¹ Imah reh makiniru inung inh Laifi iyin nang ivang iyin. ² Inung innih nang imah zohmim uja'ah anahnang urikuya. Immah dhorkononi tiwomoh tu siru usaririnsama, mazir mayiman mami marih uma messeru ma nhono. ³ Arizohni,awuri nasang nang ayah aroto rho rivin min, adhorkhononi uburi upuhm a wuri aserih anang arihpuhm nang madinne mah wuri ujha'ah anah nang ah'ni, rikhazha reh Siri rih zohmi unwuri a wuri nhono, ne arong. ⁴ Kasirih piya ririllipovo rih gwaki imah so awuri. ⁵ Kennan timare reh makiniru inung ivang, imah yendi rih inung uvoh kupas nang Kristoh, amakana amapes nan a waski rih. ⁶ Kasirih kama conirih nasang, agura rene tih zhonzhono nasang kuwuri inang un Yesoh Kristoh. ⁷ Ka rene ken awar ka na dhar nami nang ruva asa ika sa irih mapes mati karma inung u Yesoh. Kasin saksiri inung amapes makan. ⁸ Ama pes makan naka waskiri, inung a riving, azaku reh, uwori nang ayini, areh uperenu oh siri. ⁹ Azaku reh utuma uwuri, awar ku ken, pirong isun gangguzuwo yi. ¹⁰ Awuri utumah u cara kan kama ciddirih inung u Yesoh, asa ti riseh anang arip, ami nang ama rho irih ti riseh arizhoni. ¹¹ Tuken ti dinne nang u'al'ummai ayhapuhm, asin kanghni rhi ''Ayuh zah ukaciya'' ki kusu kimi nang aku woh ukaciya urih puhm, umi na nacara na yhar na riseh. ¹² Tima chungtari apituwa nang Kristoh, ugura reh mabare nang Isra'ilawa, Ajhan aa makana nang ika'idodi uma tazzana, vah ku rene kusuwuh ukweh, azaku rih a Sirih u rikuya. ¹³ Inung u Yesoh, awuri ayah na tima rangananirih ama yendi rih apati nan kanama nyho ma Kristoh. ¹⁴ Yi ereh mavok mawuri, imah mane tivah ti wana ki kusu ki rha. Inung ari puhm riyi imah yirki a tanga kami kama ma wangzirih. ¹⁵ Imah cuwune mateh muh umurni nang u sharudda asa i cidda piyar u rha inung uyi. Ku nene ken ko yende mavok. ¹⁶ Kristoh imah nafsana yhon nasang uvah umi, ari puhm ri rha, amakana nang kasirih inung un giciye, a whuna ugaba umi nang aseri. ¹⁷ Yesoh imah ruvah a riseh uwa'azi u mavok amakana nang ayha ama pati, nang ayha ama ranganani. ¹⁸ Tu Yesoh nasang ku wuri uvah, a mazir marha tirih urina umakana nang putu. ¹⁹ Awar ka nih, ne kini ayini u al'ummai, in zaku reh ayah vakti, in rayi ijham nan ayah areh ma kebabu ma Sirih, ajhami u tumah. ²⁰ Ami nang asuhwa yhon inlang ima manzani nang Annabawa, Yesoh ateyi ire rikwang ru kusuruwa. ²¹ Izoh uyi nan masuwa mami ma manananim asin kunza neh ku haikali inung u Titu ugwaki. ²² Ing uyi nang asin suwi nim nasang ne, katek kazhom ka mazir ma Sirih.