¹ जिसजो तिन्हाने असां रे छुड़ाणे वाळे यीशु मसीह रे जरिए असां पर बधि-चढ़ी करी असां तांई कित्ता। ² जिस कने असी तिन्हेरी दया कने धर्मी होई करी हमेसा री जिन्दगी रे वारस होन्। ³ ए गल्ल सच है,ते मै ए चाह्दां की तुसी इन्हा गल्ला रे बारे बिच डटी करी बोल्ले इस तांई जिन्हा ने परमेश्वर पर भरोसा कित्तेया, ते खरे खरे कम्मां बिच लगे रैहणे रा ध्यान रखन्।ए गल्लां खरी ते म्हणुआं रे फैदे री हिन् ⁴ अपण नासमझी री बैह्सबाजि, ते वशांवली, ते ब्रोह्द, ते झगड़ेयां का जे व्यवस्था रे बारे बिच हिन् , बची रेह्यो; किजो कि से नाकामयाब ते फजूल हिन्। ⁵ कुसकी पखण्डि जो इक्क-दो बारी समजाई करी तिसका अलग रे, ⁶ ए सोच्चि करी की इदेया म्हणु भटकी गे रा है, ते अपणे आप जो गलत ठैहराई करी पाप करदा रैहन्दा। ⁷ जां मै तुसां का अर्तिमास ते तुखिकस जो भेज्जां तां मेरे का निकुपुलिस आणे री कोसीस करे किजोकी मै तित्ते ई सर्दियां कटणे रा फैसला कित्ते रा है। ⁸ जेनास व्यवस्थापक ते अप्पुलोस जो कोसीस करी के अग्गे पुजाई देयो,ते दिख्खो की तिसजो कुसकी चीज रा घाट्टा ना हो। ⁹ अपणे लोक बी जरुरतां जो पुरा करणे तांई खरे कम्मां बिच लग्गी रैहणा सिखण ताकी नाकामयाब ना रैहण। ¹⁰ मेरे सारे साथियां रा तिज्जो नमस्कार। जे भरोसे री वजह कने असां कने प्यार रखदे, तिन्हा जो नमस्कार। तुसां पर अनुग्रह हुदां रेह्यो। ¹¹ पोलुस रे पासे का जे प्रभु यीशु जी रा कैदी है, ते भाई तिमुथियुस रे पासे का म्हारे साथी फिलेमोन । ¹² ते भैण अफिफया कने म्हारे साथी योद्ध अरखिप्पुस कने फिलेमोन रे घरे री कलीसिया रे ना। ¹³ म्हरे पिता परमेश्वर कने प्रभु यीशु मसीह जी रे पासे का दया ते सान्ति मिलदी रे । ¹⁴ मैं तेरे तिस प्यार कने विसवास री गल सुणी करी, जे सारे पवित्र लोकां पर ते कने प्रभु यीशु जी पर है । ¹⁵ मैं हमेसा परमेश्वर जी रा धन्यवाद करदा रैन्दा; ते अपणी प्रार्थना बिच बी चेता करदा रैन्दा ।