¹ 1. ಉ ಎಕ್ ಜಾಗ್ ಅರಜ್ ಕಿದೊ ಜೇರ್ ಪಚ್ಹ ಓರ್ ಚೇಲಾಮಾ ಎಕ್ ಪ್ರಭೂ ಯೋಹಾನ ಓರ್ ಚೇಲಾನ್ ಸಿಕಾಯೊಜು, ಹಮೇನ ಸದಾ ಅರಜ್ ಕರೇರೋ ಸಿಕಾಕನ್ ಓನ್ ಪೂಚೆ. ² 2. ಜೇರ್ ವಾಸ್ ಉ_ ತಮ್ ಅರಜ್ ಕರೋಜನಾ _ ಬಾಪೂ , ತಾರ್ ನಾಮ್ ಪವಿತ್ತರ ವೆದ, ತಾರ್ ರಾಜ್ ಆಯೇದ. ^{3 4} 3. ಹಮೇನ ಚಾವಜಕೋ ದಾಡಿರ್ ಖೊರಾಕಿದಾಡಿ ಹಮೇನ್ ದ 4. ಹಮ್ ಹಮೇನ್ ಬಾಕಿಚಜೆ ಆದ್ಮಿನ್ ಮಾಪ್ ಕರ್ ರೇಚ, ಜೇರ್ ವಾಸ್ ಹಮಾರ್ ಪಾಪೆನ್ ಮಾಪ್ ಕರ್, ಹಮೇನ್ ಕಟಿನ ಶೋದನೇಮಾಮತ್ ಘಾಲ್ ಕನ್ ಕೋ ಕನ್ ಉನೇನ ಕೋ. ^{5 6 7 8} 5. ಉಜ್ಜಿ ಉ ಉನೇನ್ ಹನೂಕೋ_ ತಮಾಮಾ ಕೇರಿ ತೊಯಿ ಎಕ್ ದೋಸ್ತರತ್ತೋ ಉ ಆಜ್ ರಾತೇರ್ ವಗತ ದೋಸ್ತ್ ಕನ್ ಜಾನ್_ಎ ದೋಸ್ತ್, ಮನ್ನ ತೀನ್ , ಬಾಟಿಬದಲ್ ದ. 6. ಮಾರ್ ದೊಸ್ತ ವಾಟ್ ಜಾತೋ ಮಾರ್ ಡಾಮ್ಯಿ ಕಾಂಯಿ ಚೇನಿಕನ್ ಓನ ಕೊ. 7. ಉ ಮಾಯಿಜ್ ರೇನ್ _ ಮನ್ನ ಕಟಾಳೋಮತ್ ಖೋರಾ . ದರ್ವಾಜಾ ಘಲಿ ಘುಲಿಚ. ಮಾರ್ ನಾನ್ ಕ್ಯಾ ಚಚ್ಯಾಬರ್ ಮಾರ್ ಸಾತ್ ಸುತೇಚ, ಮ ಉಟನ್ ದೊನಿಕನ್ ಕಚ್ ಕಾಂಯಿ? 8. ದೋಸ್ತ್ ಕನ್ ಉಟನ್ ನ ದತ್ತೋ ಉ ಸರಮ್ ನರಜು ಘಡಿ ಘಡಿ ಪೂಚಾ ಜೇರ್ ವಾಸ್ ಉಟನ್ ಓನ್ ಚಾವಜಕೋ ದಚ್ ಕೇನ್ ತಮೇತಿ ಕೇರೊಂಚು. ^{9 10} 9.ಹನುಜ್ ತಮ್ ಸದಾ ಪೂಚೋ ತಮೇನ್ ದಚ್ಹ: ದುಂದೋ ತಮೇನ್ ಲಾಭಚ್ ; ದಾರ್ವಾಜಾ ಮಾರೋ ತಮಾರ್ ವಾಸ್ ಕಾಡಚ. 10. ಪೂಚವೇ ಆದ್ಮಿನ್ ದಜ ದೊಂಡಜೇನ್ ಲಾಭಚಾ, ದರ್ವಾಜಾ ಮಾರಜೇನ್ ಕಾಡಚ್ ಕೇನ್ ತಮೇನ ಕೆರೋಚು. ^{11 12 13} 11. ತಮೇಮಾ ಎಕ್ ಬೇಟಾ ಓರ್ ಬಾಪೇನ್ ಮಾಚಳಿ ಮಾಂಗತೋ ಓನ್ ಸಾಪೇನ್ ದಿಯೇಕ? 12. ದಕತ್ತೋ ಮಿಂಚು ದಚ್ ಕಾಂಯಿ? ತಮ್ ಬಲ್ಲವೇನ್ ರೋತೋಯಿ ಸದಾ ತಮಾರ್ ಚಚ್ಯಾಬರೇನ್ ಆಚೋ ಚಿಜ್ದೇರ್ ಮಾಲ ಮ್ ಛತೋ, 13.ಸ್ವರ್ಗೆಲೋಕೆಮಾ ಛಜಕೋ ತಮಾರ್ ಬಾಪ್ ಓನ್ ಪೂಚಚೇನ್ ಪವಿತ್ತರ್ ಆತ್ಮನ್ ಸಾಸಿಜ್ ದಚ್ಹ ಕನ್ ಕೋ. ಯೇಸುನ್ ಬೆಲ್ಜೆಬೂಲ ^{14 15} 14. ಏಕ್ ಹಪ್ತಾ ಉ ಗೊಂಗೋಭೂತ್ ಭಾಡ್ಕಾರೋ , ಉ ಭೂತ್ ಜೋಡ್ ದೇನ್ ಡಗರ್ ಗಿ ಜೇರ್ ಪಚ್ಹ ಗೊಂಗೋ ವಾತೆ ಕೀದೋ ಜೇನ್ ಮಾಳಾಮೋ ವಿಚಿತ್ತರ್ ಪಡೆ; 15. ಪಣ್ ಉನೇಮಾ ಥೋಡಾಸೇಕ್_ ಈ ಭೂತೇರ್ ಹಕಮ್ ದಾರ್ ಚಜಕೋ ಬೆಲ್ಜೆಬೂಲೆರ್ ಜೋರೆತಿ ಭೂತೇನ್ ಚೋಡಾರೋಚ್ ಕನ್ ಕೇಲಿದೇ. ^{16 17} 16. ಉಜ್ಜಿ ಥೋಡಾಸೇಕ್ ಓರ್ ಪರಿಚೋಕರೇನ ದೇಕತೆ ಸ್ವರ್ಗಲೋಕೇತಿ ಏಕ್ ವಿಚಿತ್ತರ್ ಕಾಮ್ ದಕಾಳ್ ಕನ್ ಓನ್ ಪೂಚೇ. 17. ಉ ಉನೇರ್ ದಲ್ ಮಾಲಮ್ ಕರ್ ಲೇನ್ ಉನೇನ್ ಹನುಕೋ_ ಕುಣ್ಸಿ ದೇಶ್ ವತೋಯಿ ನಾಳಿವನ್ ಎಕೆತಿ ಏಕ್ ಲಡಾಯಿ ಮಾರತೋ ಉ ಘಣ್ ರೇನಿ ಓರ್ ಉಜ್ ಖಿಲಾಪ್ ವೆನ್ ನಾಳಿ ವೇಜಾಜಕೋ ಘರ್ ನಾಶ ವೇಜಾವಚ. ^{18 19 20} 18. ಸಾತಾನ್ ಸದಾ ಓರ್ ಖಿಲಾಪ್ ವೆನ್ ಉಜ್ ನಾಳಿವತ್ತೋ ಓರ್ ರಾಜ್ ಕು ಥಮಚ? ಮ ಬೆಲಗಬೂಲೇತಿ ಭೂತೇನ ಭಡ್ಕಾರೋಚು ಕಾಂಯಿ ಹನುವತೋ, 19. ದೇಕೋ; ಸಾಪೇನ್ ವಿಂಚೂನನ್ ದುಸ್ ಮನೇರ್ ಜೋರೆನ್ ಓನ್ ಖುಂದೆನ್ ತಮೆನ್ ಹಕಮ್ ದಿನೋಚು ಕುಣ್ಸಿ ತಮೇನ್ ಕಾಂಯಿಜ್ ಭುಂದೋ ಕರೇನಿ . 20. ಪಣ್ ಭೂತ್ ಹಮಾರ್ ವಾತ್ ಮಾನಚ ಕನ್ ಖುಷಿ ನಪಡೋಜು ಹಮಾರ್ ನಾಮ್ ಸ್ವರ್ಗೆಮಾ ಲಕಾನ್ ಛಕನ್ ಖುಷಿಪಡೋ ಕನ್ ಉನೇನ್ ಕೋ. ^{21 22 23} 21. ಉ ಘಡಿಮಾಚ್ ಉ ಪವಿತ್ತರ್ ಆತ್ಮಾಮ ಕುಷಿಪಾನ _ ಬಾಪೂ , ಆಸ್ಮಾನೆನ ಜಗತ್ತಿನ ಪ್ರಭೂ; ತು ಗೆನಿನನ್ ಅಕಲೇವಾಳೆನನ್ ಈ ವಾತೇನ ಗೋಕನ್ ಬಾಳಕೇನ್ ಮಾಲಮ್ ಕಿದೋಕನ್ ತೋನ ದೊಕದೆರೋಚು ಹಾವ್, ಬಾಪೂ , ಹನುಕರೇರೋ ತಾರ್ ದಲ್ಲೇನ್ ಆಚೋ ದಕಾಯಿಜೆತಿ ತೊನ ಸ್ತೂತಿಕರೋಚು. 22. ಸೋಳಿ ಮಾರ್ ಬಾಪೇತಿ ಮನ್ನ ಹವಾಲ್ ವೇನ ಚ: ಬಾಪ್ ಸದಾ ದುಸರ್ ಕೋಯಿತೋಯಿ ಬೇಟಾನ್ ಅಸ್ಸೋಕನ್ ವಳಕೇನಿ , ಬೇಟಾಯಿ ಬೇಟಾಕೇನ ಓನ ಮಾಲಂಕರೇನ್ ಖಾತರ್ ಚಕೋ ಓರ್ ಸವಾ ದುಸರೇ ಕೋಯಿತೋಯಿ ಬಾಪು ಅಸ್ಸೋಜ್ಕನ್ ವಳಕ್ಲೆರ್ವೆನಿ . 23. ಜನಾ ಉ ಓರ್ ಚೇಲಾವುರ್ ಸಾಮ್ ಫರನ್ _ ತಮ್ ದೇಕರೇಜೇ ಖಬರೆನ ದಿಟಿಜಕೋ ನಸಿಬ್ದಾರ್. ^{24 25 26} 24. ಫಣ್ ಭಕ್ತಿದಾರನ್ ರಾಜ್ ತಮ್ ದೇಕ್ರೆಜೆನನ್ ತಮ್ ಸಾಮಳ್ರೆಜೇನ್ ಸಾಮಳೆನ ಆಸಾಕರನ್ ದೇಕೆನಿಜು ಸಾಮ್ ಳೆನಿಜು ಡಗರ್ಗೆಚಕನ್ ತಮೇನ ಕೇರೋಚುಕನ್ ಕೋ. ಆಚೋ ಸಮರ್ಯವಾಳೋ 25. ಇದೇಕ್, ಏಕ್ ಹಪ್ತಾ ಶಾಸ್ತ್ರೀಯೂಮ ಏಕ್ಲೋ ಉಟನ್ ಬೋಧಾಕರೇವಾಳೋ ಶಾಶ್ವತ್ ಜೀವನೇನ್ ಹಕ್ ದಾರ್ ವೇನ್ ಮ ಕಾಂಯಿ ಕರಣೂ ; ಕನ್ ಓರ್ ಪರಿಚೋಕರೇನ್ ದೇಕೆನ ಪೂಚೊಜನಾ, 26. ಉ_ ಧರಮೇಶಾಸ್ತ್ರಮಾ ಕಾಯಿ ಲಕಮೆಲಚ್ ? ತು ಕಾಯಿ ವಾಂಚೋಚಿಕನ್ ಓನ್ ಪೂಚ್ ತೆಖಂ ^{27 28} 27. ಉ ತಾರ್ ದೇವ್ ಚಜಕೋ ಪ್ರಭುನ್ ತಾರ್ ಪೂರೋ ದಲ್ಲೇತಿ ತಾರ್ ಪುರೋ ಮನ್ನೇತಿ ಅಕ್ಕಲೆತಿ ಪ್ರೇಮ್ ಕರಣೂ ; ಕನ್ ತಾರ್ ಬಗಲ್ ಛಜೇನ ಕರಣೂಕನ್ ಲಕಮೆಲೆಚಕನ್ ಕೋ. 28. ಜನಾ ಉ_ ತು ಸಮೋರಜ್ ಜವಾಬ್ ದಿನೋ ; ತು ಹನೂಕರ್ ಜನಾ ಬಂಚೇಸ್ ಕನ್ ಕೋ. ^{29 30} 29. ಫಣ್ ಓನ್ ನಿಯತೇದಾರ್ ಕನ್ ದಲೆರೋವೇನ್ ಯೇಸುನ್ ಮಾರ್ ಬಗಲೆವಾಳೋ ಕುಣ್? ಕನ್ ಪುಚೋ. 30. ಜೇರ್ ವಾಸ್ ಯೇಸು ಹನೂಕೋ _ ಏಕ್ ಆದ್ಮಿ ಯೆರುಷಲೇಮೇತಿ ಯೇರಿಕೋ ಷೆರೇನ್ ಉತರನ್ ಜಾವತೋ ಜೋರೇರ್ ಹಾತೇಮಾ ಹತಾಗೋ ; ಓ ಓರ್ ಲತ್ತಾ ಕೋಸ್ ಲೇನ್ ಓನ್ ಮಾರನ್ ದರ್ಶೆಕ್ ದಮ್ಮೆತಿ ಜೋಡ್ ದೆನ್ ಡಗರಗೆ. ³¹ 31. ಜನಾ ಎಕ್ ಯಾಜಕ್ ಜಾತೋ, ಉ ಓನ್ ದೇಕನ್ಬಗಲೇನ್ ಡಗರಗೋ. ³² 32 . ಹನುಜ್ ಲೆವಿಯೂಮ ಏಕ್ ಓ ಜಾಗೆನ ಆನ್ ದೇಕನ್ ಬಗಲೇನ್ ಡಗರಗೋ . ^{33 34 35 36} 33. ಪಣ್ ಎಕ್ ಸಮರಿಯಾವಾಳೋಉ ವಾಟ್ ಜಾತೋ ಉ ಪಡೋಜೆ ಜಾಗೇನ ಆನ್ ಓನ್ ದೇಕನ್, 34. ಓರ್ ಉಂಪರ್ ದಯಾಕರನ್ ಜಾನ್ ತೇಲನ್ ಅಂಗೂರೇರ್ ರಸ್ ರೇಡನ್ ಓರ್ ಘಾವೆನ್ ಭಾಂದನ್ ಓರ್ ಗದ್ದಾರ್ ಉಂಪರ್ ಚಡಾಲೇನ್ ಏಕ್ ಖೋರಾತಿ ಘಾಲೆವಾಳೆರ್ ಘರ್ ಲೇಜಾನ್ ದಯಾತಿ ದಿಟೋ. 35. ಪಚ್ಚೆರ್ ದಾಡ್ ದಿರಪ್ಯ ಕಾಡನ್ ಓ ಛತ್ರಮೆವಾಳೆನ್ ದೇನ್ ಏನ್ ದಯಾತಿ ದೇಕ್; ತು ಉಜ್ಜಿ ಕಾಂಯಿ ಖರ್ಚಸ್ ತೋ ಮ ಫರನ್ ಅಂವುಜನಾ ಓನ್ ಮ ಫೆಡಿಯೂ ಕನ್ ಓನ್ ಕೇನ್ ಡಗರ್ ಗೋ. 36. ಜೇರ್ ವಾಸ್ ಜೋರೇರ್ ಹಾತೇಮಾ ಪಡಾಯೇಜೇನ್ ಎ ತಿನಿಮಾ ಕುಣ್ ಓರ್ ಬಗಲೆವಾಳೋ ವೇಗೋ ಕನ್ ಕೆರೋಚಿಕನ್ ಯೇಸು ಪೂಚತೆಖಂ ಉ ಓರ್ ಉಂಪರ್ ದಯಾ ಕಿದೋಜಕೋ ಕನ್ ಕೋ ^{37 38} 37. ಜೇರ್ ವಾಸ್ ಯೇಸು ತು ಸದಾ ಜಾನ್ ಹನುಕರ್ ಕನ್ ಓನ ಕೋ. ಮಾರ್ತಾ ಮರಿಯಾರ್ ಘರೇಮಾ ಯೇಸು 38. ಅತ್ರಾಮಾ ಓ ವಾಟ್ ಝಲ್ಲೆನ್ ಜಾರೇಜನ್ ಉ ಏಕ್ ಗಾಮೇಮಾಗೋ ಮಾರ್ತಾ ಕನ್ ಕಜಕೋ ಎಕ್ ಬೀರ್ ಓನ ಓರ್ ಘರೇಮಾ ಮಾನ್ಲಿದಿ. ^{39 40 41} 39. ಓನ್ ಮರಿಯಾ ಕಜಕೋ ಏಕ್ ಭೇನ್ ರ; ಈ ಯೇಸುರ್ ಪಗೆ ಕನ್ನ ಬೇಸ'ನ್ ಓರ್ ಭೋದಾ ಸಾಮಳ್ ತೀರ. 40. ಮಾರ್ತಾ ತರಾತರಾರ್ ಕಾಮ್ ಘನೋ ಹಾಯಿಕರನ್ ಓರ್ ಆನ್_ ಫ್ರಭೂ ಮ ಏಕ್ಲಿಜ್ ಕಾಮ್ ಕರೇನ್ ಭೇನ್ ಮನ್ನಾ ಚೋಡನ್ ಆಯಿ ಜೇರ್ವಡಿ ತೋನ ಹಾಯಿ ಛೆನಿಕಾನಿ? ಮನ್ನ ಮದತ್ ಕರೇನ ಓನ್ ಕ ಕೇನ್ ಕೀ. 41. ಜೇರ್ ವಾಸ್ ಫ್ರಭು _ ಮಾರ್ತಾ ಮಾರ್ತಾ ತು ವಾರ್ಸೇಕ್ ಕಾಮರೇಕಾಣ್ ಹಾಯಿಕರನ್ ಘಬ್ರಾರಿಚಿ, ಪಣ್ ಜರೂರ್ಚಜಕೋ ಎಕಜ್. ⁴² 42. ಮರಿಯಾ ಆಚೋ ಚಿಜೇನ ಟಾಳ್ಳಿದಿ, ಉ ಓರ್ ಕಾಡೆರ್ ಬನೆನಿ ಕನ್ ಓನ್ ಕೋ ^{43 44} 43.. ಉಜ್ಜಿ ಉನೆತಿ _ ತಮ್ ಸೆ ಪಿಸಾರ ಆಸವಾಳೆರ್ ವಡಿ ಜತನೆತಿ ರೋ ಕಸ್ಸೇರ್ ಕತೋ ಎಕ್ಕೆನ ಕತ್ರಾಯಿ ದನ್ರತೊಯಿ ಜಿವ್ನೋರೋ ಆದರ್ಕೊನಿ . 44 . ಉಜ್ಜಿ ಈ ಉನೇತಿ ಎ ಸಾಟುವಾನ್ ಕೊ ಏಕ್ ಸಾವುಕಾರೆರ್ ಖೆತಮಾ ಘನೋ ಪಾಚೋ ಜನಾ. ^{45 46} 45..ಉ-ಮಾರ್ ದಾಣಾ ವಾಲೇನಾ ಜಾಗ್ ಪೂರ್ಚೆನಿ ಜೆರ್ವಾಸ್ ಮಾ ಕಾಂಯಿ ಕರುಕನ್ ಓರ್ ಮಾ ಉಜ್ ಸೋಸ್ ಕರ್ಲೆನ್ ಮ ಹನು ಕರುಚು . 46.. ಮಾರ್ ಗಾಡಿ ಕದನ ವೂತ್ತಿ ಮೋತ್ ಗಡಿವೋ ಬಂದನ್ ಉನೆಮಾ ಮಾರ್ ದಣನ್ ಮಾಲ್ ಮತ್ತೇನ್ ಸೇ ಗಲೆನ್ , ^{47 48} 47 .ಮಾರ್ ಜಿವೆತಿ -ಎ ಜೀವ್ ಘನ್ ವರ್ಸೆಳಗೂ ಘನೂ ಆಸ್ತಿ ತಾರ್ವಾಸ್ ಗೊಳಕರ್ ಮೆಲೂಚು ಆರಂಕರ್ ,ಕಾನ್ ಪಿನ್, ರೂಷಿಪಡ ಕನ್ ಕಿಂಯು ಕನ್ ಕೆಲ್ದೂ. 48.ಪಾಣ್ ದೇವ್ ಓನ್ -ವೆಂದೋ ತು, ಆಜ್ರಾತ್ ತಾರ್ ದಂ ಚೋದೇನ್ ತಾತಿ ಪುಚತೋ;ಜನ ತು ಕಮಯೋ ಜಕೋ ಆಸ್ತಿ ಕೇರ್ ವೆಜ ಕನ್ ಓನಕೋ . ^{49 50 51} 49..ದೇವೆರ್ ಮುಂದಾಗ್ ಸವುಕರ್ ವೆನ್ ಓರ್ ವಾಸ್ ದನ್ ಕಾಮಾಲೆವಾಲೋ ಎರ್ ನೈ ರಚ್ ಕನ್ ಕೋ. 50.ಜನಾ ಓ ಓರ್ ಚೆಳತಿ ಹನುಕೊ ತಮ್ ಕಂಯಿ ಖಮಕೋ ಕೀನ್ ತಮಾರ್ ಜೀವ್ದಾವಾಸ್ ,ಕಾಂಯಿ ಪೇರ ಕೋ ಕನ್ ತಮಾರ್ ಜನೆವಾಸ್ ಹಾಯಿ ಮತ್ಕರೋ . 51..ಖನೋತಿನ್ ಜೀವನ್; ಲತ್ತತಿನಿ ಜೀವದಾ ಶೆರ್ಸ್ತ ಛ. ⁵² 52.ಕಾಗ್ಲಾನ್ ಸೋಸ್ ಕರನ್ ದೇಕೋ; ಬೋಯೇನಿನ್ ಕತಿನಿ ಉಂದಿನ ಕನಗಿಚೆನಿ ಆಟೋಯಿ ದೇವ್ ಉನೀನಿ ಪಲ್ರೋಚ ಪಂಕೆಗುತಿನಿ ತಮ್ ಕತ್ರಯಿಕೋ ಶೆರ್ಸ್ತ ಚೋ. ^{53 54} 53.ಉಜ್ಜಿ ಹಯಿಕರನ್ತ್ಮೆಮಾ ಕುನ್ ಏಕ್ ಹಾತ್ ಜಾದ ವದ ಸಕಚ. 54.ಜೀರ್ವಾಸ್ ಸೇತಿ ನನ್ಕಯ ಕಾಂ ತಮಾರ್ ನವಂಗವಾತೋ ತಮ್ ಅಸಕರೀಜೆ ಲರೆರವಾಸ ಹಾಯಿ ಕಸೇನ್ ಕರನು? ಪುಲ್ ಕಿಂ ವದಚ್ಕೋ ನಂಜರೆತಿ ದೇಕೋ ;ವೋ ಕಾಮಯೇನಿ;ಓ ವನೆಣಿ;ಹನುವತೊಯಿ ಓರ್ ಸೇ ಮಹಿಮತಿ ರಾಜಕೋ ಸೊಲೊಮನ್ ಸದಾ ಯಿನೆಮಾ ಎಕೆರ್ ನೈ ಸದಾ ಸಗರ್ಲಿದೆಕೊನಿ ಕೇನ್ ತಮೆನ್ ಕೆರೋಚು. ..