Ikpak 1

1 Paul ntontonor Jesu Christy tonor ngor mbene Ishor nonogor were ne Jesu Christy ukono nterr wereh. 2 Tugor timothy, mon itembaga ngor ntama: Igracia, imog, ne tere ngor Ishor nde ne Jesu Christy ada jere. 3 Na ntagowun nogor wunlem igara nti metum feror ngor Mecdonia, shaga wun ngho Ephesus iyorji wun bagbana ne ane mbandege nogor mborti kpele ibene ikorbashi ntendegedege. 4 Mborti rangha aton ngor akakala afi ibene nti ikakpelor iyubitulor. Na iyokor nfaba-ba shenghe na ibakogor ukagubor uleme ifangha Ishor, mbi ishengho ngor ntama. 5 Ngha ntiga ishi mbene ijogo ikorr ngor iwewele item, shengor inonob ibene, ne itembaga ntama. 6 Anembadege ibutan shaga abaga nya fenghe yortonor mbong udam. 7 Mbor kpi shebe nogor mborjol ba kpele mkpele mbene, mbor reghem nti mbor bongho afi nya mbor tama ne nterr bor waa. 8 Ngha wurr uyiyi wur-are ibene inonob jolor atonor mbene. 9 Wurr uyiyi nta mbor leme ibene ka anemba iyemor dedede, ireka anemba ikaogbeh mbene ne aneb utinishi, aneba ikanyekor Ishor ne aneb abebaga, ne aneba ika reror gbol, ka anemba iyoryol ba-ndebor ne ayenbor, ka bayol-ane, 10 ka bayormatem ayele-ayele, ka aneblom mba iyor-nyom aneblom ne anebkal mba iyor-nyom anebkal, ka aju nya iyorbok gbe ajo, ka bakeme-nkekeme, mba iyoyeme ntenshe nkekeme,ne ijom-njidegedege nji ibafele inteng-tenghe mkpele fenghe njem. 11 Mkpele nya retonor ayeyebe atermtem alom inya Ishor nya- mbor kalome. 12 Mebaka igafor Jesu Christy ada jere. Akame-ikor fenghe yen-me na-ne-ntama, fenghe kame iko nleme. 13 Mm njolor neyor yotoror ashashab, neyor-yoryol, fenghe jol ne-ilam. Ngha membakor uyenimog tap ne me-nyolumkun abaga nya nyolorlem na nkafonor ntama. 14 Igarcia ada jere ibarorfat ne ntama ne ikorr nti ijolor ngor idi Christy jesu. 15 Ntom nya ikukon fenghe lak-noghor wurr waa utama, na Christ Jesu balor ngha nfamya nogor abanoy aneb-abebaga. Meryor njalorshab ngha igomja. 16 Tep ne na mgbayen mme-imog, iyonji-mme, mgbormbarr, Christ Jesu batebe tare waa. Aleme nta ngor nfogho anemba iyotama tege ngor ikpen nti ikakpelor ikukulor. 17 Ngha tugor atul mba imene, mba ikpelor ikpen, mba ukayen. Ishor nenten, kpelor nkaga ngor ikpen igengeri ne igengen. Nog ijolnor. 18 Mme nkpe wun itaga abaga-nya, Timothy, monama, gara neh uyen amerr mbi-itogorjol kumwun mbe wor aba ngor ateng tenghe abrerr, 19 fele wun ntama neh iteng tenghe ntobor.Ntene nya anembadege ifele ntamabor shemeh. 20 Mboreh na Hymenaeus ne Alexander, mba nbelbor tab ka nim nogor mbor kpele na mbor tiba bong ashashab.