^{1 2 3} 1.ಮಾರ್ ಪ್ರೆಮರ್ ದೋಸ್ತಿಯೋ, ಘನ್ ಲಬಾರಿ ಭಕ್ಥಿದಾರ್ ಅಮೆಜೆರವಾಸ್ ತಮ್ ಹರೆಯಕ ಅತ್ಹ್ಮ್ಯನಮ್ಮನಜು, ಉ ದೇವೆರೊಕೋ ಕೋನಿಕೊ ಪರಿಚೆಕರೋ . 2.ಉ ದೆವೆರೋ ಅತ್ಹ್ಮಕನ್ ಮಾಲಾಮ್ ಕರೆರೋ ಕಿಮ್ಕತೋ -ಯೇಸು ಕ್ರಿಸ್ತು ನರವೆನ ಅಯೆಕನ ಕುನಿಸೆ ಆತ್ಮ ಒಪಳಚಕೋ, ಉ ಅತ್ಮ ದೇವೇತಿ ಆಯೋಜಕೋ. 3. ಕುನೋ ಆತ್ಮ ಮಾನೆನಿಕೋ ಉ ಆತ್ಮ ದೆವೆರೋ ಕೋನಿ; ಎರಾಕ್ಕನ್ ಉ ಆತ್ಮ ಅವಚ ಕನ್ ತಮೆನ್ ಮಾಲಂ ; ಉ ಕ್ರಿಸ್ಥುರ= ವಿರೋದ್ ಆತ್ಮ ಛ . ಉ ಆತ್ಮ ಏರ್ ಅಂಗಜ್ ಜಾಗೇ ಮಾ ಛ. ^{4 5 6} 4.ಪ್ರೆಮೆರ್ ಛಚ್ಯಾಬ ರೋ. ತಮ್ ದೆವೆವೇತಿ ಹುಯೆಜಾಕೊಚೋ ; ತಮಮಾ ಛಜಕೊ ಜಾಗೆಮಾ ಛಜೇತಿ ಮೆಲೆಚೊ. 5.ಓ ಜಾಗೇತಿ ಹುಯೇಜಾಕೊಛ; ಜೇರವಾಸ್ ಓ ಜಾಗೆವಾಳುರ್ ನ್ಯೆ ವಾತೆಕರ ಛ, ಜಾಗೇವಾಳ್ ಉನೇರ ವಾತೇ ಮೇಲೆಚೋ . 6.ಅಪನ್ ದೇವೇತಿ ಹುಮೇಲೆಜಾಕೊ ಛಾ; ದೇವೇ ನ್ ವಲಕಜಕೋ ಅಪನೆರ್ ಮಾನೇ ನಿ .ಎರ್ ಕಾಣಿ ಸತೆರ್ ಆತ್ಮಾ ಕುಣೋ ,ಡೋಕೋ ಕರಜಕೋ ಆತ್ಮ ಕುಣೆಕೋ ಕನ್ ಅಪನ್ ಮಾಲಂ ಕರಾಚಾ. ^{7 8} 7.ಪ್ರೆಮೆರ್, ಅಪನ್ ಏಕೇನ ಏಕ ಪ್ರೇಮ್ ಕರಾ. ಪ್ರೇಮ್ ದೇವೆರ್ ಕಾಣಿವಛ, ಪ್ರೇಮ್ ಕರಾಜಕೋ ಹರೆಯಕ ದೇವೇತಿ ಹುಉನ್ ದೆವೇನ್ ಮಾಲಂ ಕರ್ಮಲೋಚ. 8.ಪ್ರೇಮ ಚೆನಿಜಕೋ ದೆವೇನ್ ವಳಕೇನಿ ; ಕಸೇನಕತೋ ದೇವ್ ಪ್ರೆಮೆರೋ ಛ. ^{9 10} 9.ಅಪಣ್ ಓರ್ ಕನ್ ಜೀವಾಜು ದೇವ್ ಓರ್ ಏಕಾಜ್ ಬೇಟಾನ್ ಜಗೆಮಾಯಿ ಮೇಲೋ ಎರ್ ಕಾಣ್ ದೇವ್ ಅಪನೆಮಾ ರಕೊಡೋ ಜಕೋ ಪ್ರೇಮ ದಕಳೋ . 10..ಅಪನ್ ದೆವೇನ್ ಪ್ರೇಮ್ ಕಿದೇಕನ್ ಕೊನಿಪನ್,ಉಜ್ ಅಪ್ನೆನ ಪ್ರೆಮಾಕರನ ಅಪನ್ ಪಾಪ್ ಮಾಪ್ ಕರೋಕನ್ ಓರ್ ಬೆಟಾನ್ ಮೆಲೊಜೆಮಾಜ್ ಪ್ರೇಮೆರೋ ಸಾಸೋ ಗುನ್ ದಕಾವಚ್. ^{11 12 13 14} 11.ಪ್ರೆಮೆರ್, ದೇವ್ ಅಪ್ನೆನ ಹನೂ ಪ್ರೇಮಾ ಕಿದೊಜೇರ್ ಪಚ್ಚ ಅಪನ್ ಎಕೆನ್ ಎಕ್ ಪ್ರೇಮಾ ಕಾರಣು ಛ. 12.ದೆವೇನ ಕೋಯಿ ಕನ್ನಾಯಿ ದಿಟೇಕೋನಿ, ಅಪನ್ ಏಕೆನ್ ಎಕ್ ಪ್ರೇಮ್ ಕರತೋ ದೇವ ಅಪನೆಮಾರಛ. 13.ಎರಾಕಾಣಿ ಅಪಣ್ ಓರೆಮಾ ಛಕನ್ ಉ ಅಪನೆಮಾ ಛಕನ್ ಅಪನ್ ವಲಕಾಛ, ಕಸೇನ್ ಕತೋ ಉ ಓರ್ ಆತ್ಮಮಾ ಹಂಸೋ ದಿನೋಛ . 14.ಉಜ್ಜಿ ಬಾಪ್ ಓರ್ ಭೇಟಾನ ಜಗೇರ್ ರಾಕ್ ವಾ ಳೆರ್ ನ್ಯೆ ರೇನ್ ಮೇಲೋಜೇನ್ ಹಮ್ದೇಕನ್ ಓರ್ ಬಾರೇಮಾ ಗವಾಯಿ ಕೆರೆಛೆ . ^{15 16} 15.ಯೇಸು ದೇವರ್ ಬೇಟಾಕನ್ ಕುಣ್ ಮಾನಲಚ್ಕೋ ಓಮಾ ದೇವಛೆ ಉ ದೆವೆಮಾ ರಛೆ. 16.ದೇವ್ ಅಪನೇಮಾ ಮೇಲಾಮಾಕೋ ಪ್ರೆಮೆನ್ ಅಪಣ್ ವಲಕನ್ ಓನ್ ಮಾನ್ಮಲೆಚಾ. ದೇವ್ ಪ್ರೆಮೆವಾಳೋ . ಪ್ರೆಮೆಮಾ ರಾಜಕೋ ದೆವೆಮಾ ರಛೆ. ದೇವ್ ಓರ್ ಮಾಯಿರ ಚ್ಚ . ^{17 18} 17.ನೇವೇರ್ ಡಾಡುಮಾ ಅಪನ್ ಹಿಮ್ಮತೇತಿ ರಜು ಪ್ರೇಮ್ ಅಪಣೆಮಾ ಭರಪೂರ್ ವೆನ್ ಛ. ಕಸೇನ್ ಕತೋ ಎ ಜಗೆಮಾ ಅಪಣ್ ಜೀವನೋ ಕ್ರಿಸ್ಥುರ್ ಜೀವನೇಸರಿಕ್ ಛ. 18.ಪ್ರೇಮ್ ರಾಜತ್ತ ಧಾರ್ ಛೆನಿ .ಧಾಕ್ ವೇಲಾ ಕರಿತಿರಚ್ಚ್ಚ ; ಪೂರೋ ಪ್ರೇಮಾ ಧರೆನ್ ಬದಾಕ್ಕವಚ್ಹ, ಡರೇವಾಳೋ ಪ್ರೇಮಾಮಾ ಭರ್ ಪೂರೋಕೋನಿ. ^{19 20 21} 19.ದೇವ್ ಅಗಡಿ ಅಪನೇನ್ ಪೇಮ್ ಕಿದೋಜೆತಿ ಅಪನ್ ಓನ್ ಪ್ರೇಮ್ ಕರಾಚಾ. ಕೋಯಿತೋಯಿ ದೇವೇನ್ ಪ್ರೇಮಾ ಕರ್ ರೋಚು ಕನ ಕೇನ .ಒರ ಭಾಯಿ ಬಂದೇನ ದ್ವಾಷ ಕರೆವಾಳೋ ಲಬಾರ್ ಛ. 20.ಉ ದೇಕ್ರೋಜೆ ಓರ್ ಭಾಯಿನ ಬಂದೆನ್ ಪ್ರೇಮಾ ಕರೇ ]ನಿ ಜಕೋ. ಉ ದೇಕೆನಿ ಜೇ ದೆವೇನ್ ಪ್ರೇಮ್ ಕರೆನಿ . 21. ದೆವೇನ್ ಪ್ರೇಮ್ ಕರೇವಾಳೋ. ಓರ್ ಭಾಯಿ ಬಂದೆನ್ ಜರೂರ್ ಪ್ರೇಮಾ ಕರನೋಕನ್ ಕಜಕೋ ಆಜ್ಞ್ಯ ಕ್ರಿಸ್ತ್ಹೂವರ್ಡ್ ತಿ ಅಪನೆನ್ ಥೇಮೆಲೋಛ.