^{1 2} 1-2:-ಯೂಡು ಪಾತ್ರೆಲು ಪುಟಕ್ನೀ ಉ೦ಡ ಯೂಡು ಮ೦ದಿ ದೇವದೂತಲು ಒ೦ಕಡು ವಾಚ್ಚಿ ನಾ ತೋಡು ಮಾಟಾಡಿ - ರಾ ಜಾಸ್ತಿ ನೂಲ್ ಮೀದ ವಾಸ್ಮೂ ಸೇಸ್ಸುಳು ಮಹಾ ಜಾರಸ್ರ್ತೀಕ್ಕಿ ವಾಚ ದ೦ಡನೆ ನೀಕ್ಕಿ ಸುಬಿಸ್ತ ; ದಾನ್ ಜೋತ್ಹ್ಲ ಭೂರಾಜಲು ಜಾರತ್ವಮೂ ಸೇಸ್ಲೀ , ಮಳೀ ಭೂನಿವಾಸಿಲು ದಾನ್ ಜೋತ್ಹ್ಲ ಜಾರತ್ವಮೂ ಅನಾ ದ್ರಾಕ್ಷ ರಸಮೂನೀ ತಾಗೀ ಮತ್ತಲೈಲೀ ಅನೀ ಸೂಪೇ . ^{3 4 5} 3:-ಅಪುಡು ವಾಡ್ ದೇವರಾತ್ಮಾವಶಮೈ ನಾನೀ ಎತ್ತ್ಕನೀ ಅಡವಿಕ್ಕಿ ಪಾಯಾ . ಅಪುಡು ಅನಾ ರಕ್ತವರ್ಣ್ಣಾಮೂ ಮೃಗಮೂ ಮೀದ ಕುಚ್ಕಉ೦ಡ ಸ್ರ್ತಿನೀ ಸೂಸ್ತಿ ; ಆ ಮೃಗನೀ ಪೈ ಮೀದ ದೇವದೂಷಣೆ ಪೇರುಳು ನೀಡ್ ಉ೦ಡೆ . 4:-ದಾನ್ಕ್ಕಿ ಯುಡ್ ತಲ್ಕಯೀ ಪದೀ ಕೊ೦ಬುಲು ಉ೦ಡೆ . ಆ ಸ್ರ್ತಿಯೂ ಧೂಮ್ರವರ್ಣಮೂ ವಸ್ರ್ತಲ್ನೀ ರಕ್ತಾ೦ಬರಮೂ ಧರಿಚ್ಚಿಕನೀ ಚಿನ್ನಮೂ ರತ್ನಮೂ ಮುತ್ತು ಇವುಟಲಕ್ಕಿ ಅಲ೦ಕರೀಚ್ಚ ಉ೦ಡೆ ; ದಾನ್ ಸೇತ್ಲಾ ಒ೦ಕಟೀ ಚಿನ್ನಮೂ ಬಟ್ಟಲೂ ಉ೦ಡೆ ; ಅದೀ ಅಸಹ್ಯಮೂಮೈನಾ ಆಟೇ ದಾನ್ ಜಾರತ್ವಮೂ ಸ೦ಬ೦ಧಮೈನಾ ಅಶುದ್ಧಮೂ ವಸ್ತುಲೀಚ್ಚ ನೀಡ್ಪಯೀಡೆ . 5:-ದಾನ್ ಹಣೆಯಾ ಮೀದ - ಬಾಬೆಲೆ ಅನೀ ಮಹಾನಗರಿ , ಭೂಮಿಲಾ ಉ೦ಡ ಜಾರಸ್ರ್ತೀಕು ಅಸಹ್ಯಮೂಮೈನಾ ಕಾರ್ಯಲ್ಕ್ಕಿ ತಾಲ್ಲೀ ಅನೀ ಗೂಡಾರ್ಥ್ಹಮೈನಾ ಪೆರು ರಾಸುಡೇ . ^{6 7} 6:-ಆ ಸ್ರ್ತಿಯೂ ದೇವಜನ್ಲ ರಕ್ತಮೂ ದೇವುಡುಗೊಸ್ಕರಮೂ ಸಾಕ್ಷಿಮೈ ಯೀಚಿ ಹತಮೈನಾ ರಕ್ತಮೂನೀ ತಾಗೀ ಮತ್ತಳಮೈ ಉ೦ಡದನೀ ಸೂಸ್ತಿ . 7:-ನಾನು ದಾನ್ಕ್ಕಿ ಸೂಸೀ ಆತ್ಯಾಶ್ಚರ್ಯಮೂನೀ ಪಟ್ಟತೀ . ಅಪುಡು ಆ ದೇವದೂತಡು ನಾಕ್ಕಿ ಸುಪೀದ್ದಿ - ನೀಕೀ ಎ೦ದುಕೂ ಆಶ್ಚರ್ಯಮೂ ಪಡ್ತವೀ ? ಆ ಸ್ರ್ತಿನೀಚ್ಚ ದಾನ್ ವಾಹನಮೂ ಯೂಡು ತ್ಹ್ಲ್ಚಕನಿ ಪದೀ ಕೋ೦ಬುಲು ಮೈನಾ ಮೃಗಮೀಚ್ಚ ಸೂಚಿತಮೈನಾ ಗೂಡರ್ಥ್ಹಮೂನೀ ನಾ ನೀಕ್ಕಿ ವಿವರಿಸ್ತನು . ⁸ 8:-ನೀಕ್ಕಿ ಸೂಸ ಈ ಮೃಗಮೂ ಮೂದಲ್ಲೂ ಉ೦ಡೆ , ಇಪುಡು ಲೇದು , ಮಳೀ ಅಧೋಲೋಕಕ್ಕಿ ಏರಿ ವಾಚ್ಚಿ ನಾಶಕ್ಕಿ ಪೈದದೀ . ಭೂನಿವಾಸಿಲೂ ಯೂಲ್ಯುಲ್ ಪೇರು ಲೋಕಾದಿಯೀಚ್ಚ ಜೀವಬಾಧ್ಯಲಾ ಪಟ್ಟಿಲಾ ರಾಸುಉ೦ಡಟಲೇದು ವಾಳ್ ಈ ಮೃಗನೀ ಸೂಸೀ ಇದೀ ಮೊದಲ್ಲು ಉ೦ಡೆ , ಇಪುಡು ಲೇದು ಇಕು ಮೀದ ವಾಚದೀ ಅನೀ ತಿಲಿಚಕ್ನೀ ಆಶ್ಚರ್ಯಮೂ ಪಾಡುತಾಳು . ^{9 10} 9-10 :-ಇದೀ ಬುದ್ದಿವಂತಡುಕ್ಕಿ ಮಾತ್ರಮೂ ಗೊತ್ತೈತದೀ . ಆ ಯುಡ್ ತಲ್ಕಯೀ ಆ ಸ್ರ್ತಿ ಕುಚ್ಕಉ೦ಡದೀ ಯುಡು ಬೇಟ್ಟಲೇ ; ಇದೀಕಕುಡ ಅವೀ ಯೂಡು ಮ೦ದಿ ಅರಸುಲು ಸೂಚ್ಸತವೀ ; ವಾಲ್ಲ ಐದು ಮ೦ದಿಲು ಪಡ್ಪ್ಯೀನಾಳು , ಒ೦ಕಡು ಉ೦ಟಡು , ಮತೊಕ್ಡು ಇಕು ವಾಚಟ್ಲೆ ವಾಚ ಮೀದ ವಾಡ್ ಸ್ವಲ್ಪಮೂ ಕಾಲಮೂ ಉ೦ಡಲಾ . ¹¹ 11:-ಮೊದಲಿಚ್ಚ ಇಪುಡು ಲೇಕುಡ ಆ ಮೃಗಮೂ ಥಾನ್ಕ್ಕಿ ಎಯ್ಮದೀ ಅರಸುಲು ; ವಾಡ್ ಆ ಯೂಡು ಮ೦ದಿಲು ಅರಸುಲ್ಕ್ಕಿ ಸೇರ್ಕುವುಡುಳು ; ನಾಶನಕ್ಕಿ ಪಾತಲು . ^{12 13 14} 12:-ನುವಾ ಸೂಸ ಆ ಪಾದೀ ಕೊ೦ಬುಲು ಆಟೇ ರಾಜ್ಯಮೂ ಇಕೂ ಪುಡ್ಕುಡ ಪಾದೀ ಮ೦ದಿ ಅರಸುಲು . ವಾಳ್ ಒ೦ಕ ಗಳಿಗೆಯವರ್ಕ್ಕಿ ರಾಜಲೀಚ ಆಳುವ ಅಧಿಕಾರಮೂ ಮ್ರುಗನೀಚ್ಚ ಹೋ೦ದುತಾಳು . 13:-ವಾಳ್ ಒ೦ಕಟೀ ಅಭಿಪ್ರಾಯಮೂ ಮೀಚ ತಮ್ಮ ಶಕ್ತಿನೀ ಅಧಿಕಾರಮೂ ಮ್ರುಗಕ್ಕಿ ಯೀಸ್ತಳು . 14:-ವಾಳ್ ಯಜ್ಞದ ಕುರೀಯಾತುಡು ಮೀದ ಯೂದ್ಧಮೂ ಸೇಸುಳು , ಆಟೇ ಆತಡು ಕರ್ತಡ ಕರ್ತಡು ರಾಜಾಧಿರಾಜಲು ಆಯಾದಕ್ಕಿ ವಾಳ್ ಜಯೀಸ್ತಳು ; ಮಳೀ ದೇವುಡು ಪೀಲ್ಚುಳು ದೇವುಡು ಆರ್ಪುಕು ಉ೦ಡುಲು ನ೦ಬಿಗಸ್ತಲು ಐನಾ ಆತಡು ತೊಟಯೀಚ್ಚ ಆ ಜಯಲ್ನೀ ಪಾಳುಗಾರಲು ಐತಾಳು . ¹⁵ 15:-ಇಕು ಆ ದೇವದೂತಡುನೀ ನಾಕ್ಕಿ ಸುಪೀದೀ - ಆ ಜಾರಸ್ರ್ತಿಯೂ ವಾಸ್ಮೂಸೆಸ ನೂಲುನೀ ಸುಡ್ಲೆದು ? ಅವೀ ಪ್ರಜೆ ಸಮೂಹಮೂ ಜನಲು ಭಾಷೆಲು ಸೂಚಸ್ತವೀ . ^{16 17} 16:-ಇದೀ ಕಾಕುಡ ಪಾದೀ ಕೊ೦ಬುಲುನೀ ಮೃಗಮೂ ಸೂಡ್ಲೇದು ? ಇವುಟ್ಲೀಚ ಸೂಚಸ್ನುಲು ಆ ಜಾರಸ್ರ್ತಿಯೂ ದ್ವೆಷಿಚ್ಚಿ ದಾನ್ನೀ ಗತಿಗೆಟ್ಟದೀ ಬಟ್ಲುಲೆಕುಡಮೂ ಸೇಸೀ ದಾನ್ ಮಾ೦ಸನೀ ತಿನೀ ದಾನ್ನೀ ಆಗ್ಗಿಕ್ಕಿ ಎಸೀಕಲ್ಚಿಸ್ಲೀ . 17:-ಎ೦ದುಕೂ ಆ೦ಟೇ ವಾಲ್ನೀ ದೇವುಡು ಅಭಿಪ್ರಾಯಮೂ ನೆರವೆರಿಚ್ಚದಕ್ಕಿ ಒ೦ಟೆ ಅಭಿಪ್ರಯಮೂ ಮೈ ತಮ್ಮ ರಾಜ್ಯಲ್ನೀ ಮ್ರುಗಕ್ಕಿ ಯೀಚ್ಸ್ದಕ್ಕಿ ದೇವುಡು ತನ್ನ ವಚನೀ ನೆರವೇರಿಚ್ಚದಕ್ಕಿ ತನಕ ವಾಳ್ ಹೃದಯಮೂ ಪ್ರೆರಿಚ್ಚಿ . ¹⁸ 18:-ನೀ ಸುಸ್ ಆ ಸ್ರ್ತಿಯೂ ಭೂರಾಜಲು ಮೀದ ಅಧಿಕಾರಮೂ ಹೋದದಕ್ಕಿ ಉ೦ಡ ಮಹಾನಗರಿಯೇ .