¹ ಅಮ್ ಸೆತಾರ್ ಅನ್ಯಲೋಕ್ ತೈಲ ಸೇತೆ ತಮರು ನಿಮಿತಂ ಕಿಸ್ತೋ ತೆಸು ಸ್ವಾಮಿನು ಪ್ರೆಂಡ್ ತೈಲೋ ಪೌಲ್ಅಂಕೆತೆ ಹು ² ತಮರು ವಲ್ತಿ ಪ್ರಾರ್ಥಿಸು ತಮರು ವಲ್ತಿ ನಿರ್ವಹಿಸೋನೆ ವಲ್ತಿ ದೇವ್ ಮನೆ ಕೃಪೆ ತೈನೆ ಅಲೇಲು ಕಾಮ್ ಹದ್ದು ತೋಡಿ ಗುಪ್ಪ್ತಂ ಚುವ್ ತುತೆ ಎಕ್ ಸಂಗತಿ ದೈವ್ ಪ್ರಕತನೆತಿ ಮನೆ ಮಾಲಂ ಕಾರ್ಯ ಅಂಕೆವೋ ತಮೆ ಹಂದೆಲಾ ಸೆವ್ ನಿ. ³ ಕುರಿತ್ ಹು ವ್ಹಾಯ್ ಸಂಕ್ಷೆಪಂ ತೈನೆ ಲಚೆಲೋ ಸೇಮ್ ; ⁴ ಲಚೆಲು ತಮೆ ವೊದಿನೆ ದೂಲೆಕ್ಲೆ ಕಿಸ್ತೋ ವಿಷಯಂ ತೈಲು ಮರ್ಮಂ ಕುರಿತ್ ಮನೆ ಸೇತೆ ಗ್ರಹಿಕೆ ತಮೆ ಮಾಲಂ ಕರ್ಲಿವುಲಾಗ್ ⁵ ಅ ಮರ್ಮಂ ಅ ಕಾಲಂ ಮೆ ದೇವ್ನು ಪರಿಶುಧಂ ನು ಅಪೋಸ್ತಲರ್ ನೆ ಬೀ ಪ್ರವದಿನೆ ಬೀ ಪವಿತ್ರಾತ್ಮ ತಿ ಮಾಲಂ ಕರೆ ಮದ್ ಬೀಸ್ರು ಕಾಲಂ ಮೆ ವುತೇಳು ಲೋಕ್ನೆ ಮಾಲಂ ಕರ್ಯುತಿ . ⁶ ಇ ಚು ಚು ಅಂಕೆಕ್ಲೆ ಅನರು ಲೋಕ್ ಸುವರ್ತೇನು ಮುಲಕಾಂ ಕ್ರಿಸ್ತಾ ಯೇಸು ಸ್ವಾಮೀ ರೆಹೇನಾರ್ ತೈನೆ ಯೆಹೊದ್ರ್ನು ದೊಡೆ ಬಾದ್ಯರ್ ಎಕ್ಕದ್ ದೇಹಂ ಮೆ ದೇ ಅಂಗಂ ಅಬ್ರಹಾಮನೆ ಉಂಟ್ ತೈಲಾ ವಾಗ್ದನಂ ಮೆ ಪಾಲು ಗಾರರ್ ತೈಲಸೆ ಅಂಕೆವೊನುದ್ ⁷ ದೇವ್ ಇನು ಶ್ಕ್ತಿನು ಪ್ರಯೋಗಂಮೆ ಮನೇ ಉಚಿತಾರ್ಥವರಂ ತೈನೆ ಅನುಗ್ರಹಿಸೆಲು ಕಾಮ್ ಕಾಮ್ ಅನುಸರಿಸೋನೆ ಹು ಅ ಸುವರ್ತೆನೆ ಸೇವಾಕೂ ಚೋ . ⁸ ಹು ಕ್ರಿಸ್ತೋನು ಅಪ್ರೆಂ ತೈಲು ಎಶ್ವರ್ಯಮನು ಸುಭ ಸಮಾಚರಂ ಅನ್ಯಲೋಕ್ನೆ ಪ್ರಸಿದೀ ಪಡಿಸೆಮ್ ಬೀ ⁹ ಸಮಸ್ತಂ ಸೃಷ್ಟಿ ಕರೇಳು ದೇವ್ ಮೆ ಅದೀತಿ ಆಡು ತೈಲು ಉತೇಳು ಮರ್ಮಂ ಪ್ರಕಟಂ ತಾಯ್ ತೆ ವಿಧಂ ಚವುಕೀನೆ ಮಾಲಂ ಕರೆತೆ ಅಮ್ ಬೀ ದೇವ್ನು ಲೋಕ್ನು ಮ್ಹೆ ಅಲ್ಯಲ್ಪಂ ತೈಲು ಮನೇ ಅನುಗ್ರಹಿಸ್ಯು . ¹⁰ ದೇವ್ ಹಮರು ಕರ್ತೋ ತೈಲೋ ಕ್ರಿಸ್ತೋ ಯೇಸು ಸ್ವಾಮೀಮೆ ಅನಾದಿ ಕಾಲಂ ತಿ ಕರೇಲು ಸಂಕಲ್ಪಮ್ನು ಮರೆನೆ ಇನು ನಾನಾ ವಿಧಂ ತೈಲು ಜ್ಞ್ಯನಂ ಪರಲೋಕಂ ಮೆ . ¹¹ ರಾಜತ್ವಂ ನೆ ಬೀ ಅಧಿಕಾರಂ ನೆ ಬೀ ಹಮ್ನು ಕ್ರೈಸ್ತಸಭೇನು ಮುಲಾಕಂ ಮಾಲಂ ತಾವೋನು ಕೀನೆ ಬೀ ಉದ್ದೇಶಿಸಿಯಾವ್ತೋ. ¹² ದೇವ್ನು ಸಾನಿಧ್ಯಂ ಬೇರಾವೊನೆ ಹಂನೆ ಸೇತೆ ಭರವಸಂ ಸೇತೆ ಧೈರ್ಯಂ ಕ್ರಿಸ್ತೋನು ಮೆ ಮ್ಹೆಲೆಸೆತೆ ನಂಬೀಕೆನು ಮುಲಕಂ ಇನುಮೆದ್ ಹಂನೆ ಉಂಟ್ ಚು ¹³ ಇನ್ ವಾಲ್ತಿ ತಮರು ನಿಮಿತಂ ಮನೇ ಸೃಷ್ಟಿ ತಾಯ್ ಲು ಕಷ್ಟಂ ದುಯ್ನೆ ತಮೆ ಧೈರ್ಯo ಮ್ಹೆಲೋನುಯ್ ಕೀನೆ ತಮೆ ಬೆಡಿಲೆಂ . ¹⁴ ಅ ಕಷ್ಟಂ ತಮೆ ಘನಂ ಸೃಷ್ಟಿ ಕರೇ ಅಕ್ಲುದ್ ¹⁵ ಅಮ್ರೀನೆ ಚು ಬೀ ಬಾಪ್ ತಿ ಬ್ಹೊಪರ್ ಲೋಕಂ ಮೆ ಸೇತೆ ಪ್ರತಿ ಲೋಕ್ ಬೀ ನಾಮ್ ಲಿಲೇಕಿ ಇ ಬಾಪ್ನು ಮೊಗ್ಗ್ರ್ ಹು ಮೊನಕಾಲುರಿನೆ ¹⁶ ತಮೆ ದೇವಾರಾತ್ಮನು ಮುಲಕಂ ಅಂತರ್ಯಮೆ ವಿಶೇಷಬಲಂ ಹೊಂದೆಲಾ ತಾಯಂ ಬೀ . ¹⁷ ಕ್ರಿಸ್ತೋ ತಮರು ನಂಬೇಕೇನು ಮುಲಕಂ ತಮರು ಹೃದಯಂ ಮೆ ವಾಸಂ ಕರೆತಂ ಬೀ ಇನು ಮಹಿಮಾತಿಶಯಂನು ಪ್ರಕಾರಂ ಅನುಗ್ರಹಿ ಸೋದೆ ¹⁸ ತಮೆ ದೇವ್ನು ಪ್ರಿತಿಮೆ ನೆಲೆಗೊಂಡಿನೆ ವುಬ್ಬ್ ರಿನೆ ಇನು ಅಗಲಂ ಉದಂ ಐಟ್ ವುಂಡು ಚಕ್ಲು ಅಂಕೆವೋನು ದೇವ್ನು ಲೋಕ್ ಹಂದಾನೆ ದೊಡೆ ಗ್ರಹಿಸೋನೆ ಜ್ಞ್ಯನಂನೆ ಮಿರೆತೆ ¹⁹ ಕ್ರಿಸ್ತೋನು ಪ್ರೀತಿ ಮಾಲಂ ಕರ್ಲೆವೊನೆ ಪೂರ್ಣ ಶಕ್ತಿರ್ ತವೊನುಕಿನೆ ದೇವ್ನು ಸಂಪೂರ್ಣತೇನು ತೋಡಿ ಪರಿ ಪೂರ್ಣo ತಾಯಂ ತಮೆ ದಯಾಪಲಿಸೋದೆ ಅಂಕಿನೆ ಇನೆ ಬೇಡಿಲೆಂ . ²⁰ ಹಮರು ಮೆ ಕಾರ್ಯಂ ಸಾಧಿಸೇತೆ ಇನು ಶಕ್ತಿ ನು ಪ್ರಕಾರಂ ಹಮೇ ಬೆಡೋನುತಿ ಬೀ ಯೋಚಿಸೋನು ತಿ ಬೀ ಅತ್ಯಧಿಕರಂ ತಾಯ್ಳು ಕರೋನೆ ಶಕ್ತೋತೈಲೋ ²¹ ದೇವ್ನೆ ಸಭೆಮೆ ಬೀ ಕ್ರಿಸ್ತೋ ಯೇಸುಸ್ವಾಮಿ ಮೆ ಬೀ ತಲತಲಾಂತರನೆಬೀ ಯುಗಯುಗಂನೆ ಬೀ ಸೋತ್ರಂ.ಅಮೆನ್.