¹ Yakuvu, pirereh oh Sirih nan Titugwaki Yesoh Kristoh, makana nan tipanpana rikiri-ativah timi tih rhandharih, amayinzi murikuya: Kusumazi. ² Rikommina rinang, zika nih righarha nasang, adhar kami nah enh ninghe ngbekenu nawahm. ³ Awar kuwo inh yha ugbekenu unasuwuh nayin oku yende ukakturuwonu. ⁴ Sanih ukwakturuwonu nh ruhr utuma uni, a rene ini inh curvuwo zah uvisanu irangmwa. ⁵ Piya isoni atipanva, itanzana ASirih kami kaku roh nagbing mazu teweh, makana na'aya arivi yi nasang, yi enka roh yhan. ⁶ Nna peh rivi pih rene rivin mihmg, zah kasasah, awar kuwo piya iri asasah isiyi mareruhm mah mani-masir uvuhnu uku peppwegh. ⁷ Piyhar uru isuh dinne awo enka sere ikusu nah eh rivi nan Titugwaki. ⁸ Awar kuwo ereh piya nasuwu navah,zah ka yhazu atek kharha, ankusu nah iseri. ⁹ Kommina kami kazah kan irangmwa kan zika righrha atek ka tiwomo. ¹⁰ Piya ireh Pikarma izika atek kayu zah, awar kuwo enka vharha neh isumuru ugih. ¹¹ Annyi moku cira nan upiu arohwone ugih nan isumuru, urif ini un kha, inung nrina uru nah piya tikarma enka vharham. ¹² Ritau ririf nan piya ekwakturuwo inung ugwekenu, awar kuwo inna epirka usuru uni, enka sere akata kuvoh. ¹³ Nna a gbeke vu, suh vereh "Kasirih kama gbekehm" awar kuwo Kasirih kaku zaku gbeke vuh nah avikuh, vah kanku gbeke pirong. ¹⁴ Awar kuwo aku gbeke piyar awar kusunu asuwu kayi kami kaku kokoze yi a wana yi kabangh. ¹⁵ Nna kurhan ko suwu kayi ka wana risiti, anuh rehey ivang, nan ivang ekah kunah a koroh, eku rehey ukha. ¹⁶ Ina kommini anang anka suka vatazih ni. ¹⁷ Ki kusu kirif nan kapehru ka kori nateng kaku cira izoh, amatoro ajhas nan Tita onpeze, umi eku shaskunuwo yi neh kutongdong. ¹⁸ Kasirih kama teske a rehey iri inung ana vereh a rivin, awar kuwo tiwan imus ezohn ankusu nah ka napsa. ¹⁹ Rikommina rinang, inh yha nan ki kusu ki: Tiwan aya rhakharha ku pokoro, a wana aya vereh nazahh {aku vasana ana vereh} nan kuza ku rikhazha a rhakharha. ²⁰ Awar kuwo rikhazha ripi yhar reku zaku yende ikusu nah Kasirih kasuni. ²¹ Awar ken, cuwuneni marik nan anangh ayeni inung uyin. Inung uvenh uriti senni avereh ami na'amah vira, ami ari usuru uwaska ini. ²² Sunhnu wana ayu pokoro ko vereh nazik nan kuvata kotih ayin, wanani ayu riseh ikusu nah avereh amih avereh.v 23 Piya epokoro avereh mih mazah riseh ikusu nan avereh ami avereh isiyi piyhar umi eku rehye annyen muyi amaduvi. ²⁴ Nan eh tisizi annyen muyi aruruh areh eh jara yi, kin-kini en wunnu kenna isiyi. ²⁵ Piyhar umi eh tirkiri naghah inung ana vah a marif nan mayimahn mami maku rovu azohm karitih ripu, agura jari yi a seri an kusu muh, mazah wunnu an kusu nah ima pokoro, a jari yi nrisenu, iri nan ritau-ririf ankusu nah iseri. ²⁶ Piya eh zika ritih riyi awoh ireh piya idhorkononi ASirih a zakusu gwasa rih rehm riyi, isu vata ritih riyi, kuyha ko vereh Asirih ayi awana uwahm. ²⁷ Adini nah Kasirih nan Putu wurih imah rume na ni, uvur nan mazah marik, piyhar iyhapth acono nan masep manyowo inung nrehreh uyhan nan kusih gwasa ritih riyi nan kurikuya kunsi riseh yi marik.