Hesu tynondeshi vekuare 1 Kova hai tyree arykaivare Hesu ndei ourã vẽkua, hai David hareka Abraham ñymoña hãndiare. Kova hai tyree arykaivare Hesu ndei ourã vẽkua, hai David 2 Abraham, Isaac tuu, Isaac, Jacob tuu; Jacob, Juda hareka tyvyre tuu. 3 Juda, Fares hareka Sara, ishyre Tamar; Fares, Esron tuu; Esron, Aran tuu; 4 Aran, Aminadab tuu; Aminadab, Naason tuu; Naason, Salmon tuu; 5 Salmon, Booz tuu, hareka Booz ishy Rahab; Booz, Obed tuu hareka ishy Rut; Obed, Isai tuu. 6 Isai, mburuvisha David tuu; hareka mburuvisha David, Salomon tuu, ishy Urias hỹrekokue. 7 Salomon, Roboam tuu; Roboam, Abias tuu; Abias, Asa tuu; 8 Asa, Josafat tuu; Josafat, Joran tuu; Joran, Uzias tuu; 9 Uzias, Jotam tuu; Jotam, Acaz tuu; Acaz, Ezequias tuu. 10 Ezequias, Manasés tuu; Manasés, Amón tuu; Amón, Josias tuu. 11 Josias, Jeconias hareka tyvyre tuu, ko Israelitare raha mbyperesoa Babiloniaperã vẽkua. 12 Haivi ou oa Salatiel, Heconias tay hai Zorobabel tuu. 13 Zorobabel, Abiud tuu; Abiud, Eliaquim tuu; Eliaquim, Hazar tuu. 14 Hazar, Sadoc tuu; Sadoc, Aquim tuu; Aquim, Eliu tuu; 15 Eliu, Eleazar tuu; Eleazar, Matan tuu; Matan, Jacob tuu. 16 Jacob, Jose tuu; hareka Jose, Maria ĩme; Maria, Hesu ishy Kristo he'iashua. 17 Kyrã jahesha (14) Abraham ñymoña hãndi vekua retaivive David peve, hareka (14) David vive Israelita rahaha mbyperesoha peve Babiloniape, hareka ĩrũ 14 Israelita rahaharãvã Kristo oa peve. 18 Hesukrito oarã kyrãmba: Ishy Maria heima reko verã Jose, tẽvã ndeitẽ jyrekova Maria purua Espiritu Santo rupii. 19 Jose hai kuimbai heko kaviva, potã mymarãkashurã mbavamba kuavape pota hejareshu. 20 Jose pya mbijeta'irã, mũndii jypaihupe ijeshakashu pẽnte Tumpa jokueva hãrã heishu: “Jose, David ñymoña hãndia, avy kyje reru verã Maria ndyrekorã, ko sanjay Maria ĩmẽre verã hai Espiritu Santo pyrãtãkueivi puruava. 21 Hai memby kuimbaipokui haivi rymbyheepo ko sanjay Hesu, kyrãpo he'iashu shara hai mondojepepo hẽnta ĩrũre mbai porãmbaivi.” 22 Kova mbai jehu, hekope kavi iko verã Ñanderu Tumpa heiva Tumpa ĩñẽẽ mbeu'ia rupii: 23 Ko kuñatãi ndei kuimbai pokohea memby kuimbaipo. Hãrã hai heerãpo "Emanuel" he'iseva:"Ñanderu Tumpa ẽẽ ñanendie". 24 Jose sarekorã japo Tumpa jokueva heishuva, hãrã veru hỹrekorã Maria. 25 Tẽvã ikoãmba hãndi memby tynondeva oa peve, hãrã mbyhee Hesu.