¹ Paulo p, Silivano pie, Timoteo pie kanisa ba thessalonikia 'diyini ovu pi Mungu ata amani pi ma alia Opi Yesu Kristo be ri vu: ² Yeta anzuru pi ma ovu erivu asi anzuru be agazu Mungu ata vu azuni Opi Yesu Kristo vu. ³ Le amama fe awa'difo Mungu dri emisi etu zuu 'dani, adripi, ekile erini ovule onyiru ri le, a'disiku a'itaa eriniri ni zole zo risi, azini letaa avasi emidri alu alu ni emi eselia rini 'i erele ererisi; ⁴ ani amama ngulu pini adri ama enya emisi kanisa Mungu ni eselia, asi teza emini 'i e'dapi inzata emini dria pi ma alia candi emini be ri pi ma e'yosi a'yitaa emini be. ⁵ E'yo 'diyi yi ecetaa ru e'yo liza kilili ru Mungu niri ecezu, eyini ovuzu ani edezaru onyriru dri fuzu suru Munguni emini candi esule e'yoni si ri a'izu beni. ⁶ Te eri ovu e'yo kilili ru ni Mungu ma alia inzataa ma arioti ofezu 'ba emi enzapi 'diyi ma rua 'diyi dri ava liza fezu amabe tualu, o'du Opi Yesu ni 'i ecezu ibizu agazu buarisirisi; eri nga 'i ece malaika okpo inirini 'diyi be. ⁸ aci andre ma alia arioti ofezu 'ba Mungu nipi ku 'diyi ma ruaa, 'ba e'yo bari Opi amani Yesuni inzipi ku 'diyi be, ⁹ eri nga panga onzi ofe yi dri, yi dri jazu 'dani 'dani Opi ma aliarisi, yi ma esele cozu diza okpo erini be ziri, ¹⁰ O'du erini ngazu emuzu diza esuzu 'ba alatararu erini 'diyisi, e''dazu osutaru 'ba eri a'ipi 'diyisirisi, a'disiku emi a'i e'yo eti amani nzele emibe ri ra. ¹¹ E'yo 'disi etu dira ama Mungu zi emi dri, Mungu amani ma 'ba emi 'dere dri fuzu onveta erini emi omvezurisi, azini okpo 'ini si eri ma fe e'yo dria ayiko fepi 'i dri 'diyi ma 'ye yi, azi dria a'itani 'diyi be, ¹² "dini Opi amani Yesu ma ru ma ovu inzizaru emi ma alia, azini emi eri ma alia, 'yetaa anzutiri Mungu amanini azini Opi Yesu Kristo vusi.