¹ 'Iyu Bulus muwanak Masihu Yeso dari nufi Kakasǝku da ri alkawar ki aro wara a kunu Masihu Yeso. ² I Timoty, matkam ntuta: Herr, kabine, na salam da ri Kakasǝku Afǝwa na Masihu Yeso Mǝgǝngyiwa. ³ Na godeta Kakasǝku wara na dlami ci nakwana da ri kakancin ga na lamiri bǝlan sartu tawanke na tana ci i kun magita ga dǝviɗ na afa. ⁴ Sartu mi na tani ci nin ina kuno lawan ci gaɗa na dlaɓ na pǝrɗai. Na tana saurai ci. ⁵ Na tana bari jirewa imanci mi ba asali dari kaka ci Loyis na mi ci Afiniki. Na tabas nasgadu dam mbasu a kuna ci cam. ⁶ Su tuku ne dalil mi dawu na tana ci ma kas kuni aɗa bari sǝku wara kuna ci mi kabau dari impi aikwak ga i aɗa ci. ⁷ Gaɗa Kakasǝku bari wa Nǝnuwa ki kalau bai, amman bariwa kǝ kǝrmai na ntau na jǝba aɗa. ⁸ Gaɗa kasǝn ka dlama zhiru saida i ɗa Mǝgǝngyi bai, ko 'Iyu, Bulus, mi nda takwsu gaɗa gǝri, gaɗa kasǝn a dlam shiri ka si bone iɗa wazik darik kǝrmai Kakasǝku. ⁹ Kakasǝku ne ra wa kuru da dauriwa na daura mi go aipu. A ci dlam kasau, gaɗa dari wana wa bai, amman gaɗa sapǝr gǝri na herr gǝri bariwa sau i kun Masihu Yeso damba sǝkur zaman. ¹⁰ Amman gususku nda rǝptidiwa ra Kakasǝku virayi ba ci ra wa Masihu Yeso, Masihu ne de na dama mutu da ni na aro mi go dadigiri wara vireu da ri wazik. ¹¹ Gaɗa kasau, nda dawina iyu ba ci wazik, na mawanak, na malum. ¹² Gaɗa su ne na sa bone iɗa bayan gu tuku. Amman na kǝmo zhirau bai gaɗa nasgana a ci nen mi na bar jirewa. Na barna jirewa a ci ankalta be mi nabari ci herr i gafu gu tunu. ¹³ Ankalci gǝnawa jirewa saktu mi ka kǝma dariga, da ri bar jirewa na ntu mi a kun Masihu Yeso. ¹⁴ Be bǝlan mi Kakasǝku ba ri ci a gafu gu da ri Nǝnuwa Sǝku, wara dan mbasu a kunawa. ¹⁵ Gaskana sau, ndak mbasu i Asiya mustuda ankal. I kunu cappau na Fasalas na Harmajanas. ¹⁶ Kakasǝku da dlam kan jino i yal Onisfarus, gaɗa aci a dlama ni wana tlapar, kuru kǝmu zhirau takwas ga bai. ¹⁷ Gaɗa kasǝn sartu mi a ci a Roma maki Iyu ku tlapar na jirewa kuru dabina Iyu. ¹⁸ Mǝgǝngyi da dawi dabi kanjino dari gǝri i gafau. Duk dǝvavin mi banata iyu i lardi Afisa kwasgadu.