1 ಮಾರ ಪ್ರಮ್ನಾ ಛಿಯ್ಯಾ, ತುಮೆ ಪಾಪ್ ನಾ ಕರ್ನೂಕರಿವ್ನಾ ತುಮ್ನಾ ಲಿಖ್ಖೂಕರೂಸ್. ಕೋಣ್ತೋಬಿ ಪಾಪ್‍ಕರ್ಯೂತೊಬಾಕನ ನಿಯ್ಯಾತ್ವಾಳೊ ಯೇಸುಕ್ರಿಸ್ತುಕರಿ ಮದತ್‍ವಾಳೊ ಅಪ್ಣಾಸ್ಛಾ 2 ಇನೆ ಅಪ್ಣೋ ಪಾಪ್ನಾಖ್ಹರೂ ಫಿಟ್ಟಾಡಿಕರಾನಿವಾಖ್ಹ್‍ತೆ ಬಲಿದಾನ್ ಹುಯ್ಯಿರೋಸ್ ಅಪ್ನೂ ಪಾಪಸ್ ಕಾಹೇತೆ ಅಕ್ಖಾ ಜಗತ್ನೂ ಪಾಪ್ನಾಖ್ಹರೂಬಿ ಫಿಟ್ಟಾಡಿಕರಾಸ್ ಕ್ರಿಸ್ತುನಿ ಹುಕುಂನಾ ಪಾಡಿಲಿಸ್ಛಾಲವಾಳಸ್ ಇನಾ ಮಾಲುಂಕರ್ಯಾಹುಯಾ 3 ಅಪ್ಣೆ ಇನಿ ಹುಕುಂನಾಖ್ಹರೂ ಹಾತ್ಮಾಪಾಡಿಲಿ ಸ್ಛಾಲ್ಯಾತೊ ಇನೆಥೀಸ್ ಇನಾ ಮಾಲುಂ ಕರಿರಾಖ್ಯಾಸ್ಕರಿ ಮಾಲುಂಕರ್ಲಿಯೆಂಸ್ 4 ಇನಾ ಮಾಲುಂಕರೀಖ್ಯಾಸ್ಕರಿ ಮಾಲುಂಕರ್ಲಿಯೆಂಸ್ ಇನಾ ಮಾಲುಂಕರಿರಾಕ್ಯೊಸ್ಕರಿ ಬೋಲಿನ್ ಇನಿ ಹುಕ್ಕುಂನಾ ನಾ ಮಾನಿಲೀನ್ ಸ್ಛಾಲ್ಯಾಸ್ಕಿ ಇನಾಮ 5 ಖ್ಹಜಾಸ್ಕರಿ ದೇವ್ನಾ ಉಪ್ಪರ್ಲಿ ಪ್ರೇಮ್ ಪೂರಹುಯ್ಯಿರೀಸ್. ಅನಾಸ್ಟೇಕೆ ಕ್ರಿಸ್ತುಮಾ ಜಿವಂಕರೂಸ್‍ಕರಿ ಬೋಲಾವಳು ಕ್ರಿಸ್ತು 6 ಸ್ಛಾಯ್ಯೊಇಮ್ಮಾಸ್ ಯೋಬಿ ಸ್ಛಾಲ್ವಾನ ತಯಾರ್ ಹುಯ್ಯಿರಾಸ್ ಇಂಧಾರನ ಮ್ಹೆಲಿನ್ ಉಸ್ಝಾಳಮ ಮಳಾವಳನ ಪ್ರಮ್ನೋ ಮನ್‍ರಃನೂತೆ 7 ಭಂಯೇ, ಮೆ ತುಮ್ನಾ ಲಿಖ್ಕಾನು ನವಿ ಹುಕುಂಕಾಹೆ, ಆಗಳ್‍ಥಿಬಿ ತುಮ್ನಾ ಸ್ಛಾತೆ ಸ್ಝೂನಿ ಹುಕುಂ ಹುಯ್ಯಿರೀಸ್; ಕಿಮ್‍ಕತೊ ಇಂಧಾರೂ ಸ್ಛಲೂಸ್ಝಾಸ್. ಖ್ಹಾಚಿ ಉಸ್ಝಾಳು ಹಂಕೆ ಉಸ್ಝಾಖ್ಹ್ ಹುಂಕರಾಸ್ 8 ತ್ಯೋನ್ಬಿ ಮೆ ತುಮ್ನಾ ಲಿಖ್ಖಾನು ನವಿ ಹುಕಾಮಾಸ್; ಆ ಇನಾಮಾಖ್ ತುಮಾರಮಾಬಿ ಸತ್ಯಹುಯ್ಯಿರೀಸ್; ಕಿಮ್‍ಕತೊ ಇಂಧಾರೂ ಸ್ಛಲೂ ಸ್ಝಾಸ್. ಖ್ಹಾಚಿ ಉಸ್ಝಾಳು ಹಂಕೆ ಉಸ್ಝಾಖ್ಹ್ ಹುಂಕಾರಾಸ್ 9 ಸ್ಝಾಳಮ ಸ್ಛೂಕರಿ ಬೋಲಿಲೀನ್ ಇನಾ ಭಯ್ಯಿನಾ ಇನಾ ಭಯ್ಯಿನಾ ದಾವೊಕರಾವಳು ಹಂಕೆಲಗೂ ಇಂಧಾರಮ ಸ್ಛಾ. 10 ಭಯ್ಯಿನಾ ಪ್ರೇಮ್ ಕರಾವಳು ಉಸ್ಝಾಳಮ ಉಬೂರಾಸ್ ಅಸ್ಜು ಇನಾಮ ಖ್ಹರಾಬ್ ಷಾತಸ್ ಕೊಯ್ನೀ 11 ಭಯ್ಯಿನಾ ದಾವೊಕರಾವಳು ಇಂದಾರಮರಾಃಸ್, ಇಂಧಾರಮ ಸ್ಛಾಲಿಲೇಸ್ ಇಂಧಾರು ಇನಾ ಡೋಳವ್ನಾ ನಾ ದೇಖಾವ್ನೂ ಇಮ್ ಕರಿರಾಖ್ಯೂಸ್ ಇನಾ ವಾಖ್ಹ್‍ತೆ ಯೊ ಕಿಸ್ಝ್‍ಗಾ ಉಳುಸ್ಝಾಸ್ಕಿ ಇನಾ ಮಾಲುಂ ಕೊಹುವಾನಿ ಆ ಕಾಗತ್ ಸಭೆವಾಳನ ಅಖ್ಖಾವ್ನಾಟೇಕೆ ಲಿಳ್ಯೂತೆ ಕಾರಣ್ 12 ಪ್ರೇಮ್ನಾ ಛಿಯ್ಯಾ, ಕ್ರಿಸ್ತುನಾ ನಾಮ್ ಭಣ್ತೂ ತುಮಾರು ಪಾಪ್ ಮಾಡಿ ಹುಯ್ಯಿರೂಸ ಇನಾಕಾಜೆ ತುಮ್ನಾ ಕಾಗತ್ ಲಿಖ್ಖೂಸ್ 13 ಬಾನಿತರ ರಃವಾಳ, ಶುರುವಾತ್ ಮಾಥೊರಃವಾಳನ ತುಮೆ ಮಾಲುಂಕರಿರಾಖ್ಯಾಸ್ ಇನಾವಾಖ್ಹ್‍ತೆ ತುಮ್ನಾ ಕಾಗತ್ ಲಿಖ್ಖೂಕರುಸ್. ಕಂವಾರ ಸ್ಚೋಗ್ರಾ, ತುಮೆ ಶೈತಾನ್ನಾ ಜೀತಿರಾಖ್ಯಾಸ್ ಇನಾವಾಖ್ಹತೆ ತುಮ್ನಾ ಲಿಖ್ಖೂಕರುಸ್ ಛಿಯ್ಯಾ, ತುಮೆ ಬಾನ ಮಾಲುಂ ಕರಿರಾಖ್ಯಾಸ್ ಇನಾವಾಖ್ಹ್‍ಥಿ ತುಮ್ನಾ ಲಿಖ್ಯೊ. 14 ಬಾ ಹುನಿತರ ರಃವಾಳ ಶುರುವಾತ್‍ಥಿ ರಃವಾಳನ ತುಮೆ ಸ್ಝಾಣಿ ರಾಖ್ಯಾಸ್ ಕನಾಕಾಜೆ ತುಮ್ನಾ ಲಿಕೀರಾಖ್ಯೋಸ್. ಕಂವಾತಮ ಸ್ಛಾ ಇನಾವಾಖ್ಹ್‍ತೆಬಿ ತುಮೆ ಶೈತಾನ್ನಾ ಜೀಕಿಲಿಧಾತೆ ಇನಾಕಾಜೆ ತುಮ್ನಾ ಲಿಖ್ಖೀ ರಾಖ್ಯೋಸ್ ದೇವ್ನಾ ಪ್ರೇಮ್ ಕರಾವಳ ಜಗತ್ನಾ ಪ್ರೇಮ್ ನಾಕರ್ನೂಕರಿ 15 ಜಗತ್ನಾ ರಹೈಸ್ಝವೊ ಜಗತ್ಮಾಸ್ಛಾತೆ ಇನಾಖ್ಹರೂ ರಹೈಸ್ಝವೊ ಪ್ರೇಮ್ ನಕೊ ಕರ್ಷೂ. ಕೋಣತೋಬಿ ಜಗತ್ನಾ ಪ್ರೇಮ್ ಕರ್ಯೂತೊ ಬಾನಪರ್ ಸ್ಛಾತೆ ಪ್ರೇಮ್ ಇನಾಮ ಕೊಯ್ನೀ 16 ಜಗತ್ಮಾ ಸ್ಛಾತೆ ಶರೀರ್ನಿ ಆಖ್ಹ್ ಡೋಳನಿ ಆಖ್ಹ್ ಜಿವ್ಣಾನಿ ಆಖ್ಹ್ ಅಲ್‍ಖಣ್ಣಿ ಕೆತ್ರಿಕಿ ಬಾಥಿ ನಾ ಪೈದಾಹೋನೂತೆ ಜಗತ್‍ಥಿ ಪೈದಾ ಹುಯ್ಯಿರೂತೆಖ್ಹರೂ 17 ಜಗತ್‍ಬಿ ಇನಿ ಆಖ್ಹ್ ಅಳ್ಮಾಸ್ ಹುಯ್ಯಿಸ್ಝಾಸ್; ಕತೊ ದೇವ್ನೀ ಮರ್ಜಿನಾ ಪೂರಾ ಕರಾವಳು ಕೆದೆಕೆದೇಬಿ ರಾಃಸ್ ಕ್ರಿಸ್ತುನ ವಿರೋದಿ ಹುಯ್ಯಿರಾತೆ ಗಲತ್ ಬೋದಕರ್ನಿ ಖಭರ್ಮಾ ಹೊಷಾರ್ 18 ಲಡ್ಕಾ ಆಖ್ರೀ ಘಡಿ ಹುಯ್ಯಿರೀಸ್; ಕ್ರಿಸ್ತು ವಿರೋಧಿ ಆವ್ಷೇಕರಿ ತುಮೆ ಖ್ಹಂಜಿರಾಖ್ಯಾಸ್ ಎತ್ರೇಸ್; ಹಂಕೆಬಿ ಕ್ರಿಸ್ತುವಿರೋಧಿ ಘಣೂಸ್ಝಣೂ ಉಠಿರಃಯಾಸ್; ಅನೇಥಿ ಆ ಆಖ್ರೀ ಘಡಿಕರಿ ಮಾಲುಂಕರ್ಲಿಂಯೆಸ್ 19 ಇವ್ಣೆ ಅಪ್ಣಾ ಮ್ಹೆಲಿನ್ ನಿಕ್ಳೀ ಸ್ಛಲಿಗಯೂ, ಕತೊ ಇವ್ಣೆ ಅಪ್ಣಾ ವಾಳ ಕೊ ಹುಯ್ಯಿರಾಥನಿ. ಇವ್ಣೆ ಅಪ್ಣಾ ಮ್ಹೆಲಿನ್ ಸ್ಛಲ್ಯಾಸ್ಝಾತಲೀನ್ಕ್ರೈಸ್ತಕರಿ ಬೋಲಾವಳಖ್ಹರಾ ಅಪ್ಣಾವಾಳ ಕಾಹೇಕರಿ ಅಚ್ಚೀತರ ನಸ್ಝ್‍ರಾಯು. ತುಮೆ ಪವಿತರ್ ಹುಯ್ಯಿರೋತೆ ಇನೇಥಿ ಅಭಿಷೇಕ್ ಲಿಧಾಹುಯಾ ಹುಯಿನ್ ಅಖ್ಖಾಸ್ಝಣಾ ಮಾಲುಂಕರ್ಯಾಹುಯ್ಯಿರಃಯಾಸ್. 20 ತುಮೆ ಪವಿತರ್ ಹುಯ್ಯಿರೋತೆ ಇನೇಥಿ ಅಭಿಷೇಕ್ ಲಿಧಾಹುಯಾ ಹುಯಿನ್ ಅಖ್ಖಾಸ್ಝಣಾ ಮಾಲುಂಕರ್ಯಾಹುಯ್ಯಿರಃಯಾಸ್. 21 ತುಮೆ ಸತ್ಯನ ಮಾಲುಂಕೊ ಕರಿರಾಖಾನಿತರಃ ಖ್ಹಯಾಲ್ನೀ ತರಕಾಹೇ, ತುಮೆ ಇನಾ ಮಾಲುಂ ಕರೀಲಿನ್‍ಬಿ ಕೆಹೂಬಿ ಸ್ಝೋಟಿ ಸತ್ಯಥಿ ಪೈಧಾ ಹುಯ್ಯಿನ ಕೊ ಆವಾನಿಕರಿ ತುಮೆ ಮಾಲುಂಕರಿಲಿಧಾತೆ ಇನಾಕಾಜೆಬಿ ತುಮ್ನಾ ಮೆ ಲಿಖ್ಯೊತೆ 22 ಯೇಸು ಕ್ರಿಸ್ತುಕಾಹೇಕರಿ ಬೋಲಾವಳು ಸ್ಝೂಟೇಲು ಕಾಹೇತೆ ಸ್ಝೂಟೇಲು ಅಲಾದು ಕಿಸ್ಝ್‍ಗಾ ಸ್ಛಾ ಕೊಣ್ತೋಬಿ ಯೊ ಬಾನಾಬಿ ಛಿಯ್ಯಾನಬಿ ಮಾಲುಂ ಕೊ ಕರಾನಿ ಕರಿ ಬೋಲ್ಯಾತೊ ಯೇಸ್ ಕ್ರಿಸ್ತುನೊ ವಿರೋಧಿ 23 ಯೋ ದೇವ್ನಾ ಛಿಯ್ಯಾನ ಮಳ್ಯೋಹುಯೋ ಕಾಹೇಕರಿ ಬೋಲಾವ್ಷೇವಳು ಬಾನ ಮಳ್ಯೂಹುಯೂಕಾಹೆ; ಯೊ ಛಿಯ್ಯಾನ ಮಳ್ಯೂಹುಯೂ ಕರಿ ಮಾನಿಲೆವಾಳು ಬಾನಬಿ ಮನಾವಳು ಹುಯ್ಯಿರೂಸ್. 24 ತುಮೆತೋಬಿ ಕೆವ್ಹಿ ಬೋಧನೆನ ಅಗಾಡಿಥಿ ಖ್ಹಂಜಿರಾಖ್ಯಾಸ್ಕಿ ಯೊ ತುಮಾರಮರಃವಾದೆವೊ. ಅಗಾಡಿಥಿ ತುಮೆ ಖ್ಹಂಜ್ಯಾತೆ ಬೋಧನೆ ತುಮಾರಮ ರಹೈತೊ ತುಮೆಬಿ ಛಿಯ್ಯಾಮಬಿ ಬಾಮಬಿ ರಃಷೂ 25 ಕ್ರಿಸ್ತುನೆ ಇನೆ ದೆವಂಸ್‍ಕರಿ ಅಪ್ಣಾ ವಾಗ್ದಾನ್ ಕರ್ಯೋತೆ ಜಿವ್‍ಜಾನ್ 26 ತುಮ್ನಾ ಅಸ್ಛಾಮಾರಗ್ಮಾಥೂ ಸ್ಛೂಕಾವ್ನೂಕರಿ ರಃವಾಳನಿ ಖಬರ್ಮಾ ಆ ಸಂಗತಿಖ್ಹರಿ ತುಮ್ನಾ ಲಿಖ್ಖಿರಾಖ್ಯೋಸ್ 27 ಕತೊ ಇನೇಥಿ ತುಮೆ ಲಿಧಾತೆ ಅಭಿಷೇಕ ತುಮಾರಮ ಸ್ಛಾ ಇನಾವಾಖ್ಹ್‍ತೆ ಕೋಣ್ತೊಬಿ ತುಮ್ನಾ ಬೋಲಿವೊತಾಳನು ಸ್ಝರೂರತ್ ಕೊಯ್ನೀ. ಇನೆ ಕರ್ಯೋತೆ ಅಭಿಷೇಕ್ ಅಖ್ಖಿ ಖಬರ್ಮಾ ತುಮ್ನಾ ಬೋಲಿವೊತಾಳನು ಸತ್ಯಹುಯಿರೂಸ್ ಯೊ ತುಮ್ನಾ ಬೋಲಾಯಿರಃಯೂತೆ ಲಪಟ್ಮಾಸ್ ಇನಾಮರಃವೊ 28 ಪ್ರೇಮಾ ಛಿಯ್ಯಾ, ಯೊ ನಸ್ಝ್‍ರಾವನಿವೊಖತ್‍ಮಾ ಅಪ್ಣೆ ಇನಿ ಆವಾನಿವೊಖ್ಹತ್ಮಾ ಇನಾ ಖ್ಹಾಮ್ಣೆ ಉಭಿರಃವಾನ ಷರ್ಮಾವ್ನೂನಾತೆ ಹಿಮ್ಮಾತ್‍ಥಿ ರಃವಾನಕಾಜೆ ಇನಾಕನ ರ್ಹಂಯೇ. 29 ಯೊ ನಿಯ್ಯಾತ್ವಾಳೊ ಹುಯ್ಯಿರಃಯೋಸ್ಕರಿ ತುಮ್ನಾ ಮಾಲುಂಹ್ಯೂಹೊತ್ತೊ ನಿಯ್ಯಾತ್ನಾ ಪೀಚೆಹುವಾಳು ಹರೆಯೇಕ್‍ಸ್ಝಣು ಇನೇಥಿಸ್ ಪೈಧಾ ಹುಯ್ಯಿರೂಸ್ಕರಿ ತುಮೆ ಮಾಲುಂಕರಿರಾಖ್ಯಾಸ್.