1 Paulo 'ba yesu kristo ni tini peleri, ekile , e'yo Mungu ni leleri, ekile aziza 'i drini ovu pii kristu yesu ma alia ri le , 2 Timoteo,mva ma ni leleri: 'yeta anzutiri pi yiki pie asi anzuru be , engazu Mungu Ata vu azini kristo yesu Opi amani ri vu. 3 Ma 'yo awa'difo Mungu dri, amani azi nga zu vunia asisile alaru si engazu maa'bipi vurii,mani e'yo mini egaria mungu ziza mani ma alia ini si etu si 'dani, 4 ma le mi ndre avasi, mani mindre mini ma e'yo egaria,ayiko ma ga ma asia tre ani. 5 Ma ega a'yita lokiri kokoru ma e'yo ovupi mi alia, te ovupi ndra okorisi mi idi loisi ma alia azini mi andri Eunike ma alia, te ma ni adaru a'yita nde diri ovu mi alia endi. 6 E'yo 'dirisi ma fe di egata midri, mi ma fe an feta Mungu ni ovupi mi alia mani ndra ma dri 'bale mi driari siri ma ega dizu acile dika, 7 a'disiku Mungu fe ni ama dri orindi asi urioruri ni ku, te orindi asi okpo beri pini leta avasiri pie asi e'yereruri pie. 8 E'yo 'dirisi mi ma ovu trinzasi e'yo eti nzeza Opi amaniruri ma e'yo siku, kani ma a'yi 'ba aruru eriniri ma e'yosi ku endi, te mi ma a'yi candi esuzu e'yo barisi okpo Mungu ni felerisi, 9 Eri ama papi,ama omvepi omveta alatararusi ri 'i, omveni ama 'yeta ama ni si ku, te e'yo eri ma ngulupi ni lelerisi, azini 'yeta anzutiri erinirisi, 'yeta azntiri nde erini fele amadri kristo yesu ma alia egazu ewu driorisi, 10 te ecele curu'do e'data 'Ba ama Papiri Kristo yesu nisiri'i, te eri fundra ma okpo ra ,fe idri pini i e'dazu e'yo mani drijazu kuribe e'yo barisi. 11 Te yi 'ba ma ovuzu 'ba e'yo nde bari olupiriru, azini 'ba tiperiru, azini 'ba 'ba imbapiriru; 12 e'yo ;dirisi ma ovu ani ecandizaru 'dini. Te ma ovu drinzasi ku, a'disiku mani 'ba mani a'yile 'borira, azini ma ovu a'yitasi nizu eri eco afa mani kule tanimbazu erivuri ma agei tezaru cazu kpere o'du 'darini ecaria. 13 Mi be ecate e'yo 'yoza onyiru 'diyi acepi, mini erile mavurisi, a'yita si azini leta avasi ovupi kristo yesu ma aliarisi; 14 mima te e'yo onyiru kule midri tanimbazuri ma agei,Orindi Alatararu ovupi ama aliarisi. 15 Mini e'yo 'ba tria ovupi Asiaa 'diyini makuzurira; Figelo pi ovu 'bo 'diyi ma eselia Herenmogene be, 16 Opi ma ovu yikisi 'ba Onesiforo vile joa 'diyi vu, a'disiku eri fe ava o'diru ma dri pale kakau; eri ovuni drinzasi anziruku mani ma e'yosiku, 7 te eri ka ovu rumia eri nda ma asi driasi, eri esu ma ra. 18 Opi mafe erini yiki esuzu Opi ma milea o'du 'darisi te e'yo kakau erini 'yele Efesoa 'ba ma aza kozu 'diyi,mini 'eyoni onyiru tu mi 'i.