-ne fengha bag won abebe yine wah. 14 Afodoh abaga nya mbo yonnor gara akone nya iyemor gom-wurr nna ukatono mbene. 15 Afunghor ikor atobishi neh ba komikpokoro fengher rebeh ijom nji ibolor bor, fengher winbor ngor icross. 16 Nne-nne ia lama ngor nliging afi nworgor afi gara nne ikak afi umerr nfenfe afi ufonfo Sabath. 17 Utuge (shadow) abaga nya ibabaga ya-ngha, igbori-jon ngha Christy yor. 18 Nne ndege-ndege nyor mesheb erre nne ukuma-rung kar angels lamah yiye nno ukon (prise). Nkpet nne-yor joyel ngo abaga nya abe-yen fenghe-jor rogor (puffed up) ngor ijom-jom tep-nne ntobor ngobji ye. 19 Weh joma tuge ngo ishi. Ngor ishi wor ngonji wah itugor nne ajib nya ifelor, iffu nne afufege nya ishor kallo. 20 Won yekpor nne Christy, nne awurwurre affu nfam, nna iwedor amme nnene nyor kpelo ikoh ngha nfam. 21 "Kah felle, afi yongho, afi laga-abor"? 22 Abaga yangha wah ibah runghe, gara nne mbongho nne nkpele anne. Mbe nne nyigha ikpe fongho ukune-abaga, utama tuge ishor mbi iwurro ngor idi anne, terre, nne uburre ngobji nyi fullor. 23 mbo kpem ifan nkaga kar abodo ngobji.