¹ Awarku ken gwekseni nang kasiri ne nhono na kang nami nang asunni. ² Jharani usunu, ken nang Kristoh imah soiri imah rho ritiriyi awarka wuri, ku sadaga nang ku hadaya kurip makana nang Kasiri. ³ Ku zakure kuwoh azuk aseri matafsana mami mazakure mi runga nang uza uvur, nang uni'uh, kuzaku rhe kuwoh anzuwa kusumun inung a nhono na siri kavurvah. ⁴ Asu zuwa marik, avereh ati bana ko avereh ati bana ko avereh ami azaku riva, tu teng ta wana uyuh sanjighi. ⁵ In yho awoh, ba piya iseri matafsana mami ma zaku rhe mirunga, nang piyamarik nang piyu hadama piyamareveh umi enka rho ugadu uti womo ti Kristoh nang kasiri. ⁶ Unsu rume pirong ivatini, ana vereh ami azani rangwa, awarka nang ani rikhazha re siri ana nhono nazamatini. ⁷ In su mane riti nang yhon. ⁸ Immah rhe amarini, ama ne kini in rayi ayan peze inung u Titugwaki, jharani ne nhono nan peze. ⁹ Awarka amfani mon peze mure mapes nasang nang rivin. ¹⁰ A zuwa ikusu ken ka vokane a Titugwaki a suwu. ¹¹ Su nu mane ati nang ayha aseri anang amri, godu wononi uyah. ¹² Are anang u ghwar an kusu mumi nang a seri. ¹³ In nang anpezeh moh ninghe nasang. ¹⁴ Kikusu nang a reyhe kin ke wana anpezeh, Anreh kinku vereh, ''zintani, ina yhan mara,anreh Inkucuh Inung amakinuru, anreh Kristoh enhaska ini''. ¹⁵ Regheni marivah azhum kayhin,-anzang ne mabana ama ne ayhar aripamvah. ¹⁶ Paszaneni adhar awar kuwo atuh arayheni. ¹⁷ Sunu wanza mabana, ama yaghatakeni ikusu nang putuh ugwaki Isuni in riseh. ¹⁸ Sunu bugu nang manimasir mi nabi, awar kuwo maku naze u rayuwa upiyhar. Tuteng, kurni nang mazir marip. ¹⁹ Verveneni nang ajangi inung un zabura, nang masivah, nang masivah mamazir, asin sipsa nang righarha amajagari nang putuh ugwaki nang nasughu nayhin nasang. ²⁰ Aseri usangini konkusu nasang, inung arizhai rititah ugwakin Yesoh Kristoh amajagari nang kasirih putuh. ²¹ Maneni atih untukuzuwonu u Kristoh. ²² Ina nyho, rhoni atih ayhin nang a rumi ayhin, kenne nang titah ugwaki. ²³ Areh pirumi Ire riti ripinyho kenang Kristoh Ire ritih rhi kilisiya, anreh kristoh aritihriyi Inre piwaskani. ²⁴ Anreh kenang Ikilisiya eku tukuruwo a Kristoh, kenang anyho ankaku tutuh arumi a yhan Inkoyemmi. ²⁵ Ina rumi, sohni a nyho ayhin, kennang Kristoh isuni Ikilisiya agura rho ritihriyhi. ²⁶ Kristoh ima rho ritihriyi awarki kilisiya asa irhenkin kinka vurah, Anreh iku yeskene kin agura guzu amani masir nang avereh. ²⁷ Kristoh ima yeze ikilisiya asa ika rhokin inung un daukaka, zha marik, anreh kinkaka vurah nang zha ivang. ²⁸ Unrina urha, ina rumi sohni anyho ayin kinne ripum riyhin. Piya isuni pinyho uyi isuni ritihriyhi. ²⁹ Awar kuwo zha piya izhayusu aripum riyhi, anreh iku rukserin mariniru agura sunirhin, kinne kenang Kristoh eku riseh nang Ikilisiya inung unsunu. ³⁰ Awar kuwo tireh ajami aripum riyhi. ³¹ ''Kikusu kimi kerene pirumi enka jigi putuh nang munah anreh ku manne yhi nang piyhani, anreh yhan uvah anku wana ripum rirha''. ³² Rivin rina rima nisana rigwaki-anreh ikusin vervene amajagari nang Yesoh nang ikilisiya. ³³ Banangken, kowammi iku suni piyhani kinne ritih rhiyi, anreh piyani ikaku tutuh pirum.