¹ Mini Bulus, awar kara'ara, inre pirereh u Kristoh Yesoh makana nang u al'ummai. ² Inseri uko immah pokoro awoh ama rhom utuma udun, u mapes ma Sirih awarka yini. ³ Insin nyakara amajha'ah un wahayi kuma nang a miyam, rivin rimi rih turi na umma nyakarakani inung ana rong avah. ⁴ In nang en teze i nyara imi, enka yha'ahte u bisara umi urim in nung a rivin rimi rhi whukununi ari tih rih Kristoh. ⁵ Rivin rimi rima roto cira un rong kusana ku nhono na yhar, ama ne kini, ama cidda tu mazir amakana nang ma manzani nang annabawa ami nang ama tarayhon apituwa awarku tuma urhuna. ⁶ Ubishara ami urhu ammah whukununi uni nang u al'ummai umah wanna abichugadu Ipa'ah iri puhm rimi, wham u tarraya inung amatazzanah inung u Yesoh tima kana un bishara. ⁷ Umma wana pirehreh ubishara umi urhu unperenu (baiwa) umapes masiri tu nung un utuma usiru kan. ⁸ Kasirih karhom u baiwa kun, mini piya inre piya cunu amah kebabu ma siri, asa in rise u wa'azi u bishara nang u l'ummai ati karma ti Kristoh timi ti zatin marasa. ⁹ Tu baiwa kumi nan arhom, asa kowami ika yha-ah teh, u shiri u siri ken nang urih, ushiri umi uma whukununi ana sana nang kasiri piya e cidda koyen. ¹⁰ Ti Ikkilisiya, ayhu siru nang ayha ti womoh tu sararin sama anka yha'ateh u hidima u Sirih. ¹¹ Anang anih awana u nufi oh siri uzah nan rarah nang eh zattar u Yesoh Krristoh Titu wuri ugwaki. ¹² Inung u Yesoh nan tirih usisazuh, nang u dama nang urumenuh, awarka rivin inung uyhi. ¹³ Awarku ken nama woh insu gwebpkwe na suhwu nayin awar kuko insin seze urehreh awar ka yini. Awarku woh in zuk u daukaka. ¹⁴ Awarka nih insin tukuzuwa anarhu anang annyen mu Tita. ¹⁵ Tu yi na aku kanghne ko iri ki yali ajhas nang izoh. ¹⁶ Insin tanzana Asirih kan rume ni, bisa ga ugwaku ati karma ti mazip makan, insisa un siru inung amazir makan inung uyin. ¹⁷ Katanzu kanang, Kristoh izohmo a suhwu ka piyi inung a riving, insin tanzana pi nar'woruwo, a suwuna nang u khambharu inung usunuh ukan. ¹⁸ Asa pih zuwuh usiru, asa pika yha'ahteh ikusu ki reh ukhambharu, nang upandaru, nang u kwangaru inung u sunnu u Kristoh. ¹⁹ In seri a tanzu awarka yin, asa in yha'ahteh awoh mafificiya u sunu u Kristoh umah vharu yha'ahte riseni ken asa an korezini nang u koru oh Sirih. ²⁰ Ne kinih, piya irih usiru u rise anang nasang aka pirkane ikusu nan teh tanzana nan ku dinne unsiru umi useri uhtumah inung u wuri. ²¹ Ti curvuh tireh tiyi inung Ikkilisiya, tu suku Kristoh Yesoh, anadhar na dhar karen mun wanken.