^{1 2} 1.ಸುಂಕರಿಯಾನ್ ಪಾಪಿಯು ಸೇ ಯೇಸುರ ವಾತ್ ಸಾಮಳೆನ ಓರ್ ದಾಂಯಿ ಆನ್ ಗೋಳಾವೇ. 2.ಪರಿಸಯುರ್ ಶಾಸ್ತಿಯೂ ಓನ್ ದೇಕನ್ ಈ ಪಾಪಿಯೂನ್ ಧಾoಯಿ ಕರನ್ ಉನೆತಿ ಸದಾ ಖಾನೋ ಖಾರೋಚಕನ್ ಘನೋಟನಕು ಕಿದೇ ^{3 4 5} 3.ಉನೇನ್ ಉ ಸಾಟುವಾನ ಕೋ. 4.ತಮೇಮಾ ಏಕ್ ಮನಕ್ಯಾ ಸೋ ಗೊರ್ಲಿರ್ ವೇನ್ ಉನೇಮಾ ಎಕ್ ಗಮಗಿಜಕೋ ಏಕ್ ಸೋ ಗೋರ್ಲಿನ್ ಝಾಡಿಮಾ ಚೋಡ್ದೆನ್ ಗಮಾಗಿಜಕೋ ಎಕ್ ಗೋರ್ಲಿ ಮಲಜೆತಾನು ಓನ ದುoದೆನ ಜಾವಚ ಕೋನಿಕ? 5.ಉ ಮಳಜನಾ ಖುಷಿತಿ ಓನ ಓರ್ ಕಾಮ್ದೆಪರ್ ಪಾಲ್ದೇನ್ ಘರ್ ಆನ್ ಓರ್ ದೊಸ್ತಿಯುನ್ ಬಗಲ್ ಚಜೇನ್ ಬಲಾನ್, ^{6 7} 6.ತಮ್ ಮಾತಿ ಸದಾ ಖುಷಿ ಪಡೋ ಗಮಗಿಜಕೋ ಮಾರ್ ಗೊರ್ಲಿ ಲಾಬಿಕನ್ ಉನೇನ ಕಚ್ ಕೋನಿ ಕಾಂಯಿ? 7.ಹನುಜ್ ಉಜ್ವೆಕ್ದಲ್ ಜರೂರ್ ಚೇನಿಜಕೋ ನೆವೆಪರ್ನವ್ ಆದ್ಮಿ ನಿಯತ್ ದಾರೆರ್ ಕಾಣ್ ಲಾಗಜಕೋ ಖುಷಿತಿ ಉಜ್ವೆಕ್ ದಲ್ ಲಿದೆಜಕೋ ಎಕ್ ಪಾಪಿವಾಸ್ ಸ್ವರ್ಗಲೋಕೆಮಾ ಜಾದಾ ಖುಷಿ ವಚ್ಚ . ^{8 9 10} 8.ಕುಣ್ಸಿ ಬಿರೆಕನ್ ದಸ್ ರೂಪೆರ್ ರಪ್ಯಾ ರಜನಾ ,ಉನಮಾ ಎಕ್ ರಪ್ಯಾ ಗಮಲತೋ ಉ ದಿವೋ ಸೋಲ್ಗಾನ್ ಘರ್ ಭಾರನ್ ಉ ಮಳಜೆಲಗೂ ಹುಷಾರೆತಿ ದುಂಡೇನಿ ಕಾಂಯಿ? 9.ಉ ಮಳಜನಾ ಓರ್ ದೋಸ್ತಿವುನ್ ಬಗಲ್ ಚಜೆನ್ ಬಲಾನ್ ಮಾತಿ ಸದಾ ಖುಷಿಕರೋ ಮಾರ್ ಗಂಗೋಜಕೋ ರಪ್ಯಾ ಮಳೋ ಕನ್ ಉನೇನ್ ಕಚ್ ಕೋನಿ ಕಾಂಯಿ? 10.ಹನುಜ್ ಉಜ್ಜೆಕ್ ದಲ್ ಲೆಲಜಕೋ ಏಕ್ ಪಾಪಿರ್ ಕಾಣ್ ದೇವೇರ್ ಸೋಜಾರ್ ಮುಂಡಾಗ್ ಖುಷಿ ವಚ್ಚ ಕನ್ ತಮೇನ್ ಕೇರೋಚು ಕನ್ ಕೋ. ^{11 12} 11.ಉಜ್ಜಿ ಯೇಸು ಏನ್ ಕೋ ಏಕ್ ಮನಕ್ಯಾನ ದೀ ಬೇಟಾರ. 12.ಉನೇಮಾ ನಾನ್ ಕ್ಯಾ -ಬಾಪೂ ,ತಾರ್ ಆಸ್ತಿಮಾ ಮನ್ ಆವಜಕೋ ವೆಂತೋ ಮನ್ ದಕನ್ ಓರ್ ಬಾಪೇನ್ ಪುಚತೆಖಂ ಉ ಉನೇನ ಓರ್ ಆಸ್ತಿಮಾ ವೆಂತೋ ಪಾಡ್ ದೀನೋ . ^{13 14} 13.ತೋಡಾಸೇಕ್ ದಾಡ್ ವೇಗೆ ಜೆರ್ಪಚ್ಚ ಉ ನಾನ್ ಕ್ಯಾ ಬೇಟಾ ಸೇ ಗೋಳಾಕರ್ಲೆನ್ ಘಣ್ ದೂರ್ ಮಲ್ಕೆನ್ :ಜಾನ್ ಓತ್ತ ಓರ್ ಅಸ್ತಿನ್ ಖರಾಪ್ ಕಾಮ್ ಕರನ್ ಹಾಳ್ಕರ್ನಾಕೋ . 14.ಸೋಳಿ ಉ ಹಾಳ್ ಕಿದೋ ಜೆರ್ಪಚ್ಚ ಉ ಮಲ್ಕೆಮಾ ಮೋಟೋ ಕಾಳ್ ಪಡೋಜನಾ ಓರ್ ಬಂಚಾವನೆರ್ ವೇಲಾ ಸುರು ವೇಗೋ . ^{15 16} 15.ಉ ಮಲ್ಕೆಮಾ ದಿಕೆರ್ ದಾಂಯಿ ಜಾನ್ ಆಸ್ರೋ ದೂoದೋ ಉ ಮಲ್ಕೆರ್ ಖೇತೆಮಾ ಓ ಓನ್ ಸೂರಿ ಚರಾಯೇನ್ ಮೇಲೋ . 16.ಸೂರಿ ಖಾವಜೆ ಫಳೆನ ಉ ಓರ್ ಪೇಟ್ ಭರಲುಕನ್ ಆಸಕಿದೋ ಪಣ್ ಕೊಯಿ ಓನ್ ಕಾಂಯಿ ದೀನೆಕೋನಿ. ^{17 18 19} 17.ಪಣ್ ಅಕ್ಕಲ್ ಆಯಿಜನಾ ,ಉ ಮಾರ್ ಬಾಪೆಕನ್ನ ಕತ್ರಾಯಿಕೋ ಆದ್ಮಿ ಕೂಲಿ ಕರೇವಾಳೂನ್ ಬಾಟಿ ಘಾಲಚ ಪಣ್ ಮ ಅತ್ತ ಭೂಕೇತಿ ಮರ್ಜಾರೋಚು . 18.ಮ ಉಟನ್ ಮಾರ್ ಬಾಪೇಕನ್ನ ಜಾನ್ ಬಾಪು ಮ ಸ್ವರ್ಗಲೋಕೆರ್ ವಿರೋದ್ ತಾರ್ ಮುಂಡಾಗ್ ಪಾಪ್ ಕೀದೋ - 19.ಅಬ್ಬೇತಿ ತಾರ್ ಬೇಟಾ ಕನ್ ಕೇರಾಯೇನ್ ಚಾಜುನಿ ಮನ್ ತಾರ್ ಕೂಲಿವಾಳೆಮಾ ಎಕೇರ್ ನೈ ರಕಾಡಲ್ ಕನ್ ಓನ್ ಕುಚು ಕನ್ ಕೇಲೇನ್ ಉಟನ್ ಬಾಪೆಕನ್ನ ಆಯೋ . ^{20 21} 20.ಉ ಉಜ್ಜಿ ಘನಂ ರಜನಾ ಬಾಪ್ ಓನ್ ದೇಕನ್ ದಯಾ ಕರನ್ ದಾಸನ್ ಭಕಡಿ ಭರನ್ ಓನ್ ಚುಂಲಿದೋ. 21.ಜನ ಉ -ಮ ಸ್ವರ್ಗ ಲೋಕೇರ ವಿರೋದ್ ತಾರ್ ಮುಂಡಾಗ್ ಪಾಪ್ ಕೀದೋ ಅಬ್ಬೆತಿ ತಾರ್ ಬೇಟಾಕೆನ್ ಕೇರಾಯೇನ್ ಚಾಜುನಿಕನ್ ಓನ್ ಕೋ . ^{22 23 24} 22.ಪಣ್ ಬಾಪ್ ಓರ್ ಬಾಂಯವುತಿ ಘನೋ ಆಚೋ ಲತ್ತಾಲಾನ್ ಎನ್ ಪೆರಾವೋ ಎರ ಅಂಗಳಿಮಾ ವಿಂಟಿ ಘಾಲೋ ಟಾoಗೆಮಾ ಚೆಪ್ಲು ಪೆರಾವೋ . 23.ಗೂದೇವಾಳೋ ಕೆಲ್ಡಾಲಾನ್ ಕಾಟೋ ಅಪಣ್ ಖಾನ್ ಖುಷಿ ಕರಾ ;ಈ ಮಾರ್ ಬೇಟಾ . 24.ವರನ್ ಬಂಚೋ ಗಮಾಗೋತೊಕೋ ಲಾಬೋ ಕನ್ ಕೊಜನಾ ಓ ಖುಷಿ ಕರೆನ್ ಸುರುಕಿದೋ . ^{25 26 27} 25.ಜನಾ ಓರ್ ಮೋಟೋ ಬೇಟಾ ಖೆತೆಮಾವೆತ್ತೋ ಉ ಖೇತೆತಿ ಘರೆಡಾoಯಿ ಅವತೆಖಂ ವಾಜಾನನ್ ನಾಚರೆಜೆನನ್ ಸಾಮಳನ್ . 26.ಬಾಂಯಮಾ ಎಕೆನ್ ಬಲಾನ್ ಈ ಕಾಂಯಿಕನ್ ಪೂಚೋಜನಾ , 27.ಉ ಬಾಂಯಾ ಒನ್ -ತಾರ್ ಭಾಯಿ ಆಯೋಚ ಉ ಓರ್ ಡಾoಯಿ ಸೋಕೇತಿ ಆಯೋ ಜೆರ್ವಾಸ್ ತಾರ್ ಬಾಪ್ ಗೂದೇವಾಳೋ ಕೆಳ್ದಾನ್ ಕಟಾಯೋ ಕನ್ ಕೋ. ^{28 29 30} 28.ಪಣ್ಉ ರೀಸ್ ಕರನ್ ಮಾಯಿ ಜಾಯೇನ ಖಾತೆರ್ ವೋಕೋ ಜೆರ್ವಾಸ್ ಓರ್ ಬಾಪ್ ಆನ್ ಮಾಯಿ ಆ ಕನ್ ನೋರಾಕಿದೋ . 29.ಜೆರ್ವಾಸ್ ಉ ಓರ್ ಬಾಪೇನ -ಇದೆಕಮ ಅತ್ರಾವರ್ಸೇತಿ ತಾರ್ ಸೇವಾಕರ್ರೋಚು ತಾರ್ ವಾತ್ ಕನ್ನಾಯಿಜ್ ಮನೋಕೊನಿಜು ಗೋಕೋನಿ ;ಹನುವತ್ತೋ ಮಾರ್ ದೊಸ್ತಿಮಾತಿ ಖುಷಿ ಕರೇನ ತು ಮ ಕನ್ನಾಯಿಜ್ ಎಕ್ ಚೆಳಿರ್ ಪಿಲಾ ಸದಾ ದಿನೋಕೊನಿ . 30.ಪಣ್ ತಾರ್ ಆಸ್ತಿನ್ ಕಚ್ನಿತಿ ಸದಾ ಖಾಲ್ದೊಜೆನ್ ಈ ತಾರ್ ಬೇಟಾ ಅತೆಖಂ ಎರ್ವಾಸ್ ಗುದೆವಾಳೋ ಕೇಲ್ದಾನ್ ಕಟಾಯೋಕನ್ ಕೋ . ^{31 32} 31.ಜೆರ್ವಾಸ್ ಉ -ಬೇಟಾ ತು ಹಮೇಷಾ ಮಾತಿ ಸದಾ ರೆಚಿ ಮಾರ್ ಸೇ ತಾರಜ್ , 32.ಅಪಣ್ ಆನಂದ್ ಕರನ್ ಖುಷಿತಿ ರಾಜಕೋ ಆಚೋ ಈ ತಾರ್ ಭಾಯಿ ಮರನ್ ಫರನ್ ಬಂಚೋ ಗಮನ್ ಲಾಬೋ ಕನ್ ಓನ್ ಕೋ .