¹ Bulus pitumi u Yesoh Kristoh, amakana amanufa ma Siri, nan Timoti kommina kawuri. ² A makana nan nan ayhan pezeh nan a ko-ni a minci inung un Kristoh, amih arih un Kolosi. Mapes nang mavok ma wori nan Kasiri Tituwuri mahn zomoh nan a yini. ³ Ti serih Asiri usangihi Putu u Tita uwuri Ugwaki, Tekusin Tanzana Asiri a warka yin. ⁴ Ti puk ubangikiya ku yhin inung Kristoh Yesoh nang u kaunar na ire ama kana nang ayami adorkononi Asiri. ⁵ Avereh mu beye nang mapiz nan amah miseh ne nang in rotuh yhip, inkasu nekere ayawawo in si tasza ikisu ki rip izoh. Inung an vereh Asirih na ima pokoro. ⁶ Avereh Asirih asiri asin kunza ana ri-ku-yha. ⁷ Avereh Asirih nan in gbese nan Abafaras, piya tomo siri na gbeng. ⁸ Abafaras imah mese re ku kauna nang yhip ruhu u siri. ⁹ Kadhar kami ne teh pokoro in yhip avereh, tirotuh uvono urese yhin atanzu nan kasiri awoh kan pire ne iyhakateh ama vere ma sirih. ¹⁰ Tiseh tanzana Asiri ka pirinu ujaru urip ana vere Asirih, Tise kuma tanzana Asirih ka kanani in yhasene marivah amma jaru uma kana anavereh Asirih. ¹¹ Katanzo kawuri, in nirworowu inung an, vereh nan uhankuri. ¹² Katanzo awoh Asiri kan piri amarentu awar kuwu nono nayi na sen jara unrina unyan pizeh. ¹³ Ima waska re amarini, ayende re inung an pize mu khono ka yi. ¹⁴ Awarah ka khono ka yi na te zuwa ugafara. ¹⁵ Yesoh ire anyen mu siri, khoni ka zohn inung an kusu-kusu na kasir ka napsa. ¹⁶ Yesoh ka napsa koyinme, an kusu mi izoh nang kajhas nang ankusu-kusu munukununi nang mumi re anpize, nang ti womoh, nang kotiriki mulki Yesoh i napsa mun. ¹⁷ Yesoh ima retun urasih, inung acara nan an kusu-kusu mu rim. ¹⁸ Kuma yi ireh ku shugaba kuripun, nang ku ikilisiya khono zohn ana yhar nang akizeh, piya cirbu an kusu-kusu na a napsa. ¹⁹ Kasirih ko, puk marentuh awoh duk an kusu-kusu ka napsah mun te acara ka yi. ²⁰ Kasirih kama royhan awarah na ankusu-kusu mun ka ko vurah ana cara na yi, nan an kusu meh zoh nan kajhas nan ko yinmi amma kana nang kasirih. ²¹ Arong kadhar ime kureh ajan nan kasirih, nan makiyi asuwuh kayhan. ²² Na kini inma sulhuntu re. Yi ma yhille ken, nan kuwoh eka jahariri nan kasirih ayhar aza yhan ivang. ²³ In na teh jara an pizeh ana vereh Asirih, ayhazine ha napikn azaku kauce ana vereh Asirih. Avereh ami nan mini Bulus pirezeh insereh. ²⁴ Marentuh nang in puk, awar ki pireh ana yhar nan a dorkoni a Yesoh nang ku ikilisiya kureh ripun diyi. ²⁵ Akawar ku ikilisiya na mawana pirere, awar kuwu kasirih karon avereh kan amma ruba nan ayini. ²⁶ Avereh Asirih nang kasirih nisaze atiwa nan tiwa. Iku cinda mu nakini ga ayami nang arume nan Yi. ²⁷ Ayami acere a Yesoh areh asiri nang Kasirih aroyhan. Awar kuwoh kasirih ka zume inung uyhan. ²⁸ Avereh ami na tisere ushella. Asin misi yhar ko'iki nang tipampa awar kuwu tika jaha ayhar nang Yesoh marevah. ²⁹ Awar kanang insere utoma u Sirih nang usuru u Yesoh nang mini.