¹ Pokoro ni, ayini aya tikarma, mawo mahanani akan seri asha (miyizi) awar kipivi ipiu imi enka toroh uyin. ² Tikarma tiyin timah vohzoh, makusu mayin anrur mumah rha. ³ An zinariya muyin nan azurfa ayin amah vohzoh. Uvohzonu unkusu muh, moh miya kenna ayini inrih. mohn ka rha apuhm ayin neh urah. awar kuwo Inmah tazza tikarma tiyin awar katuk ka wurih ⁴ Tirkiri, kutehefu koya amah tumzana ana kaf nayin, inh vono ini ubize yhan kusi mahah uyin. Kasha kaya tibuvah kamaka rava athoh a Titugwaki pisenn`i oh yhar nasang. ⁵ Immah zomoh urikuya inung a zohm kamarentu nan ku riseh ankusu nah nasuwuh nayin nah suni. Immah zahnah {korone} anasuwuh nayin awar katuk ku ceskenu. ⁶ Immah temene nan ku whuna apiya iyhazi na kwas, nang ken, iroto vono yi a yini. ⁷ Rikommina, kwakturuwoni, a suksa maruva ma Titugwaki. Rehye ni kenna pikavi eku suksa mayinzi mahn roh inrha nan kenna eku kwakturuwo awar kurhuh ozohn nan uwhuri. ⁸ Ayini kwakturuwo ni nan khayhazu nnirhanu, awar kuwo Titugwaki era pati uguru. ⁹ . Rikommina, suhni uriseh uvho ana tih yin, awar kuwo ankasu ka riseh ini amateh. rehyeni piya mateh inuru irah yhazi a toworong! ¹⁰ Rikommina, rehye ni kenna Anavawa (Aya vereh Asirih) inung nrehreh nan ku nomeh atih ayhan: Anavawa ami amah vervene inung a riziyi rih Titugwaki. ¹¹ Kenna tiyha, ayah amah kwakturuwo tisu kahah yhan, ayah ritau-ririf, immah pokoro kenna Kayuva kama kwakturuwo nan kenna Titugwaki imah mankara anang ami. Titugwaki ireh piya tikanci nang piya ririllipovo. ¹² Rikommina rinang, ankusu nasang suhnu sirhi, nang izoh vah kajhas (Kurikuya) vah amarong masirhi, awar tuken, kuyhii ku yin kun wana kuyhii, kuvavu kun wana kuvavu, awar kuwo insu righih inung a mateh. ¹³ Nna pirong uyin isu rehrene inung nzah (Piya ivisani) itanzana Asirih. Wammi uyin iseri righarha? ituvah azari ka righarha inung a masiva. ¹⁴ Wammi inung uyin izaku warah? ikande aya curvu Ikkilisiya an tanzana Asirih awar kuzah warah kuyi, asi munzaze yi amanuk inung arizayi rih Titugwaki. ¹⁵ Katanzu kami na'a tanzana inung asuhwu kanka warhane apiya izaku warah; Titugwaki enka cohne yi, Inna imah reni ivang Kasirih kanka veskene yi ini. ¹⁶ Awar tuken, miyani (cizazani) ivang iyin ana tih ayin, a tanzana awar ka tih a yin, awar kuwo inh warhazana. Katanzu ka piya yhazi na kwas ka nirhani nan urisenu utuma. ¹⁷ ILiya imah reh piyhar neh a wurih. Imah tanzana inung a rivin awo urhu nka suka rowoh, urhu umah rotoh rowoh inung amayinzi mami-tiwa tir nan ipiih utasi. ¹⁸ Iliya imah gura tanzana, izoh inh rowori urhu, mayizi mami mahn cizaza irha. ¹⁹ Rikommina rinang, inna pirong ucuku yin ehata ajiyi rivin mim, pirong uyin i kokone yi a rhakharha a nhahhari yi. ²⁰ Piyhar urhu ikah yha awo, piya evandare piyi ivang nwhunnu, urina uyi enka waska yi nang kukha, a gura turu uvaruh ivang idung.