17 Impa, badhami, naye bo ubhi yonga nde mosa, boolenge hele, ngaa bo baemea bunga nda bato badjede, bo gua na doa la ahe ndanu nde a toleli. ¹⁸ Impa bobe na lokoo na ubha la Mokama nde masu Namisi Yeso Klisto. Be mbebhe, a ndambi nde na meyo na meyo. Abebo! ¹ Aande, bandami, loba nda i bale inde neono nyoeli. Asuba mbe moti na asuba imbe matoo nekaba te nedjudjuse maako ndanu anja inde bonee asubanu, ² ngaa bo kanise inde babubhilili babhu ai ba yongi mosa, na mahano nda Mokama na Namisi, ³ inde batetea nde ba Mokonga ai ba golisi, na be ubha sinda nde, a elie la nda sungilaga, auma babhia batenyi ankindi na tenya ndabo, iwa na batambela a budjede ndabo, ⁴ na bayonga: Ande wani beelela la bhia lae? Ngaa, toa la elie nde babhasu ai baku, ema-li bhulubhu aiki sinda nde ai toa la kengetisala boteana. ⁵ Ba kabi bambo ba bosele, bia nde kobha ai a beli toa la kala a yonga nda Mokonga, na dodo-li aba toela a ibo na asuba ibo, ⁶ na a yonga nde leengo-li abai a hela, ibi na mei, ⁷ impa, a yonga nde, kobha-li na dodo nde abe ndiende a bondeli insa, a elie la ekale na inda udjisa la bato badjede. ⁸ Impa be boselai, badhami, yonga moti, inde nda toleli bo bosele, inde, mosala Mokama nde masu, elie moti ande bia ''meaka'' elfu moti, na ''meaka'' elfu moti ande bia elie moti. ⁹ Mokama indanga lebha a kokotia la beela, sinda nde bimoti ba aka; che a toleli bo bubilie, inda kondi ito moti a bunge, a kondi nde te benu bobhu botie meema ndanu inda djede. ¹⁰ Elie nda Mokonga ama bhia sinda nkukuba; a elie ndo, kobha-li ama teisa na molenge ati, inde ai a boteani a ngobho ama leleana, na dodo-li ankindi na mobili nde aiki asubae aba audjuana. ¹¹ Ngaama ema nde bhulibhu ama leleana, adjai ego mechee a bobhu na atambai ego asuba maano nda Mokonga, ¹² Iyu bo bondela bhia la elie nda Mokonga dia, ngaama kobha-li naye asidi ama a leleana na inde ai a boteani a ngobho abago asida. ¹³ Impa be bondeli, a beela ndae, kobha abhu na dodo abhu, ama bonja ama aika. ¹⁴ Na ngee lindo, badhami, a bondela la yonga nde, bo kole na kala ngaa ama anodhonde na bo baabhu nago bo iki mbolele. ¹⁵ Bo lebee sinda nde bubilia nda Mokama nde masu ande kalamo, sinda nde dhasu ama nkondaga Polo ai aano nyoeli loba nde, a maako la ubha la bonja nde ai aasopi. ¹⁶ Indo waangise a loba ndae bhulibhu, inde aambola a yonga nde, asuba loba nde aau yonga nde a kali a okala au, bato nde nda ba goli, bande ba tia, bia imbe manyoala loba audjisala ibo bamene. ¹⁷ impa, badhani, naye bo ubhi yonga nde mosa, boolenge hele. ngaa bo baemea bunga nda bato badjede, bo gua na doa la ahe ndanu ndea toile. ¹⁸ Impa bobe na lokoo na ubha la Mokama nde masu Namisi Yeso Kristo. Be mbephe, a ndambi nde na meyo na meyo. Abebo!