1 A kommini anang, ayini aya na'inma rumeh nan Titugwaki Yesoh Kristoh, Titgwaki piya tiwomoh, suhni uvaktuzuwo makana narong inung uyin. ² Nna pirong eh nighe azohm kayin nan kipa kirif nan makusu marif, nan piya eh nighe areh piyi pivi, ari makusu mah marik. ³ Nna enroh usuru nagbing nan piya erene makusu marif, avereh, "Ruva katek kazohm karif kapu kanka". Avereh nan piya ivisani uruh awo, "Piyi yezene eneh kin" vah" zomoh ajhas ama pati a nah vina nah nang. ⁴ Inku rotoh vaktaze atih ayin? Awana ayah mateh inung ndinnenu upisifu. ⁵ Pokoro ni, ina kommini anang, kuzang Kasirih ka teske aya asu visana inung ana-yizi urikuya sah an wan aya tikarma inung asuhwu, nanku zuwah urara kuyi kumi na'ima vereh aya asuni yi anka zuwah? ⁶ Nah imah voni ni aya avisi, kuzang aya tikarma asi nyovih ni? ku zang ayhan asi kokozi ni a majhaha yini atek kamateh? ⁷ Kuzang ayhan asi nazeh rizayi ririf riyi rimih nah ayini inrihm? ⁸ A rivin inna entara mateh matiwomoh mami mari anavah akan, "Renni usunu upiya ipiti nan puh ne kenna pisuni ritih ripuh" pih seri mariva. ⁹ Nna insu vaktuzuwo, en-rene ivang, mateh marha ini, a yini ayi-vang. ¹⁰ Piya idhorkoroni mateh nasang, a whuru a marha imah gbekpwegh mateh nasang. ¹¹ Piya evereh, "Suhnu nomoh nan pinyowuh pirong" agura vereh, "Suhni uwhuna pirong" Nna pezaku nomoh apinyowo upirong, ariken amah whuna pirong, pimah wana pigbekweni uh mateh ma Sirih. ¹² Kini nan innan verveneh, akan seri ankusu neh aya na'anka riseh yhan mateh, amateh muh mu-vosonu ritih. ¹³ Mateh mazah ririllupovo na'akan rise piya izayi a ririlipovo.Ririllipovo reku pirka usuru umateh!. ¹⁴ Rikommina rinang, yemmi ureh urif umi na inna piyhar ewo irih nan kasuhwu ariken azayi utumah? Umuzu a suhwu ka kanka waska yi?. ¹⁵ Nna khonau karumi vah kayhani ka zakan makusu muh rene nan marinuru murha. ¹⁶ Nna pirong uyin evere ukan, "Jara vuh Kasirih kan wono vuh urina ataka nikari a marinuru" zaku rene kirangmwa ku kana ripuhm riyi, yemmi ure urif umi?. ¹⁷ Inung acara kah kasuhwu aritih rikan mazah utumah areh uwahm ¹⁸ Pirong enka vere, "Piri nan kashuwu, inri nan utuma" sahm a suhwu kapu mazah utuma, mini mahn sah vuh a suhwu kanang ankusunan nseri. ¹⁹ Pimah rume awo Kasirih kari kharha, peh riseh murif! Asifu amah rumenan ken, ri zallaru ririh puhm ringh zuwa yhan. ²⁰ Piyi kuvokoh kupi yhar, pi-rusu ikusu ken miya vuh awo kasuhwu mazah utumah uwahm?. ²¹ Kuzan Ibirahim Putuh wurih nah kamah royi tiwomoh tipiya vur awar kutumah uyi, ken na imah roh pivezene Ishaku? ²² Rehye, kasuhwu kayi nan utuma uyu asi jara nasang, kasuhwu kayi kamah koroh an kusu nan a rise. ²³ Avereh avah arah amah koroh, awar kuwo Ibirahim imah rume nan Kasirih, an karmaze ini atiwomoh tipiya vur, awar ken ama kande ini awo pijahm peh Sirih. ²⁴ Rehye ni, aku karmaze piyhar awar kutuma uyi , zah awar kasuhwu kayi nazik. ²⁵ Inung acara kah, kuzan ki Rahap kucallevharha na'amah karmaze kin piya vur awar ku sennu avenghezeni agura shaska yhan urina umi na'an dorkoro a nhahha? ²⁶ Neh kenna ripuhm mazah mazir areh kukiniru, kenna kasuhwu mazah utuma areh kukiniru.