¹ Avervezeni i chotti amma kan nan ayar, a miseni a majomborono michotti, yan ma an ruva na yini. Innung un tuwu man an jarah ma yendi ni avere u yitiri ko teyeh, imus i yen aku vonoyen a piye yende yen. Are an kusi yendeze u yitirunu o ti ayen arakara. ² A yar a gwaki anka dorkono ati ranghni ti yen, imuzi yen aku yende urina uza matini. ³ Ati pamba ti yen na ku zuwa i kisu ku wure a vere matinim u riyhini uyen u wonuni wotu ruva; marara ma yen mariyhi un rina umaruva. ⁴ Ka siri ka roto pe malaiku ami mama rise ivang a pi tuwa. A re kan kuma tarkara yen a chara ka tartarus awar kowo an sisize yen atara yen in pug ima rinu a suksa an Nyhi muma teh. ⁵ Ka roto peh urikuya kuzoni a pi tuwa. Katari a Nuhu iwan ki kisu ku reyeghe anang arip nan ayar utasi api yar urah, adar na kama toddu ujah ana ya amma vonoyen kan. ⁶ Ka siri kama guddu aro u Sodom nan Gomorrah an wana anta a rufure yen aa wure yen awar kuwo ayar an rek i kisu kin ka zuwa a yh avonoyen kan. ⁷ Awar ayar ka matini Lot, ayar azayen matini amma wana ki kisu ku kawo ima wana ki kisu ki mavervene mayiman nan yan, kasirih kan chidda yir. ⁸ Piyar u matini, ima zoni ateti ka yen ana tuk nan atuk, asiseze ivura awar ki kisu nan i pog. ⁹ Piwomu i yah ken na eku waska ayar ami ari innung in vura, ayah ken na kan yaptha a yar ami a zayen matini awar kan Nyhi mu mate nan ri chimu. ¹⁰ Anang arah are a rivin amma jaghah nan a yah a jari yen anang aripum ako are kirangwa. Anirghani a yak a Nyeh awo are ki rangwa. Apog yen ukau u naze aya asi jara mariva. ¹¹ Malaiku mari u nirghanu nan usiri, ma vandari man u yende avere a yini ati jam nan piwoma awar kayen. ¹² A yar ami ara a siyih uvighah asighi kin ne an kaku pusu awure. A ye yen i kisu nasi jamana. An nana veskene yen. ¹³ An ka seru kisu kire ki yen ki yhikin. Unyhen ku yan, an kusu mu riku yeh mure marentu. Ankusu mu kazah a naze teyeh. Aku pog marentu man kusu masu vatayen a dor kani ni asi rerene nan ayini. ¹⁴ Ari ayizi u ringhuh onyhoyah; aku wana yen ri siti in vang. A ya ken na ku vata ayar a nirghani yen inung u rise i kusu ki yhikin, amma gudda na suwu na yen amakana nan kusu muma marentu. Ayar amma wana nono nama rene nonnani ama rena nananha. ¹⁵ Amma nekere urina urip. Asi jara maza jengase u rina u yuni, adorkoni u rina u Balaam kono ka Beor piya imama rene ariyizi u zuwa ku ma vatti awar ku tuma uza wuni rina. ¹⁶ Amma nyakana u yi awar ka nang na iseri. kuzenka kuma vere yeh a ri nyih ri pi yar awar kowo i pokoro aja ara na irim. ¹⁷ Ayar arah a sighih i choko ki za marmasi. A sighih a yini nan uvunu u soskono. Marini masir na wurip masi suksa yen. ¹⁸ Aku yelle avere ati bana. Avata ayar asa an dorkoro urina u marentu maripum. A ku vata ayar ami u yap u rina u matini. 19 Aku yelle masiri mu chidda yen, amma a yen ana ti ayar an de mavozonu marere. Piyar i reken nere pi rere ankusu-kusu. ²⁰ Piya imah ma pifa anang ayene urikuya unrina uyah ku Yesoh kristoh, agura nanghah ana nang ayene, uh nanghah yi unka pirka ken na'ima dorkoni urikuya ari-zohni. ²¹ kupiri woh anama rotoh yhaghateke anang amatini nan kuwo an yhaghateke agura vandare atini ana nang na'amah ma sere rizoni ivang. ²² Ka kanghazan kah vereh awar kayhan ''kisang keh gura rha a tiwunaru ti ken''. kurhadi na'amah zureh kun, kun gura nhangha inros.