¹ Te adripi, ama azi emi emutaa Opi amani Yesu Kristo nirisi, azini okuza ama okuzu tualu eivu risi. ² Emi asisile ma ya mbele ya ku, emi asi ma oti vini ku, kani orindi ma e'yosi, kani e'yo yaza si, kani wraga bani egale enga eca 'bo. ³ 'Ba aluni ma eci emi gri azini si ku; a'disi ku o'du nderi ngani nga eca ku, de nga ewu b'ani asizu vile kuzu ri ecani nga okorisi ra ku, azini de nga agu e'yo ezapi onzi, drijaza nvi rusi e'dani nga 'i ku. ⁴ agu nderi ipi uru 'i uru aga af dria onvele Mungu ni, kani inzile inzi 'diyi ogazu kpere eri ma ngulupi ni rizu Hekalu Mungu ma alia 'i ecezu ku ceni, kini 'i Mungu 'i. ⁵ Emi egani e'yo ndra mani adrile 'yole de ma indi 'diyi kuru? ⁶ te di emi ni e'yo eri ogapiri curu'do ra, 'dini eri ma ece 'yi ani ewu inini si 'beni. ⁷ 'Dini e'yo vale ku zizaru e'yo onzini si e'do 'yi 'ye bo; te 'ba eri agapiri eri curu 'do oga 'dani 'dini erima ece 'i ani ewu 'ini si beni. ⁸ 'dini e'yo vale ku ziza ru e'yo onzi niri e'do 'yi 'ye bo; te 'ba eri oga piri eri curu 'do oga 'dani cazu kpere yi eri nzeria ria. ⁹ Vutinia agu e'yo ezapi onziri nga 'i e'da ndo eri 'i Opi Yesu ni nga le fule ava efupi 'ima tilia risiri, eri dri jazu e'dataa 'ini erini erini 'i enveria risi. ¹⁰ agu nderi ma emutaa ovu ekile satan ni azi ngale rile 'yetaa okporu pisi dria ecetaa pie tali enzoru pie dria. ¹¹ azini lokiri e'yo onzi nirisi dria 'ba yi dri japi diyi dri, adhusiku yini letaa e'yo adaruri a'yile yini yi pazu ani beni kuri si. ¹² E'yo 'disi Mungu epe icitaa 'ba 'i ecipi okposiri ma ti yi vu, yi ma a'i e'yo enzoru 'beni, ¹³ eri ma li di 'ba dria e'yo adaru a'yipi ku te ovupi ayiko si e'yo onzisi 'diyi ma e'yo, yi dezu ra 'beni. ¹⁴ Te le amama fe awa'difo Mungu dri emisi etu 'dani adripi opini lele 'diyi, a'disi ku Mungu ni emi opele ndra oko kele pataa esuzu, orinsi emi 'bele alatara ru azi emini e'yo adaru a'ile sirisi. ¹⁵ Eri onve vini emi e'yo 'diri si e'yo baru amanirisi indi, emi ma esu diza Opi amani Yesu Kristo niri beni. ¹⁶ E'yo 'dirisi, adripi, emi ma so di pa okporu, emima bi e'yo edrile emi vu emi embazu, kani e'yo oluza si kani waraga amani si 'diyi ci. ¹⁷ Te Opi amani Yesu Kristo ma ngulupi azini Mungu ata amani ama lepi, asi omiza 'daniri piyi, asi omiza 'daniri piyi fepi amadri asi teza onyiru 'yetaa anzutiri ru ri si 'beni. ma omi emi asi emi bazu okporu e'yo nyeza onyiru pi ma alia e'yo yaza pie dria.