¹ Nabaku yo ngadar dinsu, a tong bunkogya algi, ka'a jo malumshe ngadar dinsu. A tong bunko daltu suti ngalɗeno so boitangtu, me ina shanak manta abano yo wanga zuni. zuni ella boyos kalau a kasu. ² Algi shei a daha kusansu, ki gyan yaftitik jires jina. ³ Ka zimansu zuni a ɗahingku ki gya eninsu yo ngadar, bo'osu a nasabu, sherya a wonɗe ka billa. ⁴ Ndeyi tika madukaku, 'yangko zunhu gyengabu. ki ka'a tuba zunitong tutuɗus unuk yesi ngarisuk yakla, ɗeyi wonɗe ka hoti sherya. ⁵ Ka'a ke jo wara dunyas inzibu. a bo ka'ai, wara Nuhu, yoi wazuk jire, ki biyani babilo, sommoɗiy mokno ham tufana tong dunya biya a ɗafshe Ndeyibu. ⁶ Nami Ndeyi bukti gyabanik sadoma ki gomratak yesi matinsu bo kuto, woi ɗeyini shida ei a helek biya a ruta zinabu. ⁷ Me moi woi a rutanta ina lutu, ngoi zobko tilini tong ɗeinok biyai an rutanta disak algi Ndeyi waltinika. ⁸ Woi ngoi a ɗeinos zina yo iko ɗeinok zuni lei hotis seya. Ki yabtanko tili a ka ei si kolshe ki ei a moishe. ⁹ Kika ka'a Ndeyi manotik bellei a hoti ana ramtata zinak tong kaftu, tok bellai a ngafdi biya a rutanta disa ki shida sheryas a isu. ¹⁰ Woi me yo jire gya biya sommonko tina dom ki rutazugo ki bokshik ana mene. Anan gyedok ka, ki ina ei tilinsu. A zabak ngarda ka biya namanka kasubu. ¹¹ Me maleikaku anandi gyedoki mene wallansu, me moka no ina ngadar kasu dom abanoibu. ¹² Me damɓa mamayei anandi difnabu, 'yangko zinak ka a ngafzuni karansu, a lehek ei manankobu, a bo'isu. ¹³ A watik boyo rutansui disa, a difnak kola zei ki hoti 'yak ɓano. Zuni guda kasu ana bo'yo' a kolshe zei ki rutansui yo boitu jajum yo zunu 'yangko bikik zuni. ¹⁴ Anandi idol moiyo monde ana aza. a kewek rutanta zunhubu a elnantik mamaye, anandi shei bu ki hangkalibugya rutanta disa. ke to zangkok tilinsu ka zima, zuniy millai kungzansu. ¹⁵ Zuni wusangko billei jire. Zuni 'yangko gerjejek ɗahangko billa ba'amu lah be'or yo ndalta mure jire. ¹⁶ Me biska girim ka zunhuni, yo si eni bu ma, gilla ka nabi kiɗolyak ngo. ¹⁷ Biyai mamaye 'yangko subak zuros so an hambu, zuni ɗeyansu ki kibei yo hifla rokshe tutuɗui yam aka kesa zina. ¹⁸ Zuni an shana ki gyeɗok ka a tabanta algik ki billei ndalta ei zugo. zuni taɓanta biya dalangko hatasuk biya a ɗeino tong ɗeono disa ¹⁹ A lhensu ngadar ta hoɗlnsu hili, Me zuni guda ka ngaru zunhu. Kika ngo ngaru tong shaf ki ei runni zugoni. ²⁰ Shaf ngoi hatak tong ɗeinos disa so dunya ki gya a bono ki a wangu Y eso Kiristi, jo moɗi hawok ɗeino so disai a ishe yo tataka a ɗeyia disa walitik yo tonoi e. ²¹ Iko zina kana zuni mangtangko billa ɗeino'a zina's so zuni mantankosbu. Me jo zuni walisuk bei ei bu'uno onansu. ²² Sere bo ngamo woise ɗeyi to jire kasu: ''Ada menni ka tina le'yonni, dogzoi 'yani binai manni tong ɗebe."