¹ Yemmi eku yendeze ikuwa nan mapomono inung uyin? kuzang manku cira inung uyin, kennan insi kuwana ana tiyin? ² Un risu irangmwa a roto zuwah kin. Asin whunza yhar nan ku seri ripuvu, mazuh zuwuh ankusu nah inh suni. insu pomonoh akan kuwana; inh roto zuwah awar kuwo inh roto rivi Asiri. ³ Enku rivi, aroto zuwah awar kuwo enku rivi a mayimahn, awar kuwo inka wuzze unsunu atih ayin. ⁴ Ayini aringhi anyowo, inku zaku yha awo pijahm nang kurikuya areh kikusu kiyikin nan Kasirih? piya eteske urina upijahm nan kurikuya ewana kikusu kuvonoyhan nan Kasirih. ⁵ In ku nyen kini awo Kasirih kami ka vereh uwahm ''Awar kuwo Mazir mami marih inung uwuri manmise awo tirise a zohm kami kan vokone kan a suhwu. ⁶ Kasiri kama roh irih mapes, kenna avah ami avereh, "Kasirih ka zakan usunu aya rivalla, kaku roh mapes naya a nohnzi atih". ⁷ Rohni atih yin nan Kasirih, a vono ini pisifu, yi (pisifu) enka ranguruwo na a yini. ⁸ Kotokoni nan Kasirih, kanka kotokoh na ayini gusku ni nacara nayin, ayini ayi ivang, vurkanani anasuwuh nayin, ayini aya nasuwuh nava. ⁹ Pokoro ukhau, riseh aminah, mahah awar kan kusu muyi muhn mumi nah pimah riseh ticereh tipu tin vanduruwo awana aminah. ¹⁰ nomeh ritih ripu annyen muh Titugwaki, yi enka zhakwhah vuh izoh. ¹¹ Rikommina, suhnu vervene avere atisifu, makana nah ajangi. Piya evervene ma-yimahn nan kommina vah ku riseh yi mateh nan ku riseh mateh. Nna peh temene mateh, piza-kusu gwasa mahn a zah kureh piya mateh. ¹² Kurha nazik koku roh mateh a gura riseh mateh yi ereh piya enka suska waska agura nazeh. piyi wammi, peku riseh mateh maya zontoko kapu. ¹³ Pokoroni, a yini aya enku vereh awo, "Ukeru vah ukwe tenka jariri urong kurho, aka rha riwahm, aseri utazara {apizeh} a wana ikorwo". ¹⁴ Wanni iyha ikusu kensu wana ubwegh, yemmi ereh kuvoh kupu? ku kutti neh uwuruh umi oku cira, agura wuruh inung adhar ka cini. ¹⁵ Tuteng in kaku vereh awo, "Nna Titugwaki erume, tenka sireh tih warsi tenka rene ikisi ki vah kirah kin" ¹⁶ Neh kini inserih maghanguzuwo mamah napsana mayin, maghanguzuwo mah nasang areh tisifu. ¹⁷ Piya iyha nan kikusi kirif, kuwo irise aroto riseh kin, eriseh ivang.