Ikpak 1

1 Paul, Silvanus ne Timothy tugor Ikoabashi Thessalonians ngha idi Ishor Nde ne Ntol Jesu Christy nogor Igracia ne itere ijol ka wun. 2 Wurr yor ka Ishor igaforka wun waa igara ngti-degede yor kog wun ngor ndor yere. 3 Wurr uyor boro wun ngor ushi-merr Ishor ne Nde ngor ifenghe mtama, ne ikorr bodo-ne ubob-tem ne ukonoterr ngor idi Ntol Jesu Christy. 4 Ugbayen be iyor ikorr Ishor wurr uyiyi ngha-aber wun yekge. 5 Tep ne-nan iyeyebe mbong ibalem ka wun ngor ilom neteng, fofor ibal-ne ikoh ngor inonob ufu ne iboro ukono-terr ngho ngkpa yor fufor wun nyiyi nkok ane ba wurr ujolor ngho igom gine 6 Wun ba-jol ne-ba ijolor nengeh wurr ne Ntol, igara nti wun yekor alom bodo ne nyongho ne igere ngor idi inonob ufu. 7 Tep ne-nor wun bajolor nfongho ane waa ngor Macedonia ne Achaia,mba itm-mor 8 Ngho ige-idi yor alom Ntol ibeh yorr jok, ngor Macedonia ne Achaia. Nen-teng shang, fufor ntama yenne ka Ishor bu-jen yel adi waa. tep nenor wurr ubem lak nyor nji umer bong ijom injidegedege gara ngho. 9 Mbor ba fono itoro-gara wurr nkog ujen nyi ufonor ne atem, fufor na mbor shembor tugor Ishor shaga alog-te fenghe yor rogor Ishor item-baga ne ikpen. 10 Fefene wun ikpi-shege mon ne ngor ikun-Iborr,nyor abe nyime jok ngor iku Jesu, nyo nogor wurr shaga akanya ye-nya ime-ba.