¹ Igorl ira jingha meba top wun ilam tindendege ntiba jolor iba fonor atensheh kpor abal afi ara. ² Mbu bong iyogo-iyogo ka mba ibeh lem abebe gor njim neh mbagor waa igara nti njofor ngor igorl ibal, fenghe kpeh bong, nimba bor yaga abor. ³ Mkpi wunitaga nta tep neh christy meh bong shengor meh. Arem degeh degeh ka wun. tep neh akpolor gor abebe fenghe jol ikpen gor ikor Ishor. ⁴ Fufene utunim ngor idi jeh, utege baneneh nener-tepneh ikor Ishor ngor igom jineh. Fedeh wun ijibineh, nor wun yen jolor wun kpelor ntama yongor wun ijibineh. ⁵ Wun ka renghe nta gum ijibineh, na Jesu Christy reror nenineh?-shengm mbeh wun shengm nyonghe finor. ⁶ Mbu fenghe kono nterr meneh wun ba yigeh na wun kaboti gbor nyongho fonor. ⁷ Nghatiga ujom ndor ka Ishor na wun tege kpeh ba leme ibebe njindege. Nimor jomdor nor ijolmbeh usheng nyongho fonor. Ikorkorbolom bor,mkpi jomor ndor nor wun lem ijomji ikornor, uyima gbor nyongho fonor. ⁸ Tep neh unimor ijom jindendege-sheng itembaga shaga. ⁹ Fufene item igor yebuwurr ngor igara nti ukakpelor ikor wun fenghe kpe ikor. Fufene kkpi jomor ndor nor wun korn. ¹⁰ Nyonor abodo nya ngor igara nti nrerorfer shagiwun inyor ji igara nti mba jolor nenineh ntiba leme ugban-ugban nenineh nti Ntol kalor meh inyor ji mbawuniyibeh yuror tifenghe lem wun gbor. ¹¹ Ngor ikukulor, agbayen bama, fon wun uyebitem! lem wun ifangha njoror, fon wun atunor, fon wun ntobor nyreng, neniwun tereh.Ishor ikor neh tereh bajolor nenineh. ¹² Kak wun aterm neh iteng-tenghe nyor. ¹³ Ateng tenghe aneb Ishor waa ikak wun nyor. Nyangha nyindege shumor neh akepek igole ne ira neh akpek igole neh ibal neh akpek igole neh ini na akpek igole neh ira. ¹⁴ Inya Ntol Jesu Christy, ikorr Ishor, neh ntigeh inonob ufu ijol nenineh.