Ikpak 1

1 Paul, Ntuntule Jesu Christy nah ishor bongho, 2 neh Timothy ngbayen, tugor anop-nop anep ishor agbayen mbaiyenmor dedede idi Christy mba gor Colossae. Nogor ino-nop ijol kah, nne terreh ngor idi ishor Nshuwarre. 3 Wurr ukah ishor, Ndeg Jesu Christy igafor ngor nna ujor konijmor Ndor tugah. 4 Wurr ubu-yok gum ntama-yahgma nne Jesu Christi nee ikorr nti wor akpelor kah anop-nop anep ishor wah. 5 Worakpe ikorr ntah tep nne ukono-nterr mbi inogho ka ngor ukin-iborr. wo abutugor yok-gun ukonoterr mbighi ngor allom itembaga, igospel; 6 nji ibe bah idi-ja. Allom nyagha ikpi tungho amogor fenghe yorfu ngha nfarm. Ibaga kpe lemeh nor ngho idi-ja fufor, yigitule ufoufo mbi ayo-gor fenghe kpele gum inop-nop ishor ngor itembaga. 7 Allom nyah wo akpelor ngor Epaphras ya-ngha, nne-ikorr nrogitom wurre, nyor renow itentenghe nrogilor Jessu. 8 Epaphras bu-leme ka-wurr nkin ikorr-ta bgor uffu. 9 Tep nee ikorr ntah, yigiulor nji uyogor, ukayagabor ndor jujom tugga. wurr ukpi bubeh nogor wo affon nkunne nna ajor sheb, ukunna-baga nne ukinabaga uffu. 10 Wurr ukpi jummor ndor negor ajen kpekpe nne Ntol nna ikorre. Wurr ukpi jomondor nogor aunghe anogor inop-nop nleme fenghe fu-ngor nkunen ishor. 11 Ujum-ndor afun-ikor ngor nti amalo-illeme gara nne-ikor ntughe ngor uyebitem ugbo gor nter tereh. 12 Wurr jumdor nna wor aba-kaga nshua igafor neh uyebitem nyor ba-leme abeh fon nbagah ulegibon anop-nop anep ishor ngor irana. 13 Abu-werr yigeh shagah abaga ijinghe fenghe yigi wurr tum-ngor ukeniborr inop-nop mon nne. 14 Ngor idi ukolor nnogor, ubaga-abebag. 15 Weh-yor rerro nfonghor ishor nji ukao-yeneh mbarr mon nyor lemor abodo wah. 16 Ngho idi-je mbo leme abodo wah, nyaggor iborr neh ndegeh abodo nya mbo-yen nne nya mbo-kao-yen. Afi igbori iteh affi-anep ishi- kpokoro afi ikoh (authority) abaga wa ijol shengor idi-jeh fenghe kach. 17 Weh fonor reh kah abodo-wah, ngho idi-ji abodo wah ijolo idi-njereng. 18 weh yor rerow ntob-ishi ngobji, ikobashi. Weh yor rerro igbogor mbarr, igbo gor mbarr mon nyor yero-gor idi anne mba ibe-kpor, ngor ijim dege-nddege weh yor rerow igbo gor mbarr. 19 Item iyebeh ishor nogor abodo-yeh wah ijol nne neh neneh. 20 Negor afele wurr konnor ngor monne kah weh-fonor. ishor leme iconnor ngor allong meh ngor icross. ishor fele abodo wah connor nne ille; abodo ngha ndege nne abodo ngor iborr. 21 Ngo igara intindege won fufor ijolor aJennor ka ishor fengha jol annep ujing beh ngor item nne ngo ishab-shab nlleme. 22 Ngha ntuga abu-konnor nne-na ngor ngobji ngor iku. Alleme nna nogor atep nna wo aarow, akpem-illam, 23 wo aye tonnor ngho ntama, yeme kug, fenghe tum-shaga ukuno-nter allom nya abeh yok. Allom nys mbo turrow ka anne wah mba mbo lemor ngha ndege yangha. Allom nya mme Paul njolor nrogitom yangha. 24 Ntega mme nkpi gerreh ngor akanya kah, mme mbu-fu ngor ngobji ijomji ika nerow ngho akanyah Christ tep-nne ngobji yeh, nyi rerow ikobashi. 25 Ngha ikobashi njah ji mme nrerrow nrogitom gara nne ifangha nti nkolor nnogor mba kah, nngor ijol nah allom ishor ibongho. 26 Abaga nya mbo shelor ngor ngara nyi be-sheng ngha tuga abu-re be-gbol ka anop-nop annep ishor. 27 Ngho idi-bor yor ishor shebor nogor allem nkunne affang abaga ukun-ibor shime nne Gentiles, nyo rerow Christ ukunonterr itek ishor. 28 Ubong gumme, fenghe kpele anne wah ngor ukenabaga Christ. 29 Ngha ntah mme mbu leme mfangha gara nne ikor teh ni irerro iffangha idi-jama ngor ikor