¹ कुरकु के विश्वास जिकी, कि हाकिम कु येथा अधिकारी गा इटन थंडळकु, येथा दिकुगा हुकुम आजुमे, येथा हर म्या आच्छा कामाय गा घांजी तैयार थंडळकु ² जेका केका बाद्नाम बाकी, झागडा बाकी,: पेनो भोलाई स्वाभाव गा होणा, येथा सेबाई कुरकु गा साथोन खाट न्म्रा गा साथोन थंडळके | ³ चोयाकी आले भी पेला, बेदिमाग, येथा हुकुमबन आजोम मिठाच, येथा सागेन बोचोयू, येथा रेन्गो रेन्गो गा इच्छा येथा ख़ुशीविलास गा असान का थंडळके, येथा भैत्रींक, येथा खिजोमिठाच गेन जीवन सापार दडा डा, येथा गुस्साके डा, येथा म्या दुसरा टे खिजो दोडो डा | ⁴ पेनो जब आलेगा उध्दारकर्ता परमेश्वर गा कृपा, येथा कुरकु लीन्जेन दियागा प्रेम ओठ्जे मेना ? ⁵ मेटे दिच्नी आलेगा उद्धार डाके’ येथा येटेन धर्म गा कामाय गा कारण बाणे, जो आलेणी आलेका डाके, पेनो आपणा द्या गा रोन्गो, उनाई जन्म गा आन्गुच, येथा पवित्र आत्मा गा आलेके उनाई आरु गेल्ला डायेन ? ⁶ दिच्के दिच्नी आलेगा उध्दारकर्ता यीशु मसिह गा गेल्ला आले लीन्जेन ठायका हेन | ⁷ दियाते आले दियागा अनुग्रह ते धर्मी आरुके, अनन्त जीवन गा असा गा रोन्गो कोण आरुयू | ⁸ येटेन बातो साच्चो होय, येथा इंज होणाकि. कि आम इनी बातो गा विषय गेन हिम्मत टे मांडे इनिघांजी कि जे परमेश्वर गा बातो मान्दिके होय, दिकू भला भला कामाय गेन थंडळवा ध्यान डोकी: इनी बातो भला येथा कुरकु गा फायदा डाके होय | ⁹ पेनो बेदिमाग गा हरामी पणा, येथा पीडी, येथा खिजो विरोद, येथा दि झागडा टे जो व्यवस्था गा विषय गेन डाऊकि बचातींज्कू; चोयाकी दिकू बिना कामय येथा वोया होय | ¹⁰ तुनिका पाखंडी के म्या बारी बार सामझा गीन्जा तींज टे आलाग्गो थंडळकु| ¹¹ येटेन मालुम्ते कि येनोगो कोरो भटका तिन्जे होय, येथा आपणा खुद के दोषी मेनके पापो दडावाकि होय || ¹² जब अमा मेराण अरतीमास या तुखिकुस के कुल्केनेच मेटे इंजा मेराण निकुपुलीस हेजे गा इच्छा दडावा: चोयाकी इंज्नी डिका सिंज मामागा का होणा होय | ¹³ जेनास व्यवस्थापक येथा अपुल्लोस गा इच्छा कोम्बाराटे सम्मान ओले, येथा डोगे, कि दिकुएक तुनिका सामोन गा कामी बाकि डाऊ कि | ¹⁴ येथा आलेगा कुरकु भी जारुरात के पुपारा गा घांजी अच्छा कामाय गेन थंडळकु उठुयू ताकी बिनाफायदा बाण होणा | ¹⁵ इंजा सेबाई सोप्तीकू गा आमके नमस्कार येथा जो विश्वास गा कारण इंजाते प्रेम दोडोवा होय, दिकुके, नमस्कार|| आपे सेबाईकु लीन्जेन अनुग्रह डायू लाक्कू ||