¹ Paul weh nji Jesu Christy kokge nogor ajol ntontulor nogor ntobor Ishor, ne Sosthenes ngbayen jirre, ² tugor ikorbashi Ishor ngor Corinth mborba Jesu Christy berbor ro fenghe kok bor awewele ane, bodo ne ane waa ngor idi nendege ba ikogor mbeng Ntol Jesu Christy, Ntol bor ne uwerre. ³ Nogor igracia ne terre ijol nenene ngor idi Ishor nshuwere ne Ntol JesuChristy. ⁴ Meh nyo ka igafor ka Ishor tugor wun igara ntidegedege tep ne igaracia Ishor nji Jesu Christy kalor wun ⁵ Abalim abu fang ngor akpa waa, ngor alom ne uyigeh abagar. ⁶ Ngha atutoro gum christy ibe jol gbol ngor itembaga ka wun. ⁷ Tep ngha mbaga ufu ikpem wun yerr tele wun yo shik nah Ntol jesu Christy ba jogo. ⁸ Aba lime wun tama kon tete regor ikukulor, iyoji wun yitiba fonor itolor ngor ufufo Ntol Jeus Christy. ⁹ Ishor neh natam yor kogo ngor igum ane mon-ne, Jesu Christy Ntol wure ¹⁰ Mme mbu wun goro bagbayen mbeng Ntol Jeus Christy nogor wun tama neh atem, nshomotugor tijol ngor igum jine mmefenghe goro nogor wun jol na njirin ngor ntobor ne abaga waa. ¹¹ Mme mbor metak gum wun bagbayen jama, aneb Choloe's mber nshumotugor rengor igum jine. ¹² Mene iyene na, ntem tem ikpi bongho na, "meh rene Paul" afi meh rene Apolos," afi "meh rene Cephas," afi "meh rene Christy." ¹³ Ngha Christy bubaga?, Paul yor mbor yole ka wun ngho" afi mbor wuro wun alab ngor mbeng Paul? ¹⁴ Mme bu ka Ishor igafor na meh ka wuro nenne alab, sheng nim Crispus ne Cephas. ¹⁵ Ijolo ngho iyoji nendegedege nyimba bongho mber weh wuro ngor mbeng yama. ¹⁶ Mme fufor nwuro neb Stephanas. Sheng shaga mme nyim jolor nwuro ane-badegedege. ¹⁷ Christy tomun mme nogor nwuro alab shengnim utoro ayeyebe alom nagh uyebe nyo shang, iyoji ijarr ite Christy iyetigeba shanga itifon ikor. ¹⁸ Ikikala ijarr ite udam bi ka aneba iba ikogor tan, ken ka aneba nogor reror ka-bor, ikor Ishor ti. ¹⁹ Iyonor mbe, mme ba rugor ulongho aneb alongho, mme rougho nyige ba kunor abaga. ²⁰ Nkuno abaga nyon? Ngan nkpile mbene reror? Ngan ba ngfaba nfaba mfam ireror? Ishor ka bat ulongho mfam jol udam. ²¹ Nagh mfam ngor ulongho ber ka nyilor Ishor, Ishor fono igere nogor anok ane ba itamor atutoro ikikala udam ber. ²² Aneb Jews iyo-bep abodo utanikor fefene Greek iyo jang alongho. ²³ Ken wurr reror ne ujing Jews fufor ndama ne ka Gentiles. ²⁴ Ken ka mbor ba Ishor ber mbor kok, Jews ne Greek, wurr uyor toro ikikala ne ikor bodo ne ulongho Ishor. ²⁵ Udam Ishor Ishenge atonor ane. ²⁶ Brre wun nkogo nyen bagbayen jama. Wun feb shang wun fonor ikor. Wun feb shang mborbelor wun kpekpe. ²⁷ Ken Ishor yor yege abodo udam nfam kor rekge aneb ulongho ndon. Ishor yo yekge ikrie ijom mfam ko rekge itonor ijom ndon. ²⁸ Ishor yo yekge ijom ikpediped nji ika ikpelor nkaga ngha mfam, fefene ayo yekge abodo nya ika reror ijom-jom tap abodo ijom-jom kor-lem ijom ifang. ²⁹ Alim nor iyoji nen-ne iyiti ba fonor ufugor nkobji ngor ushimerr ber. ³⁰ Tep nenah Ishor lim, ntiga wor a reka Jesu Christy. Nyo balor ulongho ka wurr ngor idi Ishor. Aba jol ka wurr gbol, welewele, ne nonogor. ³¹ Ngor nfangha na iyonor, "Neyo yogaba gaba teb ne Ntol.