¹ Are Bulus pitumi, utumu unang uzaku re un cira nang ayhar ko piyhar, are unku cira nan Yesoh Kristo nang kasiri Tita umi econeyi amasek. ² Mini nangahkoni ami na tiri nasang ina, Insin nyakara ayini Ikkilisiyoyi mu Galaya. ³ Mapes makana nangahyini, mavok mawori nang putu wuri kasiri, nang Titugwaki Yesoh kristo. ⁴ Umi erho ritiriyi awar kivang iwuri, asa i ciddiri adharkana kayikan un nufi osiri putuwuri. ⁵ Udaukalla areh uyhi karen. ⁶ Umma rene amina ken nang imma arhakharho asiru rong ubishara uvaktuni, in seri amina ken nang insin vandazeh atini nang piya e kainghi ni amapes ma kristo. ⁷ Urong ubishara uzakuri, Ari arongayhar ami asin yendezu ritu, asin naze ubishara u'kristoh. ⁸ Ko kure awuri ko maiaika mawori zoh mayendinhi urong ubishara uvaktuni nangumi na terise a wana ku La'anane. ⁹ Ken nang umma mi'ighi azon, insin gura mise, ayah arise urong ubishara uvaktu nhi nang umi nang ima sere, ire ku La'annane. ¹⁰ Ne kini unkusin righe u shaida uyhar boko osiri?. Unkusin righi un vhakhane ayhar nasuwu? in nang insin righu vhakhane ayhar nasuwu in zakure, pireru Kristoh. ¹¹ Un rusu uwoh in yha'ahteh inakoni, ubishara umi nang unseri a zakure uwori nang ayhar. ¹² Un roto sere nang piyhar, ba piya e misem, ama aretu ruya ku Yesoh Kristo makana nang mini. ¹³ Imma pokoro zong kanang ati Yahudanci, ken nang umma seri tigwa asin ghasoh Ikkilisiya e siri asin naze Ikkilisiya ken nang anka zaku kwatanta, ¹⁴ Imma re kuzong-kun ati Yahudanci a pirkanani a bichu sana, Ati gwati-tigwa umma pirka ken nang a sunni, ana al'ada a Titih. ¹⁵ Kuma wana a siri kang cangkam, inung u munu nang, kama kanghen amapes makan. ¹⁶ Kama bayana kono ka kang nam mini, awarku ko in risu shela ukan nang u'al'ummai, umma roto righu shawara i nama nang manyo. ¹⁷ Umma roto jharan un urushalima nang ayha a zongononin, awana ma mazani, Anre unku jharam un Arabiya daga ken unnang un Dimasku. ¹⁸ Ti wati tar timah vharha anre unku kanu Urushalima as un yha'ahte kefas, umma zomo nangyhi ana tuk rikiri ana tuk ishi. ¹⁹ Umma roto rhye-ryhe piron saidai Yakubu uteyi,komina kaTitugwaki. ²⁰ Tirkiri, azakure kotti nang in seri in kusu na ma nyakarini. ²¹ Anre unku kanu pette ku suriya nang ku kilikiya. ²² Adhar kami, pirong ima zaku yham dnayizi, unIkkilisiyo ku Yahudiya ami ari Inung u nKristoh. ²³ Sai ko an kuma pok nazik, ako ''piya isun ruksi ru rere ira seru mise rivin rimi nang Imasu yitiri''. ²⁴ Ama rukse a siri ti womo awarka nang.