¹ हे बाही लडको प्रभु में आपणै मां बापू कै आज्ञाकारी बौणो, जिथु ऐजो ठीक ओसो। ² आपणै मां ओरो बापू का आदर कौरो (ऐजी आगलै आज्ञा ओसो, जिथखै साथी प्रतिज्ञा भै ओसो। ³ कै तेरा भोला हो़व़ ओरो तु धोरतै पांदी बौहितै दुसो तोडी जिऊन्‍दा ऱौ। ⁴ हे नानडियावालै, आपणै नानडिया खै गुस्‍सा न दिलाओ, पोरो प्रभु कै शिक्षा ओरो चेतावनी देयो कै तिनका पालन- पोषण कोरो। ⁵ हे दासो जु लोग इयो सोंसारियो पांदी तोआरै स्‍वामी ओसो, आपणै मन की सीधाई दै डोरौ, ओरो कांपियौ खै, जैशे मसीह की तैशेकैई तिणकी बै आज्ञा माणौ। ⁶ आदमी खै खुश कौरणोवालै कै दिखाणौ कायियै सेवा नै कोरो, पोरो मसीह कै दासो खै तैसी सायै मन सै पोरमेश्‍वर की इच्‍छा पांदी चालो। ⁷ ओरो तैसी सेवा खै आदमी कै नै पोरो प्रभु की जाणियो बा साच्‍चै दिल सै कोरो। ⁸ जितु तुंऐ जाणौ की जु कुणियै जैशे आच्‍छौ काम कौरलै, चाहै दास ओंऊ चाहै स्‍वोतंत्र ओसो, प्रभु सै तैशे पाआलै। ⁹ हे स्‍वमामियो तुंऐ भै धमकियां दैणी छौडबा तैसके साथी ऐशा ही व्‍यवहार कौरो, जितु तुंऐ जाणौ कि तिनका ओरो तुंआरा दुका स्‍वामी स्‍वर्ग दा ओसो ओरो सै कौसका डौबो श पक्ष न कोरो। ¹⁰ इतुकारियै प्रभु में ओरो तैसकी शौक्‍ति कै प्रभाव मैं बोलवन्‍त बोणौं। ¹¹ पोरमेश्‍वर कै सारै हाथियार बांध लौ की तुऐ शैताण की युक्‍तियों खै सामणै खोडै रौये सोकौ। ¹² जिथु आमारा ऐजा मल्‍लयुध्‍द लौही ओरो मांस सै नै पोरो प्रधानो सै, ओरो अधिकारियो सै, ओरो ईयो सोंसरियो के इनारै के हाकिमो से ओरो तैसे दुष्‍ट कै आत्‍मिक सैनाओ सै हे जु आसमानो दा ओसो। ¹³ इथुकारिये पोरमेश्‍वर खै सारै हाथियार बांध लौव़ की तुंऐ बुरे दुसौ का सामणा कोरै सोकौ, ओरो सोबि किछै पूरा कोरिबा स्‍थिर रौऐ सौको। ¹⁴ इथुकारियै सत्‍य सै आपणै पिठ कोशिबा, ओरो धार्मिकता की झिलम बाम्बिबा। ¹⁵ ओरो लातो दै मेल कै सुसमाचार कै तैयारी कै जूते बाम्बिबा। ¹⁶ ओरो इनु सोबि कै साथी विश्‍वास की ढाल लौयो स्‍थिर ऱोव़, जिथलैई तुंऐ तैसी दुष्‍टो कै सोबि जोलियो दै तीरो कै हिशौऐ सोको। ¹⁷ ओरो उध्‍दार का टोप, ओरो आत्‍मा की तोलवार, जु पोरमेश्‍वर की वचन ओसो, लै लोव़। ¹⁸ होर समय ओरो होर प्रकार सै आत्‍मा में प्रार्थना ओरो बिनती कोरदै रो़व़, ओरो इतुकारियै जागदै रो़व़ की सोबे पवित्र लोगो कारिये रोज बिणती कोरिया कोरो। ¹⁹ ओरो मेरे कारियै भै की मोखै बोलाणौ कै समय ऐशणा प्रबल वचन दिया की ओंऊ साहस कै साथ सुसमाचार का भेद बौता सोकूं। ²⁰ जैसी कारियै ओंऊ जो़जीरो दा जोकडि़यो दा राजदूत ओसो, ओरो ऐजो भै की ओंऊ तैसकै बारै मै जैशाणा मोखै चैई साहस सै बुलु। ²¹ तुखिकुस जु प्‍यारा भाई ओरो प्रभु मे विश्‍वासयोग्‍य सेवक ओसो, तुंओ सोबि बातो बोताला, कि तुंऐ मेरी दशा जाणौ कि ओऊ कैशणा ओसो। ²² तैसी मौऐ तौआरै दौरे इतकारियै छोडै राऐ, तुंऐ आमारी दशा खै जाणौ ओरो सै तुंआरै मौणो खै शान्‍ति द़ैव़। ²³ पोरमेश्‍वर पिता ओरो प्रभु यीशु मसीह की ओरो शै भाईयो कै शान्‍ति ओरो विश्‍वास सोहित प्‍यार मिलौ। ²⁴ जु आमारै प्रभु यीशु मसीह यारी साच्‍चा प्‍यार राखौ, तिनु सौबि पांदी अनूग्रह ह़ौदा़ रौव़।