^{1 2 3} 1.ಯೇಸುಜ್ ಕ್ರಿಸ್ತ್ಹೂಕನ್ ಮಾನಜಕೋ ಹಯೆಕ್ ಆದ್ಮಿ ದೇವೆರ್ ಬೇಟಾಜ್ ಬಾಪೆನ್ ಪ್ರೇಮ್ ಕರಜಕೋ ಹಯೆರಕ್ ಅದ್ಮಿ ಓರ್ ಬೆಟಾನ್ ಪ್ರೇಮ್ ಕರಚ. 2.ಅಪಣ್ ದೆವೇನ್ ಪ್ರೇಮ್ ಕರಣ ಓರ್ ಅಜ್ನ್ ನ್ ಮಾ ನ ತೋ . ಓರ್ ಕಾನ್ ಅಪಣ್ ದೇವೇರ್ ಬೆಪಪಾನ್ ಪ್ರೇಮ್ ಕರರೆಚಾ ಕನ್ ಅಪನೇನ್ ಮಾಲಂ. 3.ದೇವೆರ್ ಅಜ್ನ್ಯನ್ ಅಪನ್ ಮಾನರೇಜೇ ಓನ್ ಪ್ರೇಮಾ ಕರ್ರ್ ಓರ್ ಅಜ್ನ್ಯಾವೋ ಭಾರಿಕೊನಿ. ^{4 5} 4.ದೇವೇತಿ ಹುಯೇಜಕೋ ಸೇ ಜಾಗೆನ್ ಜೀತ್ ಮಲೇಚ ಅಪನ್ ವಿಶ್ಸೇತಿ ಜಗನ್ ಜೀತ್ ಮಲೆಚಾ . 5.ಯೇಸುಜ್ ದೇವೆರ್ ಬೆತಾಕನ್ ಮಾನೆವಾಳ್ ಸವಾ ಜಾಗೇ ನ್ ಜೀತೆ ವಾಳ್ ಕುಣ್? ^{6 7 8} 6.ಈ ಕತೋ ಯೇಸು ಕ್ರಿಸ್ತೂ, ಪಾಣಿತಿನ್ ಲೋಯಿತಿನ್ ಸಾಕ್ಯಾಪಾಮಲೋಜಕೋ ಪಾಣಿತಿನ್ ಲೋಯಿತಿನ್ ಲೊಯಿತಿ ಸಾಕ್ಯಾ ಪಾಮಲೊಚ. 7.ವಜ್ಜೀ ಆತ್ಮಾ ಗವಾಯಿ ದೇವಾಳೋ ಛ. ಈ ಆತ್ಮಾ ಸಾಸ್ಪ ನೇ ರೋ ಛ. 8.ಆತ್ಮಾ ಪಾಣಿ ಲೊಯಿ ಕಜಾಕೋ ತಿನ್ ಸಾಕ್ಯಾ ಛ. ಎತಿನಿ ಎ ಕಜ್ ಗವಾಯಿ ದೆವಾಳ್ ಛ ^{9 10} 9.ಅಪನ್ ಮಂಕ್ಯಾರ್ ಗವಾಯಿನ್ ಲೆಮಾಛಾ ಕೊನಿಕ; ದೇವೆರ್ ಗವಾಯಿ ದೇವಾಳ್ ಛ. 10.ದೇವೆರ್ ಬೆಟಾಮಾ ವಿಶ್ವಸ್ ಮೇಲೆವಾಳೋ ಉ ಗವಾಯಿ ಓರೇಮಾಜ್ ರೇನ್ ಛ. ದೆವೇನ್ ಮಾನೆನಿಜಕೋ ಉ ದೆವೇನ್ ಲಬಾರಿರ್ ನ್ಯೆ ಕಿದೊಜಕೋಜ್. ^{11 12} 11.ಉ ಗವಾಯಿ ಕಾಂಯಿಕತೋ ದೇವ್ ಅಪನೆನ್ ಶಶ್ವಿತ ಜೀವ್ ದಿನೊ; ಈ ಜೀವ ಓರ್ಕೊಜ್. 12.ಕುಣ್ ದೇವೆರ್ ಬೆಟಾನ್ ಮಾನ್ ಲೇವಾಳೋ ಚಾಕೊ ಓನ ಉ ಜೀವ್ ಛ; ಕುಣ್ ದೇವೆರ್ ಬೆತಾನ ಮಾನೆನಿಕೋ ಓನ್ ಉ ಜೀವ್ ಛೆನಿ ^{13 14 15} 13.ದೇವರ್ ಬೆಟಾರ್ ನಾಮೇಮಾ ವಿಶ್ವಸ್ ಕಿದೆಜಕೋ ತಮೆಮಾ ಶಾಶ್ವತ್ ಜೀವ್ ಚಜಕೋ ಕನ್ ಮಾಲಂ ಕರೆನುಜು ಮ ಎ ಖಬರೆನ ತಮೆನ್ ಲಕ್ ರೋ ಚು. 14.ಅನ್ ಅಪನ್ ದೇವೆರ್ ಖಾತರೆರ್ ನ್ಯೆ ಕಾಂಯಿ ಪುಚತೊಯಿ ಉ ಅಪನ್ ವಿಂತಿ ನ್ ಸಾಮ್ ತ್ ಓರ್ ಬಾರೇಮಾ ಅಪನೆನ್ ಛ. 15.ಅಪನ್ ಕಾಂಯಿ ಪುಚಾತೋಯಿ ಉ ಅಪನ್ ವಿಂತಿನ್ ಸಾಮಳಚ್ಚನ್ ಮಾಲಂವಾಜನಾ ಓನ್ ನೋರಾಕಿದೇಜಕೋ ಸೇ ಅಪನೆನ್ ಮಳಚ್ಚ ನ್ ಮಾಲಂ. ^{16 17} 16.ಓರ್ ಭಾಯಿ ಮರಣ್ ಲಾಯೇಜಕೋ ಪಾಪ್ ಕಿದೊಜನಾ ಕೊಯಿದೆತೋ ಉ ನೋರಾಕರನ್ ಓನ್ ಪಕದನ್ ದೇವ್ ಮಾರಣ್ ನವಜಾಕೋ ಉ ನೋರಾಕರನ್ ಓನ್ ಪಕಡನ್ ದೇವ್ ಮಾರಣ್ ನವಜಕೋ ಪಾಪ್ ಕಿದೊಜೆನ ಪಕಡನ್ ಜೀವನೋ ದಯಾಕರ್ ಮಾರಣ್ ಚಜಕೋ ಪಾಪ್ ಛ; ಓರ್ ವಾಸ್ ನೋರಾಕರ್ ಣೂಕನ್ ಮ ಕೆರೋಕೋನಿ . 17.ಸೋಳಿ ಖರಾಪ್ ನಿಯತ್ ಪಾಪ್ ಪಣ್ ಮಾರಣ್ ನವಜಕೋ ಪಾಪ್ ಛ; ದೇವರ್ ಕಾಣ್ ^{18 19} 18.ದೆವೆತಿ ಪೇದಾ ವೆಜಕೋ ಕೊಯಿತೋಯಿ ಪಾಪ್ ಕರೆನಿ ಕನ್ ಮಾಲಂ,ದೇವೇತಿ ಹುಯೇಜಕೋ ಓನ್ ಉಜ್ಜತನ್ ಕರಳಚ; ದುಸ್ಮ ಣ್ ಓನ್ ಚಿಪೇನಿ . 19.ಅಪನ್ ದೇವೇತಿ ಹುಯೇಜಕೋ ಕನ್ ಜಗ್ ಸಾರಿ ದುಸ್ಮ್ಸ ನೇರ್ ಹಾತೆಮಾ ಛಕನ್ ಅಪನೆನ ಮಾಲಂ ಛ. ^{20 21} 20.ಅಪನ್ ಸಾಸೋ ಚಜೇನ್ ವಲಕೇನ್ ವಲಕೇನ್ ದೇವೆರ್ ಬೇಟಾ ಆನ್ ಅಪನೆನ ಗೇನ್ ದಿನೋಚ್ ಕನ್ ಮಾಲಂ ಅಪನ್ ದೇವೆರ್ ಬೇಟಾ ಛಜಕೋ ಯೇಸು ಕ್ರಿಸ್ತೂರ್ ವಾಳ್ರೇನ್ ಸತೆದಾರೆಮಾ ಆಯೆಚಾ.ಉ ಸತೆರೋನ್ ನೀತ್ಯಜೀವೆರೊ ವೆನ್ ಛ. 21.ಪ್ರೆಮೆರ್ ಬೆಪ್ಪವೋ , ಮೂರತೇತಿ ಛೆಟಿವೇನ್ ತಮೆನ್ ಜತನ್ ಕರೋಮ್ .