¹ I kun yuwananingu ne Yahaha baci baptisma deu, a wazək i pata yahudaucin, a ramau ma, ² "A dlma tubi, gaɗa garva Səku dengara damtau." ³ Sutku ne rama warra nabi Ishaya dlamu, maya, "Wura ɗagai baci raura a pata, a ramau ma 'a dlamina sapərra dəvu Məgənyi, kwa ɗimi dəvuGəri tərr.'" ⁴ Yahai taɗu kacum kə yaɗ dləgəmau, na bik tawas akau kə rəvək i aku gəri, ta gəri nin angwam na zhabuwa pata. ⁵ Se ndak Urrushalima na kə Yahudiya, na kǝ lardadin baka miya anku Urrdun mak, da jəb vərayi i rigəri. ⁶ Da dlamikshi baptisma i kun anku Urrdun, i lakwtu mi aksha dlama tubi da aipapinshi. ⁷ Amman aci ika parisaucin na sadukiyaucin gawa ani ri gəri gaɗa nda dlamikshi baptisma tin, se da ramikshi ma, "Kun ngədima mbəkɗaɗin ndak sərka, gabɗu kun nintai kwa rawi da miya shitan mi aye ni ? ⁸ A dlamina ɗi mi a tatka iman kun. ⁹ Kun kuwa, kwa jəba mau bai i gəshakun ma, ' Ibrrahim ne afəkja.' Gaɗa kasən na rame kun, Kakasəku na kərrmai kə tlatli kutlai i Ibrrahim da kun guguyayin təku. ¹⁰ Nda npa na gawa i t ka aru wakakin srram. To, wanka tawanke warra baru ɗi bəlam bai nin, nda karma du, nda vərkədu i kun aka. ¹¹ Na dlami kun baptisma na aam i nye tubi, amman baci ni da ku ga ɗəka na iyu i kǝrmai, mi ko sono Gəri ngun na bata bai na lənci. Aci ne aye dlame kun baptisma na Nənwa Səku, zam na aka. ¹² Bi tlarya Geri a ami Geri, ke ɓəra rafiwa da kun alkama, a kasa na ri ɗəkau sarai, da bəri na alkamau da pi du i gadlaiGəri. Amman a baka na rafiwau na aka warra nda dumu tək gu bai." ¹³ Se Yeso da nai da larrdi Galili, da yi anku Urrdun i ri Yahai gaɗa da dlamici baptisma. ¹⁴ Amman Yahai ntutu da dapci na aci, da ramma; "Iyu mi na makau ka dlama nai baptisma nin Ci ?" ¹⁵ Yeso da ngumi, da ramici ma, "Abzhi da dlaɓi kasənu gusku, gaɗa kalkal i wa, rama adalta mak da niyi." Se Yahai da kasakci dlameci baptisma. ¹⁶ Aku nda dlamdici baptismau, Yeso da vəre kərrat da kun aamgu, se dəsku da rəpci ci,. Daiki Nənwa Səku a fuwayi ka tataru, da fuwai i ɗaGəri. 7 Se so adərr wura, vəre da dəsku a ramau ma, "Sutku ne wən ntuganai, gəshi ga parrak na aci."