¹ ಎ ಅಪರಾಧಂ ನು ವುರಿ ಪಾಪಂ ನು ದೆಸೆತಿ ಮರೆಲಾವುತೆ ತಮ್ನೆ ಬೀ ವಸಡೋ. ² ತಮೆ ಪೂರ್ವಮ್ಮೆ ಅಪರಾಧಂ ಪಾಪಂ ಕರ್ನಾರ ತೈನೆ ಅ ಲೋಕಂ ನೆ ಅನುಸರಂ ತೈನೆ ಸಾಲೆಲ ರೇವ್; ವಾಯು ಮಂಡಲಂ ಮೆ ಅಧಿಕರಂ ಸಲವೇ ಅಧಿಪತಿನೆ ಅಂಕೆಕ್ಲೆ ನಂಬೆನಾತಿವ್ಯನೆ ಅವಿಧೆತೇನೆ ಹಮ್ನಾ ಪ್ರೆರೆಪೀಸೆತೆ ಆತ್ಮಂ ನೇ ಅನುಸಾರಂ ತೈನೆ ಸಲೆಲಾರೇವ್. ³ ಹಮೆ ಹಂದಾಬೀ ಪೂರ್ವoಮೆ ಅವಿಧೇಯರ್ ತೈನೆ ಶರೀರಾ ಭಾವಂ ನು ಆಶ್ ನೆಬಿ ಅಧಿನರ್ ತೈನೆ ಶರೀರಂ ನೆ ಬೀ ಮನಸ್ಸ್ ನೆಬೀ ಸಾಮಬಂಧಂ ಪಟೆಲು ಇಚ್ಹೆ ನೆರವೆರ್ಸ್ ತೋನೆ ಸಾಲಿನೆ ವುಗ್ಹರೆ ಲನು ಗೋಡೆ ಸ್ವಭಾವಸಿಧಂ ತೈನೆ ದೇವ್ನು ರೀನೆ ಗುರಿಚಾವ್ ತಾ. ⁴ ರೆ ಕರುಣ ನಿಧಿ ತೈಲೋ ದೇವ್ ಹಮರು ವುಪ್ಪರ್ ಮಟ್ಟು ಪ್ರೀತಿ ಮ್ಹೇಲಿನೆ ಅಪರಧಾಂನು ದೆಸೆತಿ ಮರೇಲ ವುತೆಲ ಹಂನೆ ಬೀ ಕ್ರಿಸ್ತೋ ದೊಡೆ ವಸದ್ಯೋ. ⁵ ಕೃಪೆ ತಿದ್ ರಕ್ಷಣೆ ಹೊಂದೆಲಸೇವ್; ⁶ ವಸಡೆಲು ನೋಯ್ತೆ ಎ ಕ್ರಿಸ್ತೋ ಯೇಸು ಸ್ವಾಮಿ ಮೆ ಹಮೆ ಕರೆತೆ ಉಪಕಾರಂ ನು ಮುಲಕಂ ಇನು ಅಪರಧಂ ತೈಲು ಕ್ರುಪಾತಿಶಯಂ ಮೊಗ್ಗ್ರ್ ಯುಗ ಯುಗಂ ಮೆ ದಖಡೋನು ಕಿನೆ ಕ್ರಿಸ್ತೋ ಯೇಸುಸ್ವಾಮಿಮೆ ಸೇತೆ ಹಂನೆ ಇನುದೊದೆ ಉಠಾಡಿನೆ ಪರಲೋಕಂ ಮೆ ಇನು ದೊಡೆ ಬೆಸಾಡೆ ಲೋಸೆ . ⁷ ನಂಬೀಕೇನು ಮುಲಕಂ ಕೃಪೆ ತಿದ್ ರಕ್ಷಣೆ ಹೊಂದೇಲ ತೈಲ ಸೇವ್. ⁸ ಎ ರಕ್ಷಣೆ ತಮರುತಿ ತಾಯ್ ಲು ನೋಯ್;ಇ ದೇವ್ನು ವರಮದ್ . ⁹ ಎ ಪುಣ್ಯ ಕ್ರಿಯತಿ ಉoಟ್ ತಾಯ್ಳು ನೋಯ್ ; ಇನುವಲ್ತಿ ಹೊಗಳಿಲೆವೊನೆ ಚುನೆ ಬೀ ಅಸ್ಪದಂ ನೋಯ್ . ¹⁰ ಹಮೆ ಇನು ನಿರ್ಮಾನಂ ;ಸ್ತಕಾರಂ ಕರೋನು ವಲ್ತಿದ್ ಕ್ರಿಸ್ತೋಸ್ವಾಮಿ ಮೆ ಸೃಷ್ಟಿ ಸಲ್ ಪಡ್ಯಾ .ಹಮೆ ಸ್ತಕಾರಂ ಕರ್ನಾರ್ ತೈನೆ ವಸೋನು ಕಿನೆ ದೇವ್ ಹಂನೆ ಫಸ್ಟ್ ದ್ ನೆಮಿಸ್ ಯೋ . ¹¹ ತಮೆ ಜನ್ಮo ತಿ ಅನ್ಯ ಲೋಕ್ ತೈಲ ಸೇವ್ ; ಶರೀರಂ ಮೆ ಹಾತಿ ಸುನ್ನ್ ತಿ ಕರ್ಲಿನೆ ಸುನ್ನ್ತಿನ್ ತಮೆ ಸುನ್ನ್ತಿನಾರಿವ್ಯ ಕೆ ¹² ತಮೆ ಪೂರ್ವ ಕಾಲಂಮೆ ಕ್ರಿಸ್ತೋನೆ ಭೆರಾನರ ತೈಲ ರಿನೆ ಇಸ್ರಾಯೆಲ್ ನು ಹಕ್ಕ್ಮೆ ಪಾಲ್ ನರೆ ನಾರ[ಅಬ್ರಹಾoನೆ ತೈಲು] ವಾಗ್ದಾನಂ ನೆ ಸಂಭಂಧಂ ತೈಲು ಒಡಂಬಡಿಕೆ ನಾ ಭೆರಯೈಲ ಅ ಲೋಕಂ ಮೆ ಚು ಬೀ ನಿರೀಕ್ಷೆ ನಾರೆನಾರ ದೇವನೆ ಮಾಲಂ ನಾ ಕರ್ಲಿದೆಲಾ ತೈಲ ಸೇವ್ ಕಿನೆ ಹದ್ದನ್ ಕರ್ಲೇವ್ . ¹³ ಹಂನಾತೆಬೀ ಫಸ್ಟ್ ದೂರ್ ತಾಯ್ಲವುತೆಲ ತಮೆ ಕ್ರಿಸ್ತೋ ಯೇಸುನ್ ಸ್ವಾಮಿ ನೆ ಭೆರಿಲ ತೈನೆ ಇನು ಲ್ಹೋಯ್ ನ ಮುಲಕo ಸಮಿಪ್ಸತರ್ ತೈಲ ಸೇವ್ ¹⁴ ತಮ್ನೆ ಬೀ ಹಂನೆ ಸಮಾದನಂ ನು ಕರ್ತೃ ತೈಲೋಸೆ ಎ ಇನು ಶರೀರಂ ಸಂರ್ಪಿಸೆಲುಮೆ ವಿಧಿರುಪ ತೈಲೋ ಅಜ್ಞ್ಯೆ ಸೇತೆ ಧರ್ಮ ಶಾಸ್ತ್ರಂ ಕಾಡನಾಚಿನೆ ವುತೇಲು ದ್ವೇಷರ ಗಮವಿನೆ ಹಂನೆ ಅಗಲಿಸೇಳು ಆಡು ಭಿತ್ ಕರ್ಕವಿನಾಚೋ. ¹⁵ ಎ ಸಮಾಧನಂ ಕರ್ನರೋ ತೈನೆ ವುಬ್ಬ್ಯಾರ್ನೆ ಇನುಮೆ ಎಕ್ಲೋ ನೂತನ್ ಪುರುಷೋ ತೈನೆ ನಿರ್ಮಿಸಿಯೋ ; ¹⁶ ವುತೇಳು ದ್ವೇಷಂ ಇನು ಶಿಳುಚಿನು ಮುಲಕಂ ಉಭ್ಬ್ಯಾರ್ನೆ ಎಕ್ಕ್ದ್ ದೇಹo ತಾಯ್ಯಂ ಕರಿನೆ ದೇವ್ನು ದೊಡೆ ಸ್ಮಧನಂ ಕರೆಲೋಸೆ . ¹⁷ ಅ ನೋಯ್ತೆ ಏ ಅವಿನೆ ದುರ್ ಚಾವ್ ತಾತೆ ತಮ್ನೆ ಬೀ ಸಮಾಧನಂ ವುರಿ ಸಮಿಪಂ ಚ್ಹಾವ್ ತ ವುತೆ ಲನು ಸಮಾಧನಂ ಸಾರಿಯೋ ¹⁸ ಇನು ಮುಲಕo ಹಮೆ ಬಿ ತಮೆಬೀ ಎಕ್ಕ್ದ್ ಆತ್ಮನೇ ಹೊಂದೆ ತೈನೆ ಬಾಪ್ಪ್ನು ಪಾಯ್ ಪ್ರವೆಶಿಸೋನೆ ಮರ್ಗಂ ಚು . ¹⁹ ಅಮ್ರಿನೆ ತಮೆ ಹದು ವುಪ್ಪರ್ ಪರ್ದೆಶಮ್ನಾ ಅನ್ಯರ ತೈಲ ರೆನಾಂ ದೇವ್ ನು ಲೋಕ್ನು ದೊಡೆ ಎಕ್ಕ್ದ್ ಸಂಸ್ತಾನಂ ನಾ ದೇವ್ನು ಘೋರ್ನಾ ತೈಲಾ ಸೇವ್ ²⁰ ಅಪೋಸ್ತಲರ್ ಪ್ರವಾದಿ ಅಂಕೆತೆ ಅಸ್ತಿವರಂ ನು ವುಪ್ಪರ್ ತಮೆ ಮಂದಿರ ದೊಪಾದಿನೆ ಬಂದೈಲಸೇವ್ ²¹ ಯೇಸು ಕ್ರಿಸ್ತೋದ್ ಮುಖ್ಯಂ ತೈಲೂ ಮುಲೇನು ಬಂಡೋತಿ ; ಇನುಮೆ ಕಟ್ಟಡo ನು ಹಂದಾ ಭಾಗಂ ಏಕ್ಕ್ನೆ ಏಕ್ಕ್ ಹೊಂದಿಕೆ ತೈನೆ ಕಟ್ಟಡo ವೃದ್ದಿತಾತುನೆ ಕರ್ತೋನು ಮೆ ಪರಿಶುಧಂ ದೇವಾಲಯಂ ತಾಯ್ ²² ಇನುಮೆ ತಮೆ ಪವಿತ್ರಾತ್ಮ ಮುಲಕಂ ತಿ ದೇವ್ನೆ ನಿವಸಸ್ತಾನಂ ತವೋನು ವಲ್ತಿ ಹಮರು ಪಾಯ್ ಬಂದತನೆ ಸೇವ್