¹ पेनो आम येनोगो बातो मांडेवा होय, जो साही प्राचारक गा लायको होय ? ² यानेकी-साना पोट्टाकु, बिचारते ध्यान येथा खुद होणा, दोष येण्दामिठाच येथा दिकुगा विश्वास येथा प्रेम येथा आराम्बो पक्का होना ? ³ इनी रोन्गो दुकरेण जापाय गा चाल चालान पवित्र कुरकु का होय,, दोष येण्डामिंकू येथा पियक्काड बाने; पेनो अच्छा बातो इठूमिठाच होय? ⁴ टाकी दिकू जवान जापाय कुके म्याका डाव घालेवा, कि आपणा साना येथा कोन्कू टे लाळटे डोकु ? ⁵ येथा खुदका, सानामिठाच, उरा गा कारबार दडामिठाच, भला येथा आपणा आपणा साना गा इटन थंडळमिठाच होय, टाकी परमेश्वर गा वचन गा बेइज्जत बाकी डाऊ, ⁶ येनोगोका जावन पोट्टाकु भी सामझातिन्जू, कि खुदका होना | ⁷ सेबाई बातो गेन आपणा खुद के भला कामाय गा नमुना आरुके, अमा बातो गेन सफा, नाराजोयेन | ⁸ येथा येनोगो साही होय, कि जेका दिच्के बुरा बाकी मांडीके, अमा देते दुष्मान कु आले लीन्जेन जेका दोष येण्दाके गां बाण घाटाते सेरोम बाणे | ⁹ दासो कुके सामझातिन्जूकु कि आपणा आपणा स्वामी गा इटन थंडळकु येथा सेबाई बातो गेन दिकुके खुशकेकू, येथा उलटाटे जवाब बाकी जिऊ | ¹⁰ चुचीरी चालाकी बाकी दडा; पेनो सेबाव प्रकार टे पुरा विश्वासी ओठ्के, कि दिकू सेबाइ बातो गेन आलेगा उध्दारकर्ता परमेश्वर गा प्राचर गा शोभा जिकी | ¹¹ चोयाकी परमेश्वर गा अनुग्रह ओठ्बा होय जो सेबाई कुरकु गा उध्दार गा कारण होय | ¹² येथा आलेके बिचारके हो, कि आले बिनाभक्ती येथा दुनियागा इच्छा टे मन इखात टे इनी जमाना गेन खुद का येथा येथा पूजा टे जीवन बितातिन्जे | ¹³ येथा दि धन्य आसा गा यानेकी-आपणा महान परमेश्वर येथा उध्दारकर्ता यीशु मसिह गा महिमा गा ओठ्गा घांजी इंतजार दडा लाक्के ? ¹⁴ जेनी आपणा खुद के आलेगा घांजी जीके होय, कि आलेके हार प्राकार गा अधर्म टे आराकेमी, येथा साफा दाटे आपणा घांजी म्या येनोगो जातो आरुके जो भला भला कामय सरगर्म होय || ¹⁵ पुरा अधिकार गा साथोन इनी बातो मांदिके, येथा सामझातिन्ज्कू येथा इठूकु लाक्के: जेका आमके हारामी मेन बाकी |