¹ Siman Biturus, pi rereh nan pi tumi Yesoh Kristoh, amma kana nan ayah amma sere avere amatini kinne a wuri aya timah sere, matini mi kisu ki rip ki wor nan Kasirih a chara kapi yi waska Yesoh Kristoh. ² A nana arip nan ka zom ka rip kan pir wuninim un jaru u yah kasiri nan Yesoh piwomo. ³ An kusu na sang mure mu siri nan ku yah ko siri amma roh iri tu rina u yahka siri, piye kangha ri a ti churvu nan ti womo ti yi ari Nyih rizi chotti. ⁴ Timus ankusu mummu nan e ro ri ikusu ki rip a tara mavervene mazip awar kuwo ti ninghe inung ana yah are ayah ri yhohho, amma pifta ovozeru ku riku yah ku yukun an kusu a kori an kusu muti vata. ⁵ Awar ken, in karim asi pizze anan ari yhoho nan arip, inung a nan ayihoho, ku yah kun si pizzinuwom. ⁶ Inung u yah, in pire u gwangdowonim, inung ugwangdomin in pire u yah ko sirim. ⁷ Inuna u ya kasiri, in pire iyah kuri kommina, inung u yah kur kommina, kurumenu. ⁸ Innan kusu mu mu zuwa tayeh nan a ni, mun wani ni ripum, in nan zaku wana akuru azaku wana a yu wam innung u yah ku piwomo wuri Yesoh Kristoh. ⁹ Piyih zayih an kusu mu nan e ku tirkiri i kisu ki pati; i siyih pirumu. Ima wannu a zaku dinni awo amma guzu yih ivang iwos. ¹⁰ Awar ken, ina koni, in ka yaph ken imuzu kanghu nan u teskenu u yin un kasu ka sapti ni. In nan in seri ayaph an kusu mu, in nan ka rukkwurwini. ¹¹ Innung un Rina ru u nenghenu inung amayenzu pi womo uwuri Yesoh Kristoh tin kaka ningheh inung a marentu. ¹² Awar ken man kakusi dinni ni ankusu mu, un yhohoh in yah mun, in yhohoh inda nirghani u yah kurivin kin ne kini. ¹³ U Nyenh ku nang, Nyengh kin ne a are ki kisu ki rip, ku zimi ni in kaku si dinne awar kan kusu mummu, un gwaku atuk ami nan ri nani asi voh. ¹⁴ In da yahawoh atuk anan a rah pati u ja uriku yah, awar nan piwomo Yesoh Kristoh ima mighah mam. ¹⁵ Man rise pijik pi nang awar ka yin in kaku si dinni ni an kusu mummu kadar kan rotimin. ¹⁶ Ti zaku dorkoni avereh imuzu ana yah ti pamba ti manangtani adar na tisi misi ni usiru nan u reyeghe nu upiwomo Yesoh Kristoh . Awar, tire ayah amma tari a yizi u rengze kon kusu mummu nan u siru u yih. ¹⁷ Are yi ima sere nan kasiri putu yih ti rumi nan ti chirvu adar kami nan rinyhi re ruva un siru awoh, ''kono kanang kanka, konomi na marume na kan, kami na ka suwu ka nan kavoh mi''. ¹⁸ Tima pokoro ari Nyih ri chira awar izo asiri, adar na ti mari nan yih izo upana. ¹⁹ Tire nan avere rah ami a mighiri anang ara irangha. In nan ka kana ati ayin, tu yapthah avere mi. An kawana kin ne urah uri vak u reyeh peze aka jaghari movu ri kata ken ne an rwrung musi cizza a na suwu na yin. ²⁰ Yaghatani, avere iranghe na mavere azang amato zono ma pirong. ²¹ Avere irangha aa roto ruva anah yar.Amare a yar a ruva nan ani un siri u voh ko siri.