¹ ತುಮ್ನಾ ಬೋಲಿವೊತಾಳುಕರಿಂಯೆತೆ ಜಿವ್‍ಜಾನ್ ವಾಕ್ಯ ಶುರೂಥೀಬಿ ಸ್ಛಾತೆ. ಹಮೆ ಇನಾ ಕಾನ್‍ಥಿ ಖ್ಹಂಜೀನ್ ಡೋಳೆಥಿ ದೇಖಿನ್ ಮನ್‍ರಾಖಿ ದೇಖಿನ್ ಹಾತೆಥಿ ಛೀಮಿರಾಖ್ಯಾಸ್. ² ಜಾನ್ ದೆಖಾಯು: ಬಾಕನ ರಃಯೀನ್ ಅಪ್ಣಾ ನಸ್ಝ್‍ರಾಯೂತೆ ಯೊ ಜಿವ್‍ಜಾನ್ನಾ ಅಪ್ಣೆ ದೇಖಿನ್ ಇನಾಭಣ್ತೂ ಸಾಕ್ಷಿ ಬೋಲಿನ್ ಇನಾ ತುಮ್ನಾ ಮಾಲುಂ ಕರಾಂಯೇಸ್. ³ ಹಮೆ ದೇಖಿನ್ ಖ್ಹಂಜ್ಯಾತೆ ತುಮ್ನಾಬಿ ಮಾಲುಂಹುಯಿನ್ ಹಮ್ನಾ ಸ ಛಾತೆ ದೋಸ್ತಿಮಾ ತುಮೆ ಮಾಳ್ನೂಕರಿ ಇನಾ ತುಮ್ನಾ ಮಾಲುಂ ಕರಾಂಯೇಸ್ ಅಪ್ಣಾಸ್ಛಾತೆ ದೋಸ್ತಿ ಬಾನಿ ಸೋಡೆಬಿ ಇನಾ ಛಿಯ್ಯೊ ಹುಯ್ಯಿರೋತೆ ಯೇಸು ಕ್ರಿಸ್ತುನ ಸ್ಝೋಡೆಬಿ ರಃವಾನು ⁴ ಖ್ಹುಚಿ ಪೂರಹೋಣುಕರಿ ಹಮೆ ಆ ವಾತೇವ್ನಾ ಲಿಖ್ಖಿಂಯೆಸ್ ದೇವ್‍ಕನ ಅಂಧಾರು ಕೊಯ್ನೀತೆ ಕಾರಣ್ ಅಪ್ಣೂ ಪಾಪ್ನಾ ಮಹೆಲಿದೇನು ⁵ ಹಮೆ ಇನಾಕನ ಖ್ಹಂಜೀನ್ ತುಮ್ನಾ ಮಾಲುಂಕರಾಂಯೇತೆ ಖಬರ್ ಕೆವ್ಹಿಕತೊ ದೇವ್ ಉಸ್ಝಾಳು ಹುಯ್ಯಿರೋಸ್; ಇನಾಮಾ ಕೆತ್ರೇಬಿ ಇಂಧಾರು ಕೊಯ್ನಿ ಕರಿ ⁶ ಅಪ್ಣೆ ದೇವ್ನಿ ಸ್ಝೋಡೆ ದೋಸ್ತಿಹುಯ್ಯಿನ್ ಛಿಂಯೇಕರಿ ಬೋಲಿನ್ ಇಂಧಾರಮ ಸ್ಛಾಲ್ಯಾತೊ ಸ್ಝೂಟಿ ಬೋಲಾವಳ ಹುಯ್ಯಿರಾಃಸ್, ಸತ್ಯಮಾ ಸ್ಛಾಂವಾಳಕಾಹೆ ⁷ ಕತೊ ಯೊ ಉಸ್ಝಾಳಮ ರಾಹೈಇಮ್ಮಾಸ್ ಅಪ್ಣೆ ಉಸ್ಝಾಳಮ ಸ್ಛಾಲ್ಯಾತೊ ಅಪ್ಣೆ ಏಕ್ನೀ ಸ್ಝೋಡೆ ಏಕ್‍ಸ್ಝಣ ದೊಡ್ತಿಮಾ ಛಿಂಯೆ, ಅಸ್ಝು ಇನೂ ಪವಿತರ್ ಕರಾಸ್ ⁸ ಅ ಪಾಪ್‍ಕೊಯ್ನೀಕರಿ ಅಪ್ಣೆ ಬೋಲ್ಯಾತೊ ಅಪ್ಣೋ ಅಪ್ಣೇಸ್ ಧೋಕ ಕರ್ಲಿಂಯೆಸ್, ಅಸ್ಝು ಖ್ಹಾಚಿ ಅಪ್ಣಾಮ ಕೊಯ್ನಿ ⁹ ಅ ಪಾಪ್ನಾಖ್ಹರೂ ಮಾನಿಲೀನ್ ಕಬೂಲ್‍ಕರ್ಲಿದಾತೊ ಯೊ ಭರಾಖ್ಹೊವಾಳು ನಿಯ್ಯಾತ್ವಾಳು ಹುಯ್ಯಿರೂಸ್. ಇನಾವಾಖಹ್‍ತೆ ಅಪ್ಣಾ ಪಾಪ್ನಾ ಮಾಪಿಕರೀನ್ ಅಖ್ಖೀ ಬಿಣ್‍ನಿಯ್ಯಾತ್ನಾ ಕಾಡಿನಾಖಿನ್ ಅಪ್ಣಾ ಪವಿತರ್ ಕರಾಸ್ ¹⁰ ಪಾಪ್ ಕೊಕರ್ಯಾನಿ ಕರಿ ಬೋಲ್ಯಾತೊ ಇನಾ ಸಓಟಢಲಾನಿತರ ಕರಿನಾಖಿಂಯೇಸ್ ಅಸ್ಝು ಇನಿ ವಾಖ್ಯ ಅಪ್ಣಾಮ ಕೋಯ್ನಿ