^{1 2 3} 1.ಸಬ್ಬತ್ ದಾಡೆಮಾ ಪರಿಸಾಯರ ಮೊಟೆಮಾ ಎಕೇರ್ ಘರ್ ಖಾಣೆನ ಗೋಜನಾ ಉ ಕಾಂಯಿ ಕರಚಕೊಕೇನ್ ಓ ಓನ್ ದೇಕತೆರ. 2.ಜನಾ ಸೋಯಿ ಆವರಿಜಕೋ ರೋಗೆವಾಳೋ ಎಕ್ಲೋ ಓರ ಮುಂದಾಗ್ ರ .ಯೇಸು ಸಬ್ಬತ್ ದಾಡೆಮಾ ಆಚೋಕರೆರ್ ಸಮ್ಮೊರ್ ಕ ?ಕೊನಿಕ ? 3.ಕನ್ ಧರಂ ಶಾಸ್ರ್ತಿಯುನ್ ಪರಿಸಾಯುನ್ ಪುಚತೆಖಂ ಓ ಗಚಬ್ ರೇಗೆ. ^{4 5 6} 4.ಜನಾ ಉ ಓರ್ ಹಾತ ಪಕಡನ್ ಆಚೋಕರನ್ ಮೇಲ್ದೆನ್ - 5.ತಮೇಮಾ ಕೇರಿ ಬೆಟರೆದ ಬಳದ್ ರೆದ ಖಾಡೆಮಾ ಪಡಜಾವತೋ ಸಬ್ಬತ್ ದಾಡೆಮಾ ಓನ್ ಬಾರ್ ಕಾಡೋನಿ ಕಾಂಯಿ ಕನ್ ಉನೇನ ಪುಚೋ . 6.ಓ ಎ ವಾತೇರ್ ಜವಾಬ್ ಕೇರ್ ವಂಗಾಯಿಕೊನಿ. ^{7 8 9} 7.ಟೆಳೆನ ಬಲಾಮಲೆಜಕೋ ಟೆಳೆರ್ ಹಾರಿಮಾ ಅಗಡಿಯಾರ್ ಜಾಗೆನ ತಾಲ್ಲಜೆನ್ ದೇಕನ್ ಉನೇನ ಏಕ್ ಸಾಟುವಾ ಕೋ. 8.ಕಾಂಯಿಕತೋ -ಕೋಯಿತೋಯಿ ದಾಯರ್ ಟೆಳೆಮಾ ತೋನ ಟಳವಜನಾ ಅಗಡಿಯರ ಜಾಗೇಮಾ ಬೆಸ್ಮತ್ ;ಎಕ್ವಣಾ ತೋತಿ ಮಾನೆವಾಳೆನ್ ಬಲಾಲ್ಮೊವಿಯೇ , 9.ತೋನನ್ ಓನ್ ಬಲಾಯೇಜಕೋ ಆನ್-ಎನ್ ಜಾಗ್ ದಕನ್ ತೋನ ಕಿಯೆ ,ಜನಾ ತು ಫಿಕೋ ಪಡನ್ ಚೆಡಾರ್ ಜಾಗೇಮಾ ಬೆಸ್ಜಾಯಿಸ್. ^{10 11} 10.ಪಣ್ ತೋನಾ ಬಲಾವಜನಾ ತೋನ ಬಲಾಯೋಜಕೋ ಆನ್-ದೋಸ್ತಿ ಉಂಚೆರ ಜಾಗೇಮಾ ಬೇಸ್ ;ಜನಾ ತಾರ್ ಬರೋಬರ್ ಬೇಸಜೆ ಸೇರ್ ಮುನ್ದಾಗ ತೋನ ಮೊಟಪಣ್ ವೇಜಾಯೆ. 11.ಓರ್ ಉಜ್ ಮೊತ್ಪನ್ ಕರ್ಲೆವಾಲೋ ಹರ್ಯೇಕ್ ಆದ್ಮಿ ಹಳ್ಕೋ ಪದ್ವಚ ,ಓರ್ ಉಜ್ ಹಲ್ಕೋ ಕರ್ಲೇವಾಲೋ ಮೊತೊವೆಜಾವಚ ಕನ್ ಕೋ ¹² 12.ಉಜ್ಜಿ ಉ ಒನ್ ಬಲಾಯೋಜೆತಿ ಹನುಕೋ - ತು ದಿಂಯೇರ್ ತೆಳೆನ ಕೊ ತಾರ್ ಭಾಯಿಪಣಾನ್ ಕೊ ತಾರ್ ತನ್ನೆರೆನ್ ಕೊ ಸಾವುಕಾರ್ ಛಜೆ ತಾರ್ ಬಗಳೆವಾಲೋನ್ ಬಲಾವಚ ಜೆರ್ವಾಸ್ ತೋನ್ ಭಲ್ಮ್ಯಿನ ಭಲಾಯಿ ವೆಜಾವಚ . ^{13 14} 13.ಪಣ್ ತು ಟೆಳೋ ಕರಸಜನಾಗರಿಬುನ ದೂಂಡೆವುನ್ ತೊಂಟೆವುವುನ್ ಅಂದೇವುನಾ ಬಲಾ. 14.ತೋನಫರಾನ್ ಭಲಾಯಿ ಕರೆನ್ ಉನೇರ್ ದಮ್ಯಿ ಕಾಂಯಿ ಚೆನಿಜೆತಿ ತು ನಸಿಬ್ದಾರ್ ವೆಜಾವಚಿ ಕನ್ ಕೋ;ನಿಯೇತದರ್ ಮರಗೆ ಜೇಮಾಯಿತಿ ಉಟಜನಾ ತೂನ ಭಲಾಯಿನ್ ಭಲಾಯಿ ಮಳಜಾವಚ ಕನ್ ಕೋ. ^{15 16 17} 15.ವತ್ತಿ ಸದಾ ಖೋಣೂ ಖಾಯೆನ ಬೇಟಾಜೆಮಾ ಏಕ್ಲೋ ಈ ವಾತ್ ಸಾಮಾಲನ ದೆವೀರ್ ರಾಜೆಮಾ ಖಾಣೂ ಖಾಯೇವಾಳೋ ನಸಿಬ್ದಾರ್ ಕನ್ ಕೋ. 16.ಜನಾ ಉ ಓನ ಹನುಕೋ -ಎಕ್ ಆದ್ಮಿ ಮೋಟೋ ಟೆಳೋಕರನ್ ವಾರ್ಸ್ಕ್ ಆದ್ಮಿನ್ ಬಲಾಯಿ. 17.ಟೇಳೆರೋ ವಕ್ತೆಪರ್ ಉ ಅಬ್ಬ ಟೆಳೋ ತಯ್ಯಾರ್ ಛ. ಆವೋ ಕನ್ ಬಲಾಯೇಜೇನ ಕೀನ್ ಓರ್ ಬಾಂಯಾನ್ ಮೇಲೋ. ^{18 19 20} 18.ಓಸೇ ಎಕ್ ದಲ್ಲೆತಿ ಕೆನ್ನ್ಳಗ್ಗೆ ಅಂಗೆರೋನ್ ಮ ಎಕ್ ಖೆತ್ ಲೆಮಲೋಛು .ಓನ್ ದೇಕೆರ್ ಜರೋರ ಛ, ಮನ್ ಮಾಪ್ ಕರ್ಕನ್ ತೋನ ನೋರ ಕರಚುಕನ್ ಕೋ. 19.ಉಜ್ಜೆಕೋ-ಮ ಪಾಂಚ್ಜೋಡಾ ಬಳದೀನ್ ಮೋಲ್ಲಿಡೋ ,ಉನೇನ ಪರಿಚೋ ಕರೆನ ಜಾರೋಚು ಮನ್ ಮಾಪ್ ಕರನು ಕನ್ ನೂರಾ ಕರೋಚು ಕನ್ ಕೋ. 20.ಉಜ್ಜಿಕೋ-ಮ ಎಕ್ಕಿನ್ ವಾಯಾ ಕರ್ಲಿದೋ; ಜೆರವಾಸ್ ಮ ಆಯೆರವೆನಿ ಕನ್ ಕೊ . ^{21 22} 21.ಜನಾ ಉ ಬಾಂಯಾ ಹೋಟೋ ಆನ್ ಎ ವಾತೆ ಓರ್ ಮಾಲಿಕೆನ್ ಮಾಲಂ ಕಿದೋಜನಾ ಓ ಘರೇರ್ ಮಾಲಿಕ್ ರೀಸ್ ಕರನ್ -ತು ಜಲ್ದಿ ಷೆರೇರ್ ಆಳಿಮಾ ಹಾಟೇರ್ ಆಳಿಮಾ ಜಾನ್ ಗರಿಬೇನ್ ದುಂಡೀವುನ ತುಂತೆವುನ ಅತ್ತ ಬಲಾಲೇನ್ ಆ ಕನ್ ಬಾಂಯಾನ್ ಕೋ. 22.ಅತ್ರಮಾ ಬಾಮ್ಯಾ ಬಾಪು ತು ಹಾಕನ್ ದಿನೋಜು ಮ ಕಿದೋ ;ಪಾನ್ ಉಜ್ಜಿ ಜಾಗ್ ಕನ್ ಕೋ. ^{23 24} 23.ಜನಮಾಲಕ್ ಮಾರ್ ಘರ್ ಭರವಜು ತು ವಾದೇಕನ್ ಜಾನ್ ಮಂಯಿ ಆಯೇ ವತ್ತರಜೆ ಆದ್ಮಿ ಜೋರ್ಬರಿಕರ್, 24. ಕಸಿನ್ಕತೋ ಬಳಯೇಜಮಾ ಎಕ್ಲೆ ಸದಾ ಮಾರ್ ತೇಲೋ ಚಕೆನಿಕನ್ ತಮೆನ ಕೆರೋಚು ಕನ್ ಕೋ. ಚೆಲಾವೇವಳೋ ಚೋಡನ್ ಆಯೇರ್ ^{25 26 27} 25.ಘಣೆಜನೆರ್ ಮಳವೋ ಓರ್ ಲಾರ್ ಜರೆಜನಾ ಉ ಉನೇರ್ ಸ್ಯಾಮ್. 26. ಕೊಯಿತೊಯಿ ಮಾರ್ಡಂಯಿ ಆಮ್,ಓರ್ ಯಡಿ ಭಾಪೇನ್ ಗೋಣಿನ್ ಛಚ್ಯಬ್ರೋನ್ ಭಾಯಿ ಬಿಯಾನ್ ಭೇನ್ ಬಯಿನ್ರ್ ಓರ್ ಜನೇನ್ ಸದಾ ನ ಚೋದತೋ ಉ ಮಾರ್ ಚೇಳ ವೆಸಕೆನಿ 27.ಉಜ್ಜಿ ಕೊಯಿತೊಯಿ ಓರ್ ಸಿಲ್ವಾ ಪಲ್ದೆನ್ ಮಾರ್ ಲಾರ್ ಆಯೆನಿತೋ ಉ ಮಾರ್ ಚೇಳ ಬೇಸಕೆನಿ. ^{28 29 30} 28.ಕೋಯಿ ತೋಯಿ ಏಕ್ ಘಡ್ ಅಸಕರ್ತೋ ಓನ್ ಪುರೋಕರೆನ ಚವಜಕೋ ಓರ್ ದಂಯಿ ಅಕೋ ಚೆನಿಕೋ ಕನ್ ಭೆಸನ್ ಓನ್ ಲಗಜಕೋ ಅಗಡಿ ಲೆಕೋ ಬೇಕೆನಿ ಕಾಂಯಿ ? 29.ಲೆಕೋ ದೆಕೆನಿತೋ ಉ ಓರ್ ಭುನಡಿ ಘಳನ್ ಏಕದ್ವನ ಓನ್ ಪೋರೋ ನಕರತೋ. 30.ಈ ಆದ್ಮಿ ಬಂದೇನ ಸರೋಕಿದೋ ಪನ್ ಪುರೋ ಕರೆನ್ ವಗಯಿಕೊನಿ ಕನ್ ಕೆನ್ ಓನ್ ಡೆಕನ್ ತಟ್ಟ ಕರೆನ್ ಸುರುಕರಚ. ^{31 32 33} 31.ಉಜ್ಜಿ ಕೋಯಿ ರಾಜ್ ಉಜ್ಜೆಕ್ ರಜೆತಿ ವೇರ್ ಮಾರೆನ್ ಜವಾಜನ ಓರ್ ಉಂಪರ್ ವಿಸ್ ಹಾಜರ್ ಆದ್ಮಿತಿ ಆವಜೆನ್ ದಸಾ ಹಜರೆತಿ ವ್ಯರೀ ಮಾರೆನ ಜೋರ್ ಓನ್ ಚಕ್ ಚೆನಿಕೋ ಕನ್ ಭೆಸನ್ ಅಗಡಿ ಸೊಸ್ಕರೆನಿ ಕಾಂಯಿ? 32.ಜೋರ್ ನರತೋ ಉ ಉಜ್ಜಿ ಝಾನಂ ರಾಜನ ಆಡ್ಮಿನ ಮೆಲಾನ್ ಶಾಂತಿ ಕರ್ಲೆನ್ ದೆಕಚ ಕೊನಿ ಕಾಂಯಿ? 33.ಹನುಜ್ ತಮೆಮ ಓರ್ ರಜಕೋ ಸೆನ್ ಚೋದೆನಿತೋ ಮಾರ್ ಚೆಳರೆಸಕೆನಿ. ^{34 35} 34.ನೂಣ್ ಅಚ್ಹೋಚ್ ಪಣ್ ;ನೂಣ್ ಫಿಕೊವತ್ತೋ ಕೇತಿ ಉ ಖಾರೋವಿಯೇ .? 35.ಉ ಜಮ್ಮಿನನ್ ,ಖಾತೇನ್ ಕಾಮ್ದೇನಿ ಜೆರ್ವಾಸ್ ಓನ್ ಬಾರ್ ಬಗಾದಚ ;ಸಾಮಳೆನ್ ಕಾನ್ ರಜಕೋ ಸಾಮಳೆದ ಕನ್ ಉನೇನ್ ಕೋ.