¹ Ayini nonoh, riseni matini nang aputuhyin inung atitah ugwaki, ani areh arip. ² ''Rhoni aputuh yhin ugirma'' ( awar kuwo anreh udoka nang likawari), ³ ''Asa manang manka rimpwa vu anreh pika zuwa uvah ku pkangari inung urikuya''. Ayini aputuh, sunu naze nonoh na yhin a sughu. Anreh, Renni nan nang kunza inung un horo nang ma verveneh masiri. ⁵ Ayini ayu rere, riseni matini nang aya gwakazi ayin inung unrikuya nang matini nang ukhau, inung a rivin resughu kayin. Riseni matini nang yhan kenang inang kariseh a Kristoh matini. ⁶ Riseni matini zha idan nang aya gwaki ayhin a tirkinini asa in ren yhan righarha. Anreh, in riseh matini awar kuwoh inreh arere a Kristoh, piya eku riseh anang asiri inung a sughu kayhin. ⁷ Riseni urere nang kasughu kayhin nasang, kinne inku sere aputuh u gwaki anzang ayhar. ⁸ Awar kuwo tiyha awo kikusu kimi nang ko piriki uyhar eriseh, enka sere u sakamako nang putuh u gwaki, ko pirere ko piya I viskini. ⁹ Ina yhar agwakazi, yhamthani a rere ayhin unrina urha. Sunu rugkse yhan urere. Inyha kuwo piya ire piyhar ugwaki uyhin nasang Iri Izho, anreh izayi usunu uritih. ¹⁰ Ariwuri, zikani usiru inung a titah ugwaki nang inung unsiru unkhan. ¹¹ Renni makusu mariwuma resiri, awar inka yezene na waz adhar kapi sipuh. ¹² Awar kuwo magwarmana mawuri mari amajagari ripum nang mayho. Tuteng, are amajagari nang ugumnati nang mazir mu mulki nang tiwomo tipisipuh, amajagari nang mazir mayiman mami marhi tege ni zho. ¹³ Awar kuwo renni makusu mi kuwa esiri na sang, awar kuwo inkaka yezene adhar kapisipuh, anreh bayan nang enriseh koyemmi, inyezene na waz. ¹⁴ Yezeneni na waz, anreh inkurene rivin nang Isuki u adaki. ¹⁵ Anreh ne araka anavin napuh, renni ushiri overe amavuk. ¹⁶ Inung nasang ankusu, zikani ubangaskiya, uminang inang ka wonza urha upisipuh. ¹⁷ Zni a hulla ku cetoh nang katan kamazir, kankare katan Kasirih. ¹⁸ Nang ko ariki adu'a nang katanzu riseni adu'a kokariki adhar inung amazir. Nang kasughu, inkaku tirkini nang upkataru, Anreh inku seri adu'a amajagari nang ayhar avur a siri. ¹⁹ Anreh kurisem adu'a, awar kuwo ankarhum Ikusu kuvere inang ma waka anah kanang, Risenim adu'a asa nka vereh arivin rimi rinisanani game nang ma vervene masiri. ²⁰ Anreh awar kohvereh asiri nang inreh piya gwaki umi nang ama sisiyi arhi, awarkuwo inka miga yhan unsirhu, kenang muwo unvereh. ²¹ Anreh inka gura yha kenang inrhi nang kikusu nang inseri, Tychicus, koni kami nang unsuni pirere inung atitah ugwaki, enka migha vuh koyemmi. ²² Ima tumah yi nang ayini awar kikusuki, asa inkayha kenang tirinang kuma ika karfafa ana sughu na wuri. ²³ Mavur man wan nang ayini ina koni, nang usunu nang rivin rimi rhe ku ruvah nang kasiri putuh nang titah ugwaki Yesoh Kristoh. ²⁴ Sa mapas man tarana nang aya suni atitah ugwaki Yesoh Kristoh nang usunu umi uku zhaku kha.