¹ Mini Bulus, mah nyakara avereh rah makana nah a yini aya na'inma rumeh; Kasirih kamah peh iyini apituwa awar ka kan, ayini inri rivin nan Yesoh Kristoh-Nsi nyakara makana nah aya marume nan Kasirih, ama kana nan a yhar Asirih un Afisawa. Mini Bulus, piya nah Kasirih kamah teske yi nan piya nah Kasirih tumah yi neh kabweng ka Kristoh ² Nsi tanzana Asirih awar Kasirih Putuh uwurih nanYesoh Kristoh makana na ayini ³ Ucha'uh ureh oh Sirih Putu Titu gwaki u wuri Yesoh Kristoh, yih erho a wuri ritau ririp nang ko ririki ritaurhu ruhaniya umih arih izoh inung un Kristoh. ⁴ Ama rotoh cidda u rikuya, kama teskiri a wuri ayha te rho riving inung u Yesoh, asa ti wan ayah vur anyen mukan. ⁵ Kasiri kama chang kiri ama cikini a zikiri ti wana - nono inung u Yesoh Kristoh ama kana nan anang a rip ama rentu murinu kan. ⁶ Kasirih kama hama u changhar kan a war kuwa kama zikiri ti wana nono na kan, kama ro iri ama rentu kuwo ka suniri. ⁷ Inung u Yesoh Kristoh nang ama waska irih ama nyho mayi nang ku gusku kivang, umah un zuwuh nang mapes mayi. ⁸ Imah wara mapes mang mana ana tih a wuri nang u hikima nang ku yho nasang. ⁹ Kasiri kamah reneh tih yha'ahteh a ushiri ukan nang manufa mami manah nisanani nang kama rho a wuri inung u Yesoh. ¹⁰ Kadhar kama wana u markara u nafsanu u shiri ukang. Kasiri kn kan mane ko ynenmi izoh nang kuriya yah inung un Kristoh. ¹¹ Kama teske iri ti wana nono na kan tun ri zoni ken nan karusu inung un Yesoh Kristoh. ¹² Kasirih kama teske iri ti wana nono na kan, a war kuwo ti ren usurum inung un Yesoh Kristoh, ti wana ayi cangwu kan ¹³ Inung u Yesoh ayini aya in ma pokoro avereh a riving un yi na anah mazir mavur ¹⁴ Mazir mavur man mamah roh iri uwurhu, maka rava adhar kami nan tenka nnghe inung urara ko Sirih, masira makana, nan mazir ma yi ¹⁵ Awarka nih, kadharkami nang ummah pokoroh rivin riyin inung u Tita ugwaki, Yesoh nanag u sunuh uyin, awrka yah nang ama kebe yhon awarka yin ¹⁶ Un rotoh yizeneh u seri ko Siri un sangihi, awarka kayin kenan, maku rho'ini ana tanzu na sang. ¹⁷ Insi tanzana Asiri ka pi yi gwaki uwuri Yesoh Kristoh tita uti cirvu, ika rowuni a mazir mati pamba nan kuyha ku yi ¹⁸ Katanzo nan in seri wo ayizi asurwu ka yi wantoh inyhagateke ikusu nan i kangdini nan kurhi ku daukaka inung ana yhar avur Asiri. ¹⁹ In gura sin tanzana awo sa in yhaghateke ugwaki isusazu inung unnwuri awuri aya timah rume, inung utumah usisau ukan. ²⁰ Areh usizasu Asiri kama riseh inung un kristoh ke nan kama cuneyi daga amakinuru a zhaneyi inare izho acara kuram ka kan ²¹ Imah zomeh Kristoh inari izoh ati womoh nan ticirvu nan ti karma nan koririki rizai. Kristoh inka rise ti womo ana tuk ara nan ami an ruvah. ²² Kasiri ka tanza ankusu ajar kavinah ka Kristoh arene yi i wana ritih ri ikilisaya na koyinmi. ²³ Ikilisiya are ripum re yi inang pe sere yi penka ka koruh