1
मणु जो याद दोआन्दा रैह कि हाकमां अतै अधिकारी रै अधीन रैहन अतै तंयारै हुक्मा जो मन्दै रैहन अतै सारै खरै कमा करनै जो तयार रैहन।
2
कसी जो बदनाम मत कर, घुळ-घळाटी मत करदा, पर तेरा स्भाव रूआं साई भोआ अतै सबी मणु सोगी बड़ी नम्रता सितै रेय्आ।
3
क्जोकि असै भी पैहलै निर्बुदि अतै आज्ञा ना मनणै बाळै अतै भ्रमां मन्ज थिऐ अतै रंग-बरंगी अभिलाषा अतै सुख-विलासा रै दास थिऐ, बैरभाव अतै डिंगमारी करनै मन्ज जिन्दंगी बितान्दै थिऐ, मणु असु सितै घृणां करदै थिऐ अतै अक्की दुऐ सितै बैर रखदै थिऐ।
4
पर जैहणै इन्दै उद्वरकर्ता प्रमात्मैं री कृपा अतै मणु पुर तसेरी प्रीति प्रकट भुई।
5
ता तिनी इन्दा उद्धार करू अतै एह धर्मा रै कमां री बजहा थऊं ना जेड़ै कि असै अप्पु करूरै थिऐ पर अपणी दया रै मताबक, नोऐ जन्मां रै नैईणां सितै अतै पवित्र आत्मां रै इन्दै नोआं बणाई दीणै री बजहा सितै भुआ।
6
जैतिओ तिनी इन्दै उद्वारकर्ता यीशु मसीह री बजहा थऊं असु जो ज्यादा थऊं ज्यादा दितुरा।
7
जैत सितै असै तसेरै अनुग्रह सितै धर्मी ठहरी करी अनन्त जिन्दगी री आशा सितै वारिस बणैं.
तुसु सबी पुर प्रमात्मैं रा अनुग्रह भुन्दा रेय्आ।