¹ Meh ntege ba gaba, jolor ijolor mbeh ikpem nshele. Mbatonor uyeneh amerr ne mbong ntol. ² Nyiyi nenom weh jolor na Christy weh ngor igor igole ne nda ini yi ibeh sheng njigeh gor ngopji afi ngopji shang, menyim Ishor ji yilor weh mbor kemeh tugor gor ukun iborr igborbolo ira. ³ Mfenghe yi mbeh nnom wengha, jol gor ngopji afi ngopji shang, meh nima kun, Ishor ji nyilor. ⁴ Mbor kemeh kak gor iteng-tenghe idi fenghe yor yoke mbong ibene feb yika lagor nor ane ibong. ⁵ sheng nkuk ne wengho shaga mba gaba. Ifengho sheng meh shaga nimba bongho, shengm gum idege-degeh jama. ⁶ Jolor mbongho meneh nya bong nyor nimba jolor ndamaneh, tep neh nyoba bongho itembaga. Nimba gaba, inyor ji nenden-dege tiba tobor dole gum meh shenghe ijomeji ayenor gor ngopji yma afi yoke gor idi jama. ⁷ Ntabor ijibama yuror tep neh mbong yi ishengho atem mbong, ijongho iba yruror ngor ngopji ba top meh idi nrogor itome nim bajumeh-tep neh nor nimba taba ijibama yuror. ⁸ Igol ira ngoro ntol gum ntingha, nor atab shaga meh. ⁹ Afenghe bong ka meh ikor tama ifufu kaa, tep neh ikor nti inobor iyor yurr gorr idegeh. ikor korbulom bor mba bongho nyor gara gor idegeh-degeh jama, inyor ji ikor Christy iba jolor nenama. ¹⁰ Ngor ikukulor, idegeh-degeh jama tep neh Christy imefu, ngor nto, alam, ngor nyolo neh akanya. Tep neh igara nti nkakpelor fon ikor jiji ikor iyor ba. ¹¹ Mbu jol ndamaneh! wunumeh nror kak ngha nta. Wun yol yor bameh kpaga lele. Tep neh ijolim mbeh ntegm fonifon waa gara mba iyinor batontolor mba ikpelor ikor, jolor ijolor mbeh nrem ijome-jome. ¹² Ayonor batontulor itebe ngho igom jineh neh unara nterr waa, ayonor, neh mfongho neh atanikor. ¹³ Nanor afonor ifan tekeh shenghe akobashi nyagor, shengm mbeh njolim ishol ka? Bak meh ngha isha-shab nja! ¹⁴ Breh mbu loke ngopji nor mfenghe ba top wun ngor igol ira. Ngho nimba jolor ilam kawun, tep nyom bib ijme ji ireror ijineh. Mkpe wunishebe. Tep neh aborn iti bome ka areh neh ayenaneh. ikorkorbulom bor, areh neh ayenaneh ibome kaaborn. ¹⁵ Mbba fonor uyebitem nor ntana kpeh tana ka afu yioneh. Jolor mkpelor ikorr kawun dole, meyor ikorr iba jolor kameh tekeh. ¹⁶ Na ireror nghatiga, nkalim wun ilam. Tep neh ukodo bama, meyor nreror nendendege weh ntomeh tugor wun. ¹⁷ Ntitap iyaga jineh ngor nendendege weh ntomeh tugor wun? Ntaga Titus nor ashong yi top wun, fenghe tome mabayen wegor neneh. ¹⁸ Titus titap iyaga jineh? uyolim jen ngor ufurenghe? uyolim jen gor ajarr kpada njrenghe? ¹⁹ Wun kpi tobor wunareh igara ntigha waa nti umeh nork ijibreh ukpi nogor ka wunor? Anebikorr, bama ngor amerr `Ishor, ubu yoike ngor idi Christy meh bong ijome jendendege ire nor wun fon atunor. ²⁰ Tep neh mkpi begeh na igaranti mbabaga ntiba wuniyeneh na meh sheb. mkpi begeh meneh wun nimalba meh yeneh na wun mesheb Mkpi begeh meneh ntangha yima jol, uligala, nrebeh, ulagatong nh nshumutogor. ²¹ Mkpi begeh meneh igarati mfengho ba, Ishor jama malba meh fele lem tereh ngor amerr yineh. Mkpi begeh meneh item ialba meyama neh ane feb mbor ibeh lem abebe ngor njim nor igara nta ikum lomoe neh mbaikayangho shaga ibebe neh unogho neh aterm fenghe yor lem abebe abaga nya ikalagor nor mbor lem.