1 इथु प्यारै लडको कै सौमान पोरमेश्वर खै याद कोरो। 2 ओरो प्यारो पांदी चालौ जेशै मसीह मै बै तुंआरै प्यार कौरा, ओरो आमारै लियै आपणै आपी खै सुखदायक बास़ौओ लैई पोरमेश्वर कै आगै भ़ेट कौरयो खै बलिदान कोरै दिया। 3 जैशै पवित्र लोगो खै योग्य ओसो, ऐशै खैई तुंऐ बै व्यविचार ओरो कैशणी भै अशुध्द काम या लौभ (लालच) की चौरचा तौडी न हौ। 4 ओरो ना निर्लज्जता, ना मूढता खै बातचीत कै ना ठठ्टै खै, जिथु ऐजी बातों शोभा ना द़ैव़ पोरो धन्वाद ही शुणौ दा। 5 जिथु तुंऐ ऐजौ जाणौ कै व्यविचारी, या अशुध्द जन या मुरतै पुजणौ कै बराबर ओसो, मसीह ओरो पोरमेश्वर कै राजौ दै मीरास नी। 6 कुणियै तुंओ बेकार बातौ दै धौखा नै द़ैव़ जिथु इनु कामों कारियै पोरमेश्वर का गुस्सा आज्ञा न मानणैवालै पांदी भडो़कदा। 7 इतुकारियै तुंऐ तिनकै सहभागी न ह़ौव। 8 जिथु तुंऐ तौ ओगोडियो इनारौ थिऐ पोरो ऐबै प्रभु दै पियाशौ हौव़ खै सन्तान साऐ चालौ। 9 जिथु पियाशौ का फोल सोबि बान्त खै भोलाय,ओरो ओरो धर्मिकता, ओरो सांचौ ओसो। 10 ओरो ऐजो पोरखौ खै प्रभु कै का भांव़। 11 पियाशै कै बिना फौल कामों दै सहभागी नै ह़ोव़, पोरो तिनु पांदी उलाहना दौव़। 12 जिथु तिनखै छुपी कामो खै चोर्चा भै शौर्म कै बात ओसो। 13 पोरो जिनखै कामों पांदी उलाहना दै जावं, सै सोबि पियाशै लैई प्रोकट होन्दै, जिथु जु सोबि किछै खै प्रोकट कोरो सै पियाशौं ओसो। 14 इथुकारियै सै बोलौ, है शुणौवालै भिजौ ओरो मोरयौदै मुझदै जिव़दै ह़ौव़ तोबै मसीह खै पियाशौ तुऔ पांदी चोमकौदो। 15 इतुकारियै ध्यान सै दैखौ, कै कैशणी चाल चालौ , जिनदी बुध्दि न आथि तिनखै साऐ नै पोरो बुध्दिवालै साऐ चालौ़। 16 अवसर खै बहुमूल्य सोमझो जिथु दुस बूरै ओसो। 17 इथुकारियै न बुध्दि यालै ना होव़ पोरो ध्याण लायौ सोमझौ कै प्रभु खै मोरझी का ओसो। 18 दाखरस लैई मतवालै ना बौणो, जिथु इतुकेई बै लुचपण ह़ोव पोरो आत्मा दै परिपूर्ण (पूरै) ह़ौदे जाव़। 19 ओरो आपोस मुझी भजण ओरो स्तुतिगाण ओरो आत्मिक गीत गाया कोरौ, ओरो आपणै-आपणै मौणौ दै प्रभु कै सामणै गादै ओरो कीतण कोरदै ऱौव़। 20 ओरो सादा सोबि बातो कारियै आमारै प्रभु यीशु मसीह कै नाव़ लैई पोरमेश्वर पिता का धोन्यवाद कौरदै ऱौव़। 21 मसीह के ठौर दै ऐकी दुजै खै अधीन ऱौव़। 22 हे घोरवाली आपणै आपणै घौरवालै खै ऐशै अधीन ऱौव जैशै प्रभु खै। 23 जिथु घौरवाला घौरवालै कौ मुढ ओसो, जैशे खै मसीह कोलिसिया कौ मुढ़ ओसो ओरो आपी गौतो का उध्दारकर्ता ओसो। 24 पोरो जैशे कलीसिया मसीह खै अधीन ओसो, ऐशै कैई घौरवालियां भै सोबि बातों दै आपणै आपणै घौरवाल़ै खै अधीन ऱोव़। 25 हे घोरवालै आपणै आपणै घौरवाली यारै प्यार राखौ जैशे मसीह ऐ भै कलीसिया यारै प्यार कोरैबा आपणै आपी खै तैसके कारियै दै दिया। 26 कै तैसके वचन कै लैयीखै पानी कै नायों खै शुध्द कोरै बा पवित्र बौणाओ। 27 ओरो तैसी एक ऐशणै चमौकोणैवालै कलीसिया बौणैऐबा आपणै दौरे 28 ऐशेकेई ठीक ओसो कै घौरवाला आपणै- आपणै घौरवाली यारी आपणै गौत साय प्यार राखौ जु आपणै घोरवाली यारै प्यार राखौ, सै आपणै आपि यारै प्यार राखौ। 29 जिथु कुणिऐ भै कोलोई आपणै शोरिरोवारि बैर ना राखौ पोरो तिनका पालण पोषण कौरो, जैशे मसीह भै कलीसिया कै साथै कौरो। 30 इथुकारियै कै आमु तैसके गौत कै अंग ओसो। 31 इथुकारियै आदमी आपणै मां- बापू खै छोडैबा आपणै घौरवाली यारै मिलियौदा रौ़दा, ओरो सै दुईनै एक तण हौदै। 32 ऐजा भैद तौ बौडा ओसो, पोरो ओऊ इथै मसीह ओरो कलीसिया कै बारै में बुलू। 33 पोरो तुओ मुझी दै सौबै आपणै घौरवालै यारै आपणै समान प्यार राखौ, ओरो घोरवाली भै आपणै घोरवालै का ठौर मानौ़।