¹ 1.ಆತ್ಮಮ ಎಕೆನ್ ಏಕ್ ಕುನ್ಲಾಜು ಹಜರೂ ಅತ್ರ ಜನ್ ಗೊಳಪೆಜನಾ ಉ ಓರ್ ಚೆಳತಿ ಅಗಡಿ ಹನುಕೆನ್ ಸುರುಕಿದೋ ಪರಿಸಯುರ್ ಸೊ೦ಗ್ ಕಜಕೋ ಕಾಟೋ ಅಟೆರ್ ಕಣ್ ಹುಶರೆತಿ ರೋ. ^{2 3} 2.ಗೊಜಕೋ ಕಾಂಯಿಕಿ ಭಾರ್ನಪದಜು ರೇನಿ ಮಲಂವೆನಿಜು ಗೊಕೆರೋಯಿ ಛೆನಿ. 3.ತಮ್ ಅಂದರೆಮಾ ವಾತೆಕರೋಜಕೋ ವಜಲೆಮಾ ಸಂಲೇರ್ ವಚ್ಚ್ .ತಮ್ ಘರೆಮಾ ಕನೆಮಾ ಕೆಜಕೋ ಕಾಂಯಿಕೋ ಉ ಘರೆಪರ್ ಕೆರ ವಚ್ಹ. ^{4 5} 4.ಮಾರ್ ದೋಸ್ತಿ ಚಜಕೋ ತಮೆನ ಮಕುಜಕೋ ಕಾಂಯಿ ಕತೋ ಜಿವೆನಾ ಮರ್ನಾಗ್ ಜೆರ್ ಪಚ್ಹ ಉಜ್ಜಿ ಕಾಂಯಿ ಕರ್ಸಕೆನಿ ಜೇನ್ ಚಂ ಕೊಮತ . 5.ತಮ್ ಕೇಟಿ ಚಮಕನು ಕೋ ತಮೆನ್ ಮಾಲಂ ಕರಚು ಮರ್ನಾಗ್ ಜೆರ್ಪಚ್ಚ ನರ್ಕಾಮಾ ಪತಕೆನ್ ಜೋರೆವಲೆತಿ ಚಮಕೋ ;ಓತಿ ಚಮಕೋ ಕನ್ ತಮೆನ ಕೆರಚೋ. ^{6 7} 6.ಪಂಚ ಚಲ್ಕೊಡಿ ದೀ ಪಿಸನ್ ವೇಚಚ್ ಕೋನಿ ಕಾಯಿ ?ಉನೇಮಾ ಏಕ್ ತೋಯಿ ದೇವೆರ್ ಮುಂದಾಗ್ ಭುಳಯೇನಿ . 7.ತಮಾರ್ ಮಾತೆರ್ ಲತ್ತನ್ ಪಾನ್ ಮೇಲೆಚ ಚಮ್ಕೊಮತ್ ತಮ್ ವಾರ್ಸೆಕ್ ಚಲಕೊಡಿತಿ ಆಚೋಕೊನಿ ಕಾಂಯಿ, ^{8 9 10} 8.ಉಜ್ಜಿ ಮಾ ತಮೆತಿ ಕುಜಕೋ ಕಾಂಯಿಕತೋ ಮನ್ ಆದ್ಮೀರ್ ಮುಂಡಾಗ ಕುಣ್ ಮಾನ್ಲಚ ಕೋ ಆದ್ಮೀರ್ ಭೇಟ ದೇವೆರ್ ಸೋಜಉರ್ ಮುಂಡಾಗ್ ಓನ ಮಾನಲಚ್ . 9. ಆದ್ಮೀರ್ ಮುಂಡಾಗ್ ಮನ್ ವಲ್ಕೊನಿ ಕೇನ ಕವಲರ್ ಮಾ ಸದವಲ್ ಕೋನಿ ಕನ್ ದೆವೆರ್ ಸೋಜವುರ್ ಮುಂಡಾಗ್ ಕಿಂಯು . 10.ಆದ್ಮೀರ್ ಭೇಟ ಉಂಪರ್ ಖಿಲಾಪ್ ವಾತ್ ಕೆವಳೆರ್ ಪಾಪ್ ಮಾಪ್ವೆಜ ಪಾಣ್ ಪವಿತರ್ ಆತ್ಮನ್ ಸರಾಪ್ ದೇವಲರ್ ಪಾಪ್ ಮಪವೇಣಿ . ^{11 12} 11.ಓ ದೇವೆರ್ ಘರೆರ್ ಮೊತೊಕನ್ ಹಾಕಮೆರೆಬ್ನ್ ಹಾಕದರ್ಯರ್ ಅಂಗ ತಮೇನ ಲೆಜವಜನ ಕಿಮ್ ಕಾಂಯಿ ಜವಾಬ್ ಕೆಮೆಕಣನ್ ಕಾಂಯಿ ವಾತೆ ಕರೆಕೆನ ಹಾಯಿ ಮತ್ ಕರೋ. 12.ತಮ್ ಕಂಯಿ ಕೆಣುಕೋ ಪವಿತರ್ ಆತ್ಮಾ ಓ ಘಡಿಮಾಜ್ ತಮೇನ ಸಿಕವಚ್ ಕನ್ ಕೋ. ^{13 14 15} 13. ಓ ಮಳಾ ಉಮಾ ಎಕೋ _ಬೋದಾ ಕರೇವಾಳೋ ,ಬಾಪೆರ ಆಸ್ತಿಮ ಮನ್ ಹಂಸೋ ಪಾಡದೆನು ಕನ್ ಮಾರ್ ಭಿಯನ್ ಕ ಕೇನ್ ಒನ ಪುಚೋ . 14. ಜನಾ ಉ _ಎಮನ್ನಕ್ಯ್ ತಮಾರ್ ಉಮ್ಪರ್ ನೇವ್ ಕರೆವಾಳೆರ್ ನೈ ಮನ್ ಕುಣ ನಿಯಮ ಕಿದೋಕನ್ ಓನ್ ಕೊ . 15. ಉಜ್ಜಿ ಉನೆತಿ _ ತಮ್ ಸೆ ಪಿಸಾರ ಆಸವಾಳೆರ್ ವಡಿ ಜತನೆತಿ ರೋ ಕಸ್ಸೇರ್ ಕತೋ ಎಕ್ಕೆನ ಕತ್ರಾಯಿ ದನ್ರತೊಯಿ ಜಿವ್ನೋರೋ ಆದರ್ಕೊನಿ . ^{16 17 18 19} 16. ಉಜ್ಜಿ ಈ ಉನೇತಿ ಎ ಸಾಟುವಾನ್ ಕೊ ಏಕ್ ಸಾವುಕಾರೆರ್ ಖೆತಮಾ ಘನೋ ಪಾಚೋ ಜನಾ. 17.ಉ-ಮಾರ್ ದಾಣಾ ವಾಲೇನಾ ಜಾಗ್ ಪೂರ್ಚೆನಿ ಜೆರ್ವಾಸ್ ಮಾ ಕಾಂಯಿ ಕರುಕನ್ ಓರ್ ಮಾ ಉಜ್ ಸೋಸ್ ಕರ್ಲೆನ್ ಮ ಹನು ಕರುಚು . 18. ಮಾರ್ ಗಾಡಿ ಕದನ ವೂತ್ತಿ ಮೋತ್ ಗಡಿವೋ ಬಂದನ್ ಉನೆಮಾ ಮಾರ್ ದಣನ್ ಮಾಲ್ ಮತ್ತೇನ್ ಸೇ ಗಲೆನ್ , 19.ಮಾರ್ ಜಿವೆತಿ -ಎ ಜೀವ್ ಘನ್ ವರ್ಸೆಳಗೂ ಘನೂ ಆಸ್ತಿ ತಾರ್ವಾಸ್ ಗೊಳಕರ್ ಮೆಲೂಚು ಆರಂಕರ್ ,ಕಾನ್ ಪಿನ್, ರೂಷಿಪಡ ಕನ್ ಕಿಂಯು ಕನ್ ಕೆಲ್ದೂ. ^{20 21} 20.ಪಾಣ್ ದೇವ್ ಓನ್ -ವೆಂದೋ ತು, ಆಜ್ರಾತ್ ತಾರ್ ದಂ ಚೋದೇನ್ ತಾತಿ ಪುಚತೋ;ಜನ ತು ಕಮಯೋ ಜಕೋ ಆಸ್ತಿ ಕೇರ್ ವೆಜ ಕನ್ ಓನಕೋ . 21.ದೇವೆರ್ ಮುಂದಾಗ್ ಸವುಕರ್ ವೆನ್ ಓರ್ ವಾಸ್ ದನ್ ಕಾಮಾಲೆವಾಲೋ ಎರ್ ನೈ ರಚ್ ಕನ್ ಕೋ. ^{22 23} 22.ಜನಾ ಓ ಓರ್ ಚೆಳತಿ ಹನುಕೊ ತಮ್ ಕಂಯಿ ಖಮಕೋ ಕೀನ್ ತಮಾರ್ ಜೀವ್ದಾವಾಸ್ ,ಕಾಂಯಿ ಪೇರ ಕೋ ಕನ್ ತಮಾರ್ ಜನೆವಾಸ್ ಹಾಯಿ ಮತ್ಕರೋ . 23.ಖನೋತಿನ್ ಜೀವನ್; ಲತ್ತತಿನಿ ಜೀವದಾ ಶೆರ್ಸ್ತ ಛ. ^{24 25 26} 24.ಕಾಗ್ಲಾನ್ ಸೋಸ್ ಕರನ್ ದೇಕೋ; ಬೋಯೇನಿನ್ ಕತಿನಿ ಉಂದಿನ ಕನಗಿಚೆನಿ ಆಟೋಯಿ ದೇವ್ ಉನೀನಿ ಪಲ್ರೋಚ ಪಂಕೆಗುತಿನಿ ತಮ್ ಕತ್ರಯಿಕೋ ಶೆರ್ಸ್ತ ಚೋ. 25.ಉಜ್ಜಿ ಹಯಿಕರನ್ತ್ಮೆಮಾ ಕುನ್ ಏಕ್ ಹಾತ್ ಜಾದ ವದ ಸಕಚ. 26.ಜೀರ್ವಾಸ್ ಸೇತಿ ನನ್ಕಯ ಕಾಂ ತಮಾರ್ ನವಂಗವಾತೋ ತಮ್ ಅಸಕರೀಜೆ ಲರೆರವಾಸ ಹಾಯಿ ಕಸೇನ್ ಕರನು? ^{27 28} 27.ಪುಲ್ ಕಿಂ ವದಚ್ಕೋ ನಂಜರೆತಿ ದೇಕೋ ;ವೋ ಕಾಮಯೇನಿ;ಓ ವನೆಣಿ;ಹನುವತೊಯಿ ಓರ್ ಸೇ ಮಹಿಮತಿ ರಾಜಕೋ ಸೊಲೊಮನ್ ಸದಾ ಯಿನೆಮಾ ಎಕೆರ್ ನೈ ಸದಾ ಸಗರ್ಲಿದೆಕೊನಿ ಕೇನ್ ತಮೆನ್ ಕೆರೋಚು. 28.ಏ ,ಕ೦ಮ್ ವಿಸ್ವಾಸ್ಮೆವಾಳ್ ಆಜ್ ಖೆತೆಮಾ ರೇನ್ ಸವಾರ್ ಚುಲೇಮಾ ಘಾಳಜಕೋ ಝೂಡಿರ್ ಖಾಡೆನಾ ದೇವ್ ಸನ್ಗರ್ಕರತೋ ತಮೇನ ಕತ್ರಾಯಿಕೋ ಸಣ್ಗ್ರಚ ಕೊನಿಕ. ^{29 30} 29.ಕಾಂಯಿ ಖಾಮಕೊ ಕಾಂಯಿ ಪಿಮಾಕೋಕನ್ ಹಾಯಿ ಮತ್ ಕರೋ. 30.ಜಗೆರ್ ಆದ್ಮಿ ಏ ಸೇನ್ ಧೋ೦ದೋ ಎ ತಮೆನ ಚಾವನು ಕನ್ ತಮಾರ್ ಬಾಪೇನ ಮಾಲಾಮ್. ^{31 32} 31.ನಾನ್ ಕ್ಯಾಮಳವೋ ಚಮ್ ಕೋಮತ್ ತಮೆನ ಈರಾಜ್ ದೇನ ತಮೆರ್ ಬಾಪೆನ ಖಾತಾರ್ ಚ . 32.ತಮ್ ತೋ ಓರ್ ರಾಜೇನ್ ದೋ೦ಡೂ; ಓತಿ ಈಸೆ ತಮೆನ ದಚ. ^{33 34} 33.ತಮೆನ ಚಜೆನ ವೇಚನ ಭಿಕ್ ಮಾಂಗಜೇನ್ ದೋ. ಜೂನೋ ವೇನಿಜಕೋ ಪೀಸಾರ್ ಕೋತಲಿನನ್ ಕಾಂ ವೀನಿಜಕೋ ಧಾನ್ನೇನ ಸ್ವಗ್ರೆಮಾ ತಮಾವಾಸ್ ಕಮಾಲೋ ;ವತ್ತ ಚೋರ್ಯ ಆಯೇನಿ ವದೋಯಿ ಖಾಯೇನಿ. 34.ತಮಾರ್ ಧನೆರ್ಪ್ಟ ಕತ್ತರಚ್ಕೊ ಓತ್ತಜ್ ತಮಾರ್ ದಲ್ ರಚ. ಚೇಲ ಜತ್ತನೆತಿರೇನ್ ಯೇಸು ದೀ ಸಾಟುವಾನ್ ಕೆರೋ ^{35 36} 35.ತಮಾರ್ ಕಡ್ ಬಾಂದ್ಲೇನ್ ರೋ ತಮಾರ್ ದಿಯೋ ಸಲಗತೊ ರೇದ್. 36.ಉನೇರ್ ಪ್ರಭು ಟೆಳೀತಿ ಆನ್ ದರ್ವಾಜಾ ಮಾರಟೆಖಂ ಓನ ಡರ್ವಜ ಕಾದೇನ್ ಉ ಕನ್ನ ಆವಾಚ್ಕೋ ಕನ ಓರ್ವಾಸ್ ದೇಕೆವಾಳೆರ್ ನೈ ರೋ. ^{37 38} 37.ಪ್ರಭು ಆನ್ ಕುನೋಸ್ಬಾಂಯಾ ಜಗನ್ ರಾಜೇನ ಉ ಡೆಕಚ್ಕೋ ಉ ಬಾಂಯಾ ಜಾಗನ್ ರಾಜೇನ ಖನೋ ಖಯಾನ್ ಭೆಸಾ ರನ್ ಉಜ ಆನ್ ಉನೀನ ಖಾನೋ ಘಾಲಾಚಕೀನ್ ತಮೀನ್ ಸಾಸಿಜ ಕೇರೋಚು. 38.ಉಜ್ಜಿ ಉ ದಿಮೋ ಘದಿಮಾ ರೆದ, ಟಿನ್ಮೋ ಘಡಿಮಾ ರೆದ ಅವತೋ ಕುನ್ಸೆ ಬಾಂಯಾ ಜಾಗನ್ರಾಜೇನ್ ವಲಕಲಚಕೋ ಉ ಬಾಂಯಾ ನಸಿಬ್ದಾರ್. ^{39 40} 39.ಚೋರ್ ಕುನಸ್ ಘಡಿಮಾ ಅವಚಕೋ ಘರೆರ್ ಮಾಲಿಕೀನ್ ಮಾಲಮ್ ವತ್ತೋ ಉ ಜಾಗನ್ ರೇನ್ ಓರ್ ಕಾಂಯಿ ಚೋರೀಕರದಎನಿ ಕನ್ ಮಾಲಾಮ್ ಕರ್ಲೋ. 40.ತಮ್ ಕೇಲೋನಿಜೆ ಘಡಿಮಾ ಮನಕ್ಯಾರ್ ಭೇಟಾ ಆವಚ ಜೇರ್ವಾಸ್ ತಮ್ ಸದಾ ತಯ್ಯಾರ್ ರೋ ಕನ್ ಕೋ. ^{41 42 43 44} 41.ಪೆತ್ರು-ಪ್ರಭು ಎ ಸಾಟುವಾ ಹನುನಜ ಕೇರೋಚಿಕ್ ಸೇನ್ ಕೆರೋಚಿ ಕನ್ ಓನ್ ಪುಚೋಜನ, 42. ಪ್ರಭು ಹನುಕೋ -ವಗತೆಮಾ ಹರಏಕ್ ಆಡ್ಮಿನ್ ಕೊರಕಿ ಘಲೇನ್ ಮಾಲಿಕ್ ಓರ್ ಘರುವ;ಲೆಪರ್ ನೇಮ್ಕರ್ಜಕೋ ವಿಶ್ಹ್ವಸ್ಮೆವಲೋನ್ ಅಕ್ಕಲ್ಚಜಕೋ ಘರ್ ಕಮೆರ್ಪೋ ಕುನ್ ? 43. ಪ್ರಭು ಆನ್ ಉ ಹನು ಕರಜೆನ್ ವಲಕಲ್ಚಕೋ ಉ ಚಂನಸಿಬ್ದಾರ್ ; 44.ಉ ಓರ್ ಚಜೆ ಸೇ ಉಂಪರ್ ಒನ್ ರಕದಜ ಕೇನ್ ಟೇಮ್ನ್ ಸಸಿಜ್ ಕೆರೂಛು. ^{45 46} 45.ಪಾನ್ ಉ ಭಂಯಾ -ಮಾರ್ ಮಾಲಿಕ್ ಆಯೇನ್ ಥಾಟ ಕರರೋಜ ಕೆನ್ ಓರ್ ದಲ್ಲೆಮಾ ಕೆಲೆನ್ ಭಯವುನ ಭಾನ್ದಿಉನ ಮಾರನ್ ಕಾನ್ ,ಪಿನ್ ಮಿಸತಿ ವೆನ್ರ್ಕ್ತೋ, 46.ಉ ಕೆಲೆನಿಜೆ ದಾದುಮಾ ಮಾಲಂ ನಿರಜೆ ಘಡಿಮಾ ಉ ಚಂಯಾದ್ ಮಾಲಿಕ್ ಆನ್ ಉ ಸಸ್ಪನೆರೋ ಚೆನಿಜೆತಿ ಓನ್ ಹನುನೆರ ಕರಾಜ. ^{47 48} 47.ಓರ್ ಮಲಿಕೆರ್ ದಲ್ ಮಾಲಂ ರಕ್ತೊಯಿ ಓರ್ ಕತೆರೆರ್ ನೈ ನಕರಾಜು ರಜೆ ಭಂಏನ ವರ್ಸೆಕ್ ಚಾಟ್ಪದಚ . 48.ಪಣ್ ,ಮಾಲಂ ನರಾಜು ಚೋತೆನ್ ಚಜಿಜಕೋ ಕಾಂ ಕಿದೊಜೆನ್ ಥೋಡಿ ಚಟ್ಲಗಚ ;ಕೆನ್ ಜಡಾ ದಚಕೋ ಓರ್ ಡಂಯಿತಿ ಜಡಾ ಮಗಚ.ಆದಮಿ ಕೆನ್ ಜಾದಾ ದಚಕೋ ಓರ್ ಡಂಯಿತಿ ಜಾದಾ ಮಗಚ ^{49 50} 49.ಪಣ್ ಮ ಲೆನುಜಕೋ ಬಾಪ್ತಿಸಂ ಏಕ್ ಛ ;ಉ ವಜೆಲಗು ಮ ಕತ್ರಾಯಿಕೋ ಬಾವೇಟಿಮಾ ಛೂ. 50.ಧರ್ ತಿರ್ ಉಪ್ಪರ್ ಅಂಗಾರ್ ಘಲೇನ ಮ ಆಯೋ ಉ ಎರ್ ಅಂಗಜ್ ಸೋಳಗನ್ ಬಳ್ಣೂ ಕನ್ ಕತ್ರಾಯಿಕೋ ಆಸಾ ಕರೂಚು ^{51 52 53} 51.ಮ ಧರೂರ್ ಉಮ್ಪರ್ ಶಾಂತಿ ಕರೇನ್ ಆಯೋಕನ್ ತಮ್ ಕೆಲೇರೆಚೋ ಕಾಂಯಿ ;ಕೋನಿ ಚೆಟಿ ಕರೇನ ಆಯೋಕನ್ ತಮೆನ್ ಕೆರೋಚು . 52.ಅಬ್ಬೆತಿ ಏಕ್ ಘರೇಮಾ ಪಾಂಚ್ ಆದ್ಮಿ ಜೊಯಿವೆನ್ ದೀಯೇನ್ ದುಸ್ಮನ್ ವೇನ್ ತೀನ್ ,ತಿನೇನ್ ದುಸ್ಮನ್ ವೇನ್ ದೀ ರಚ . 53.ಬಾಪ್ ಬೇಟಾನ್,ಬೇಟಾ ಬಾಪೇನಾ ಮಾ ಬೇಟಿನ್ ,ಬೇಟಿ ಮಾಯೇನ್ ಸಾಸು ಬೋಡಿನ್ ,ಬೋಡಿ ಸಾಸುನ ದುಸ್ ಮಣ್ ವೆನ್ ರಚಕನ್ ಕೊ ^{54 55 56} 54.ಉಜ್ಜಿ ಉ ಉನೇನ್ ದೇಕನ್-ಉಂಚಾಲ್ ವಾದಳ್ ನಿಕಳಜೇನ್ ತಮ ದೇಕೊಜನಾ ಪಾಣಿ ಆವಚಕನ್ ಕೋಚೋ ಓರ್ ನೈಜ್ ವಚ್ಚ . 55.ದಕ್ಷಣಮೇರ್ ವಾಳ್ ಮಾರಜೆನ್ ತಮ್ ದೇಕೊಜನಾ ಝಾಳೆರ್ ವಾಳ್ ಮಾರಿಚ ಕೇನ ಕೊಚೋ ಓರ್ ನೈ ವಚ್ಚ . 56.ತಮೆನ ಧರ್ತಿಆಸ್ಮಾನೆರ್ ರೂಪ್ ವಳಕೆರೋ ತಮೇನ ಕಸ್ಸೇನ ಮಾಲಂ ಚೇನಿ ? ^{57 58 59} 57.ಕುಣ್ಸೋ ಧರನ್ಕೋ ತಮಾರ್ ತಮ್ ನೇವ್ ಕಸ್ಸೇನ್ ಕರೋನಿ . 58.ತುವಾಡಿ ಕರೆವಾಲೆತಿ ಸದಾ ಹಕಂದಾರ್ ಕನ್ ತು ಜಾರೋಜನಾ ಓರ್ ಹಾತೆ ಮಾಯಿತಿ ಚೋದಾಲೆನ್ ವಾತೆಪರಜ್ ಕೊಷಿಸ್ ಕರ್ ನತ್ತೋ ಉ ಎಕ್ ವಗತ್ ತೋನ್ ನೆವ್ಕೆರೆವಾಲೆಕನ್ ಕ್ಹೆಂಚ್ ಲೆಜಾವಚ :ನೇವ್ ಕರೆವಾಲೋ ತೋನ್ ಸಿಪಾಯಿನ್ ಹಾವಾಲ್ ಕರ್ದಚ ಸಿಪಾಯಿ ತೊನ ಖೈದೆಮಾ ಘಾಳಚ. 59.ತು ಏಕ್ಪಿಸಾ ಸದಾ ಬದಾಲೆಸ್ನಿಜು ಬಾರ್ ಆಯೆಸನಿ ಕನ್ ತೊನ್ ಕೆರೂಚುಕನ್ ಕೊ.