1 Njor ji ijolor ngor iyubutulor na nber jok fenghe yen ne amerr, nji wurr uber breh fenghe kulor abor-gara alom ikpen. 2 Fefene, ikpen igain-gain nti ijolor ne Ada, nti mbor mer lem ka wurr uber yi. 3 Nja ji uber yen fenghe yok wurr ubu lem ka wun, noyor wun fufor babeme nener. Ibeme jire ire-ka Ada mon-ne Jesu Christy. 4 Fufor wurr ukpi nyonor abodo nya nyor ji uyebitem bere iba kono. 5 N gha itom nti uber jok ngor igedi fenghe yor bong ka wum. Ishor irana fufor ngho igedi ijingeh irem waa. 6 Jolor ubongho nogor ufong ibebeme nene fenghe yok jen ngor ijingeh, wurr ukpi kemer-lele fufor wurr unimjor torror itembaga. 7 Ken jolor wurr umer jen ngor irana na weh reror irana, wun ukpin fonor ibemer ne-atem, fufor alon Jesu mon-ne ibu wurr fodo shaga abebe yere. 8 Jolor ubongho mber wurr ukpen abebe wun kem-nyor fenghe nimer ujibrr, itembaga irem ne-nere. 9 Ken ufongho toror abebe yere, wer ne-nfama ne itembaga nyor yor bak abebe fenghe ro wurr ngor ashashap, yere waa. 10 Jolor wurr ubongho na ukaiklor abebe, ngor wurr uber lim ne-nkikeme fufor alom ye irem ne-nere.